রাম সহস্রনামস্তোত্র

 .. রাম সহস্রনামস্তোত্র ..

শ্রীরাঘবং দশরথাত্মজমপ্রমেযং
সীতাপতিং রঘুকুলান্বযরত্নদীপম্ .
আজানুবাহুমরবিন্দদলাযতাক্ষং
রামং নিশাচরবিনাশকরং নমামি ..

বৈদেহীসহিতং সুরদ্রুমতলে হৈমে মহামণ্ডপে
মধ্যে পুষ্পকমাসনে মণিমযে বীরাসনে সুস্থিতম্ .
অগ্রে বাচযতি প্রভঞ্জনসুতে তত্ত্বং মুনিভ্যঃ পরং
ব্যাখ্যান্তং ভরতাদিভিঃ পরিবৃতং রামং ভজে শ্যামলম্ ..

শ্রীরামো রামভদ্রশ্চ রামচন্দ্রশ্চ শাশ্বতঃ .
রাজীবলোচনঃ শ্রীমান্ রাজেন্দ্রো রঘুপুঙ্গবঃ .. ১..

জানকীবল্লভো জৈত্রো জিতামিত্রো জনার্দনঃ .
বিশ্বামিত্রপ্রিযো দান্তঃ শত্রুজিচ্ছত্রুতাপনঃ .. ২..

বালিপ্রমথনো বাগ্মী সত্যবাক্ সত্যবিক্রমঃ .
সত্যব্রতো ব্রতধরঃ সদা হনুমদাশ্রিতঃ .. ৩..

কৌসলেযঃ খরধ্বংসী বিরাধবধপণ্ডিতঃ .
বিভীষণপরিত্রাতা হরকোদণ্ডখণ্ডনঃ .. ৪..

সপ্ততালপ্রভেত্তা চ দশগ্রীবশিরোহরঃ .
জামদগ্ন্যমহাদর্পদলনস্তাটকান্তকঃ .. ৫..

বেদান্তসারো বেদাত্মা ভবরোগস্য ভেষজম্ .
দূষণত্রিশিরো হন্তা ত্রিমূর্তিস্ত্রিগুণাত্মকঃ .. ৬..

ত্রিবিক্রমস্ত্রিলোকাত্মা পুণ্যচারিত্রকীর্তনঃ .
ত্রিলোকরক্ষকো ধন্বী দণ্ডকারণ্যপাবনঃ .. ৭..

অহল্যাশাপশমনঃ পিতৃভক্তো বরপ্রদঃ .
জিতেন্দ্রিযো জিতক্রোধো জিতামিত্রো জগদ্গুরুঃ .. ৮..

ঋক্ষবানরসংঘাতী চিত্রকূটসমাশ্রযঃ .
জযন্তত্রাণবরদঃ সুমিত্রাপুত্রসেবিতঃ .. ৯..

সর্বদেবাদিদেবশ্চ মৃতবানরজীবনঃ .
মাযামারীচহন্তা চ মহাদেবো মহাভুজঃ .. ১০..

সর্বদেবস্তুতঃ সৌম্যো ব্রহ্মণ্যো মুনিসংস্তুতঃ .
মহাযোগী মহোদারঃ সুগ্রীবেপ্সিতরাজ্যদঃ .. ১১..

সর্বপুণ্যাধিকফলঃ স্মৃতসর্বাঘনাশনঃ .
আদিদেবো মহাদেবো মহাপূরুষ এব চ .. ১২..

পুণ্যোদযো দযাসারঃ পুরাণপুরুষোত্তমঃ .
স্মিতবক্ত্রো মিতাভাষী পূর্বভাষী চ রাঘবঃ .. ১৩..

অনন্তগুণগম্ভীরো ধীরোদাত্তগুণোত্তমঃ .
মাযামানুষচারিত্রো মহাদেবাদিপূজিতঃ .. ১৪..

সেতুকৃজ্জিতবারীশঃ সর্বতীর্থমযো হরিঃ .
শ্যামাঙ্গঃ সুন্দরঃ শূরঃ পীতবাসা ধনুর্ধরঃ .. ১৫..

সর্বযজ্ঞাধিপো যজ্বা জরামরণবর্জিতঃ .
শিবলিঙ্গপ্রতিষ্ঠাতা সর্বাবগুণবর্জিতঃ .. ১৬..

পরমাত্মা পরং ব্রহ্ম সচ্চিদানন্দবিগ্রহঃ .
পরং জ্যোতিঃ পরংধাম পরাকাশঃ পরাত্পরঃ .. ১৭..

পরেশঃ পারগঃ পারঃ সর্বদেবাত্মকঃ পরঃ ..

.. ইতি শ্রীরামাষ্টোত্তরশতনামস্তোত্রং সম্পূর্ণম্ ..

রাজীবলোচনঃ শ্রীমান্ শ্রীরামো রঘুপুঙ্গবঃ .
রামভদ্রঃ সদাচারো রাজেন্দ্রো জানকীপতিঃ .. ১..

অগ্রগণ্যো বরেণ্যশ্চ বরদঃ পরমেশ্বরঃ .
জনার্দনো জিতামিত্রঃ পরার্থৈকপ্রযোজনঃ .. ২..

বিশ্বামিত্রপ্রিযো দান্তশ্শত্রুজিচ্ছত্রুতাপনঃ .
সর্বজ্ঞঃ সর্বদেবাদিঃ শরণ্যো বালিমর্দনঃ .. ৩..

জ্ঞানভাব্যোঽপরিচ্ছেদ্যোবাগ্মীসত্যব্রতঃ শুচিঃ .
জ্ঞানগম্যো দৃঢপ্রজ্ঞঃ খরধ্বংসী প্রতাপবান্ .. ৪..

দ্যুতিমানাত্মবান্ বীরো জিতক্রোধোঽরিমর্দনঃ .
বিশ্বরূপো বিশালাক্ষঃ প্রভুঃ পরিবৃঢো দৃঢঃ .. ৫..

ঈশঃ খড্গধরঃ শ্রীমান্ কৌসলেযোঽনসূযকঃ .
বিপুলাংসো মহোরস্কঃ পরমেষ্ঠী পরাযণঃ .. ৬..

সত্যব্রতঃ সত্যসংধো গুরুঃ পরমধার্মিকঃ .
লোকজ্ঞো লোকবন্দ্যশ্চ লোকাত্মালোককৃত্পরঃ .. ৭..

অনাদির্ভগবান্ সেব্যো জিতমাযো রঘূদ্বহঃ .
রামো দযাকরো দক্ষঃ সর্বজ্ঞঃ সর্বপাবনঃ .. ৮..

ব্রহ্মণ্যো নীতিমান্ গোপ্তা সর্বদেবমযো হরিঃ .
সুন্দরঃ পীতবাসাশ্চ সূত্রকারঃ পুরাতনঃ .. ৯..

সৌম্যো মহর্ষিঃ কোদণ্ডী সর্বজ্ঞঃ সর্বকোবিদঃ .
কবিঃ সুগ্রীববরদঃ সর্বপুণ্যাধিকপ্রদঃ .. ১০..

ভব্যো জিতারিষড্বর্গো মহোদরোঽঘনাশনঃ .
সুকীর্তিরাদিপুরুষঃ কান্তঃ পুণ্যকৃতাগমঃ .. ১১..

অকল্মষশ্চতুর্বাহুঃ সর্বাবাসো দুরাসদঃ .
স্মিতভাষী নিবৃত্তাত্মা স্মৃতিমান্ বীর্যবান্ প্রভুঃ .. ১২..

ধীরো দান্তো ঘনশ্যামঃ সর্বাযুধবিশারদঃ .
অধ্যাত্মযোগনিলযঃ সুমনা লক্ষ্মণাগ্রজঃ .. ১৩..

সর্বতীর্থমযশ্শূরঃ সর্বযজ্ঞফলপ্রদঃ .
যজ্ঞস্বরূপী যজ্ঞেশো জরামরণবর্জিতঃ .. ১৪..

বর্ণাশ্রমকরো বর্ণী শত্রুজিত্ পুরুষোত্তমঃ .
বিভীষণপ্রতিষ্ঠাতা পরমাত্মা পরাত্পরঃ .. ১৫..

প্রমাণভূতো দুর্জ্ঞেযঃ পূর্ণঃ পরপুরংজযঃ .
অনন্তদৃষ্টিরানন্দো ধনুর্বেদো ধনুর্ধরঃ .. ১৬..

গুণাকরো গুণশ্রেষ্ঠঃ সচ্চিদানন্দবিগ্রহঃ .
অভিবন্দ্যো মহাকাযো বিশ্বকর্মা বিশারদঃ .. ১৭..

বিনীতাত্মা বীতরাগঃ তপস্বীশো জনেশ্বরঃ .
কল্যাণপ্রকৃতিঃ কল্পঃ সর্বেশঃ সর্বকামদঃ .. ১৮..

অক্ষযঃ পুরুষঃ সাক্ষী কেশবঃ পুরুষোত্তমঃ .
লোকাধ্যক্ষো মহামাযো বিভীষণবরপ্রদঃ .. ১৯..

আনন্দবিগ্রহো জ্যোতির্হনুমত্প্র্ভুরব্যযঃ .
ভ্রাজিষ্ণুঃ সহনো ভোক্তা সত্যবাদী বহুশ্রুতঃ .. ২০..

সুখদঃ কারণং কর্তা ভববন্ধবিমোচনঃ .
দেবচূডামণির্নেতা ব্রহ্মণ্যো ব্রহ্মবর্ধনঃ .. ২১..

সংসারোত্তারকো রামঃ সর্বদুঃখবিমোক্ষকৃত্ .
বিদ্বত্তমো বিশ্বকর্তা বিশ্বহর্তা চ বিশ্বকৃত্ .. ২২..

নিত্যোনিযতকল্যাণঃ সীতাশোকবিনাশকৃত্ .
কাকুত্স্থঃ পুণ্ডরীকাক্ষো বিশ্বামিত্রভযাপহঃ .. ২৩..

মারীচমথনো রামো বিরাধবধপণ্ডিতঃ .
দুস্স্বপ্ননাশনো রম্যঃ কিরীটী ত্রিদশাধিপঃ .. ২৪..

মহাধনুর্মহাকাযো ভীমো ভীমপরাক্রমঃ .
তত্ত্বস্বরূপী তত্ত্বজ্ঞঃ তত্ত্ববাদী সুবিক্রমঃ .. ২৫..

ভূতাত্মা ভূতকৃত্স্বামী কালজ্ঞানী মহাপটুঃ .
অনির্বিণ্ণো গুণগ্রাহী নিষ্কলঙ্কঃ কলঙ্কহা .. ২৬..

স্বভাবভদ্রশ্শত্রুঘ্নঃ কেশবঃ স্থাণুরীশ্বরঃ .
ভূতাদিঃ শম্ভুরাদিত্যঃ স্থবিষ্ঠশ্শাশ্বতোধ্রুবঃ .. ২৭..

কবচী কুণ্ডলী চক্রী খড্গী ভক্তজনপ্রিযঃ .
অমৃত্যুর্জন্মরহিতঃ সর্বজিত্সর্বগোচরঃ .. ২৮..

অনুত্তমোঽপ্রমেযাত্মা সর্বাদির্গুণসাগরঃ .
সমঃ সমাত্মা সমগো জটামুকুটমণ্ডিতঃ .. ২৯..

অজেযঃ সর্বভূতাত্মা বিষ্বক্সেনো মহাতপাঃ .
লোকাধ্যক্ষো মহাবাহুরমৃতো বেদবিত্তমঃ .. ৩০..

সহিষ্ণুঃ সদ্গতিঃ শাস্তা বিশ্বযোনির্মহাদ্যুতিঃ .
অতীন্দ্র ঊর্জিতঃ প্রাংশুরুপেন্দ্রো বামনো বলী .. ৩১..

ধনুর্বেদো বিধাতা চ ব্রহ্মা বিষ্ণুশ্চ শংকরঃ .
হংসো মরীচির্গোবিন্দো রত্নগর্ভো মহামতিঃ .. ৩২..

ব্যাসো বাচস্পতিঃ সর্বদর্পিতাসুরমর্দনঃ .
জানকীবল্লভঃ পূজ্যঃ প্রকটঃ প্রীতিবর্ধনঃ .. ৩৩..

সম্ভবোঽতীন্দ্রিযোবেদ্যোঽনির্দেশোজাম্ববত্প্রভুঃ .
মদনো মথনো ব্যাপী বিশ্বরূপো নিরঞ্জনঃ .. ৩৪..

নারাযণোঽগ্রণীঃ সাধুর্জটাযুপ্রীতিবর্ধনঃ .
নৈকরূপো জগন্নাথঃ সুরকার্যহিতঃ স্বভূঃ .. ৩৫..

জিতক্রোধো জিতারাতিঃ প্লবগাধিপরাজ্যদঃ .
বসুদঃ সুভুজো নৈকমাযো ভব্যপ্রমোদনঃ .. ৩৬..

চণ্ডাংশুঃ সিদ্ধিদঃ কল্পঃ শরণাগতবত্সলঃ .
অগদো রোগহর্তা চ মন্ত্রজ্ঞো মন্ত্রভাবনঃ .. ৩৭..

সৌমিত্রিবত্সলো ধুর্যো ব্যক্তাব্যক্তস্বরূপধৃক্ .
বসিষ্ঠো গ্রামণীঃ শ্রীমাননুকূলঃ প্রিযংবদঃ .. ৩৮..

অতুলঃ সাত্ত্বিকো ধীরঃ শরাসনবিশারদঃ .
জ্যেষ্ঠঃ সর্বগুণোপেতঃ শক্তিমাংস্তাটকান্তকঃ .. ৩৯..

বৈকুণ্ঠঃ প্রাণিনাং প্রাণঃ কমঠঃ কমলাপতিঃ .
গোবর্ধনধরো মত্স্যরূপঃ কারুণ্যসাগরঃ .. ৪০..

কুম্ভকর্ণপ্রভেত্তা চ গোপিগোপালসংবৃতঃ .
মাযাবী ব্যাপকো ব্যাপী রৈণুকেযবলাপহঃ .. ৪১..

পিনাকমথনো বন্দ্যঃ সমর্থো গরুডধ্বজঃ .
লোকত্রযাশ্রযো লোকচরিতো ভরতাগ্রজঃ .. ৪২..

শ্রীধরঃ সদ্গতির্লোকসাক্ষী নারাযণো বুধঃ .
মনোবেগী মনোরূপী পূর্ণঃ পুরুষপুঙ্গবঃ .. ৪৩..

যদুশ্রেষ্ঠো যদুপতির্ভূতাবাসঃ সুবিক্রমঃ .
তেজোধরো ধরাধারশ্চতুর্মূর্তির্মহানিধিঃ .. ৪৪..

চাণূরমর্দনো দিব্যশ্শান্তো ভরতবন্দিতঃ .
শব্দাতিগো গভীরাত্মা কোমলাঙ্গঃ প্রজাগরঃ .. ৪৫..

লোকগর্ভশ্শেষশাযী ক্ষীরাব্ধিনিলযোঽমলঃ .
আত্মযোনিরদীনাত্মা সহস্রাক্ষঃ সহস্রপাত্ .. ৪৬..

অমৃতাংশুর্মহাগর্ভো নিবৃত্তবিষযস্পৃহঃ .
ত্রিকালজ্ঞো মুনিস্সাক্ষী বিহাযসগতিঃ কৃতী .. ৪৭..

পর্জন্যঃ কুমুদো ভূতাবাসঃ কমললোচনঃ .
শ্রীবত্সবক্ষাঃ শ্রীবাসো বীরহা লক্ষ্মণাগ্রজঃ .. ৪৮..

লোকাভিরামো লোকারিমর্দনঃ সেবকপ্রিযঃ .
সনাতনতমো মেঘশ্যামলো রাক্ষসান্তকৃত্ .. ৪৯..

দিব্যাযুধধরঃ শ্রীমানপ্রমেযো জিতেন্দ্রিযঃ .
ভূদেববন্দ্যো জনকপ্রিযকৃত্প্রপিতামহঃ .. ৫০..

উত্তমঃ সাত্বিকঃ সত্যঃ সত্যসংধস্ত্রিবিক্রমঃ .
সুব্রতঃ সুলভঃ সূক্ষ্মঃ সুঘোষঃ সুখদঃ সুধীঃ .. ৫১..

দামোদরোঽচ্যুতশ্শার্ঙ্গী বামনো মধুরাধিপঃ .
দেবকীনন্দনঃ শৌরিঃ শূরঃ কৈটভমর্দনঃ .. ৫২..

সপ্ততালপ্রভেত্তা চ মিত্রবংশপ্রবর্ধনঃ .
কালস্বরূপী কালাত্মাকালঃ কল্যাণদঃকবিঃ
সংবত্সর ঋতুঃ পক্ষো হ্যযনং দিবসো যুগঃ .. ৫৩..

স্তব্যো বিবিক্তো নির্লেপঃ সর্বব্যাপী নিরাকুলঃ .
অনাদিনিধনঃ সর্বলোকপূজ্যো নিরামযঃ .. ৫৪..

রসো রসজ্ঞঃ সারজ্ঞো লোকসারো রসাত্মকঃ .
সর্বদুঃখাতিগো বিদ্যারাশিঃ পরমগোচরঃ .. ৫৫..

শেষো বিশেষো বিগতকল্মষো রঘুনাযকঃ .
বর্ণশ্রেষ্ঠো বর্ণবাহ্যো বর্ণ্যো বর্ণ্যগুণোজ্জ্বলঃ .. ৫৬..

কর্মসাক্ষ্যমরশ্রেষ্ঠো দেবদেবঃ সুখপ্রদঃ .
দেবাধিদেবো দেবর্ষির্দেবাসুরনমস্কৃতঃ .. ৫৭..

সর্বদেবমযশ্চক্রী শার্ঙ্গপাণী রঘূত্তমঃ .
মনো বুদ্ধিরহংকারঃ প্রকৃতিঃ পুরুষোঽব্যযঃ .. ৫৮..

অহল্যাপাবনঃ স্বামী পিতৃভক্তো বরপ্রদঃ .
ন্যাযো ন্যাযী নযী শ্রীমান্নযো নগধরোধ্রুবঃ .. ৫৯..

লক্ষ্মীবিশ্বম্ভরাভর্তা দেবেন্দ্রো বলিমর্দনঃ .
বাণারিমর্দনো যজ্বানুত্তমো মুনিসেবিতঃ .. ৬০..

দেবাগ্রণীঃ শিবধ্যানতত্পরঃ পরমঃ পরঃ .
সামগেযঃ প্রিযোঽক্রূরঃ পুণ্যকীর্তিস্সুলোচনঃ .. ৬১..

পুণ্যঃ পুণ্যাধিকঃ পূর্বঃ পূর্ণঃ পূরযিতা রবিঃ .
জটিলঃ কল্মষধ্বান্তপ্রভঞ্জনবিভাবসুঃ .. ৬২..

অব্যক্তলক্ষণোঽব্যক্তো দশাস্যদ্বিপকেসরী .
কলানিধিঃ কলানাথো কমলানন্দবর্ধনঃ .. ৬৩..

জযী জিতারিঃ সর্বাদিঃ শমনো ভবভঞ্জনঃ .
অলংকরিষ্ণুরচলো রোচিষ্ণুর্বিক্রমোত্তমঃ .. ৬৪..

আশুঃ শব্দপতিঃ শব্দাগোচরো রঞ্জনো রঘুঃ .
নিশ্শব্দঃ প্রণবো মালী স্থূলঃ সূক্ষ্মো বিলক্ষণঃ .. ৬৫..

আত্মযোনিরযোনিশ্চ সপ্তজিহ্বঃ সহস্রপাত্ .
সনাতনতমস্স্রগ্বী পেশলো জবিনাং বরঃ .. ৬৬..

শক্তিমাঞ্শঙ্খভৄন্নাথঃ গদাপদ্মরথাঙ্গভৃত্ .
নিরোহো নির্বিকল্পশ্চ চিদ্রূপো বীতসাধ্বসঃ .. ৬৭..

শতাননঃ সহস্রাক্ষঃ শতমূর্তির্ধনপ্রভঃ .
হৃত্পুণ্ডরীকশযনঃ কঠিনো দ্রব এব চ .. ৬৮..

উগ্রো গ্রহপতিঃ শ্রীমান্ সমর্থোঽনর্থনাশনঃ .
অধর্মশত্রূ রক্ষোঘ্নঃ পুরুহূতঃ পুরুষ্টুতঃ .. ৬৯..

ব্রহ্মগর্ভো বৃহদ্গর্ভো ধর্মধেনুর্ধনাগমঃ .
হিরণ্যগর্ভোজ্যোতিষ্মান্ সুললাটঃ সুবিক্রমঃ .. ৭০..

শিবপূজারতঃ শ্রীমান্ ভবানীপ্রিযকৃদ্বশী .
নরো নারাযণঃ শ্যামঃ কপর্দীনীললোহিতঃ .. ৭১..

রুদ্রঃ পশুপতিঃ স্থাণুর্বিশ্বামিত্রো দ্বিজেশ্বরঃ .
মাতামহোমাতরিশ্বাবিরিঞ্চোবিষ্টরশ্রবাঃ .. ৭২..

অক্ষোভ্যঃ সর্বভূতানাং চণ্ডঃ সত্যপরাক্রমঃ .
বালখিল্যো মহাকল্পঃ কল্পবৃক্ষঃ কলাধরঃ .. ৭৩..

নিদাঘস্তপনোঽমোঘঃ শ্লক্ষ্ণঃ পরবলাপহৃত্ .
কবন্ধমথনো দিব্যঃ কম্বুগ্রীবশিবপ্রিযঃ .. ৭৪..

শঙ্খোঽনিলঃ সুনিষ্পন্নঃ সুলভঃ শিশিরাত্মকঃ .
অসংসৃষ্টোঽতিথিঃ শূরঃ প্রমাথী পাপনাশকৃত্ .. ৭৫..

বসুশ্রবাঃ কব্যবাহঃ প্রতপ্তো বিশ্বভোজনঃ .
রামোনীলোত্পলশ্যামোজ্ঞানস্কন্ধোমহাদ্যুতিঃ .. ৭৬..

পবিত্রপাদঃ পাপারির্মণিপূরো নভোগতিঃ .
উত্তারণো দুষ্কৃতিহা দুর্ধর্ষো দুস্সহোঽভযঃ .. ৭৭..

অমৃতেশোঽমৃতবপুর্ধর্মী ধর্মঃ কৃপাকরঃ .
ভর্গো বিবস্বানাদিত্যো যোগাচার্যো দিবস্পতিঃ .. ৭৮..

উদারকীর্তিরুদ্যোগী বাঙ্মযঃ সদসন্মযঃ .
নক্ষত্রমালী নাকেশঃ স্বাধিষ্ঠানঃ ষডাশ্রযঃ .. ৭৯..

চতুর্বর্গফলো বর্ণী শক্তিত্রযফলং নিধিঃ .
নিধানগর্ভো নির্ব্যাজো গিরীশো ব্যালমর্দনঃ .. ৮০..

শ্রীবল্লভঃ শিবারম্ভঃ শান্তির্ভদ্রঃ সমঞ্জসঃ .
ভূশযো ভূতিকৃদ্ভূতির্ভূষণো ভূতবাহনঃ .. ৮১..

অকাযো ভক্তকাযস্থঃ কালজ্ঞানী মহাবটুঃ .
পরার্থবৃত্তিরচলো বিবিক্তঃ শ্রুতিসাগরঃ .. ৮২..

স্বভাবভদ্রো মধ্যস্থঃ সংসারভযনাশনঃ .
বেদ্যো বৈদ্যো বিযদ্গোপ্তা সর্বামরমুনীশ্বরঃ .. ৮৩..

সুরেন্দ্রঃ করণং কর্ম কর্মকৃত্কর্ম্যধোক্ষজঃ .
ধ্যেযো ধুর্যো ধরাধীশঃ সংকল্পঃ শর্বরীপতিঃ .. ৮৪..

পরমার্থগুরুর্বৃদ্ধঃ শুচিরাশ্রিতবত্সলঃ .
বিষ্ণুর্জিষ্ণুর্বিভুর্বন্দ্যো যজ্ঞেশো যজ্ঞপালকঃ .. ৮৫..

প্রভবিষ্ণুর্গ্রসিষ্ণুশ্চ লোকাত্মা লোকভাবনঃ .
কেশবঃ কেশিহা কাব্যঃ কবিঃ কারণকারণম্ .. ৮৬..

কালকর্তা কালশেষো বাসুদেবঃ পুরুষ্টুতঃ .
আদিকর্তা বরাহশ্চ মাধবো মধুসূদনঃ .. ৮৭..

নারাযণো নরো হংসো বিষ্বক্সেনো জনার্দনঃ .
বিশ্বকর্তা মহাযজ্ঞো জ্যোতিষ্মান্ পুরুষোত্তমঃ .. ৮৮..

বৈকুণ্ঠঃ পুণ্ডরীকাক্ষঃ কৃষ্ণঃ সূর্যঃ সুরার্চিতঃ .
নারসিংহো মহাভীমো বক্রদংষ্ট্রো নখাযুধঃ .. ৮৯..

আদিদেবো জগত্কর্তা যোগীশো গরুডধ্বজঃ .
গোবিন্দোগোপতির্গোপ্তা ভূপতির্ভুবনেশ্বরঃ .. ৯০..

পদ্মনাভো হৃষীকেশো ধাতা দামোদরঃ প্রভুঃ .
ত্রিবিক্রমস্ত্রিলোকেশো ব্রহ্মেশঃ প্রীতিবর্ধনঃ .. ৯১..

বামনো দুষ্টদমনো গোবিন্দো গোপবল্লভঃ .
ভক্তপ্রিযোঽচ্যুতঃ সত্যঃ সত্যকীর্তির্ধৃতিঃ স্মৃতিঃ .. ৯২..

কারুণ্যং করুণো ব্যাসঃ পাপহা শান্তিবর্ধনঃ .
সংন্যাসী শাস্ত্রতত্বজ্ঞো মন্দরাদ্রিনিকেতনঃ .. ৯৩..

বদরীনিলযঃ শান্তস্তপস্বী বৈদ্যুতপ্রভঃ .
ভূতাবাসো গুহাবাসঃ শ্রীনিবাসঃ শ্রিযঃ পতিঃ .. ৯৪..

তপোবাসো মুদাবাসঃ সত্যবাসঃ সনাতনঃ .
পুরুষঃ পুষ্করঃ পুণ্যঃ পুষ্করাক্ষো মহেশ্বরঃ .. ৯৫..

পূর্ণমূর্তিঃ পুরাণজ্ঞঃ পুণ্যদঃ প্রীতিবর্ধনঃ .
শঙ্খী চক্রী গদী শার্ঙ্গী লাঙ্গলী মুসলী হলী .. ৯৬..

কিরীটী কুণ্ডলী হারী মেখলী কবচী ধ্বজী .
যোদ্ধা জেতা মহাবীর্যঃ শত্রুজিচ্ছত্রুতাপনঃ .. ৯৭..

শাস্তা শাস্ত্রকরঃ শাস্ত্রং শংকর: শংকরস্তুতঃ .
সারথিঃ সাত্ত্বিকঃ স্বামী সামবেদপ্রিযঃ সমঃ .. ৯৮..

পবনঃ সংহতঃ শক্তিঃ সম্পূর্ণাঙ্গঃ সমৃদ্ধিমান্ .
স্বর্গদঃ কামদঃ শ্রীদঃ কীর্তিদোঽকীর্তিনাশনঃ .. ৯৯..

মোক্ষদঃ পুণ্ডরীকাক্ষঃ ক্ষীরাব্ধিকৃতকেতনঃ .
সর্বাত্মাসর্বলোকেশঃ প্রেরকঃ পাপনাশনঃ .. ১০০..

সর্বব্যাপী জগন্নাথঃ সর্বলোকমহেশ্বরঃ .
সর্গস্থিত্যন্তকৃদ্দেবঃ সর্বলোকসুখাবহঃ .. ১০১..

অক্ষয্যঃ শাশ্বতোঽনন্তঃ ক্ষযবৃদ্ধিবিবর্জিতঃ .
নির্লেপো নির্গুণঃ সূক্ষ্মো নির্বিকারো নিরঞ্জনঃ .. ১০২..

সর্বোপাধিবিনির্মুক্তঃ সত্তামাত্রব্যবস্থিতঃ .
অধিকারী বিভুর্নিত্যঃ পরমাত্মা সনাতনঃ .. ১০৩..

অচলো নির্মলো ব্যাপী নিত্যতৃপ্তো নিরাশ্রযঃ .
শ্যামো যুবা লোহিতাক্ষো দীপ্তাস্যো মিতভাষণঃ .. ১০৪..

আজানুবাহুঃ সুমুখঃ সিংহস্কন্ধো মহাভুজঃ .
সত্যবান্ গুণসম্পন্নঃ স্বযংতেজাঃ সুদীপ্তিমান্ .. ১০৫..

কালাত্মা ভগবান্ কালঃ কালচক্রপ্রবর্তকঃ .
নারাযণঃ পরংজ্যোতিঃ পরমাত্মা সনাতনঃ .. ১০৬..

বিশ্বসৃড্বিশ্বগোপ্তা চ বিশ্বভোক্তা চ শাশ্বতঃ .
বিশ্বেশ্বরো বিশ্বমূর্তির্বিশ্বাত্মা বিশ্বভাবনঃ .. ১০৭..

সর্বভূতসুহৃচ্ছান্তঃ সর্বভূতানুকম্পনঃ .
সর্বেশ্বরেশ্বরঃ সর্বঃ শ্রীমানাশ্রিতবত্সলঃ .. ১০৮..

সর্বগঃ সর্বভূতেশঃ সর্বভূতাশযস্থিতঃ .
অভ্যন্তরস্থস্তমসশ্ছেত্তা নারাযণঃ পরঃ .. ১০৯..

অনাদিনিধনঃ স্রষ্টা প্রজাপতিপতির্হরিঃ .
নরসিংহো হৃষীকেশঃ সর্বাত্মা সর্বদৃগ্বশী .. ১১০..

জগতস্তস্থুষশ্চৈব প্রভুর্নেতা সনাতনঃ .
কর্তা ধাতা বিধাতা চ সর্বেষাং প্রভুরীশ্বরঃ .. ১১১..

সহস্রমূর্তির্বিশ্বাত্মা বিষ্ণুর্বিশ্বদৃগব্যযঃ .
পুরাণপুরুষঃ স্রষ্টা সহস্রাক্ষঃ সহস্রপাত্ .. ১১২..

তত্ত্বং নারাযণো বিষ্ণুর্বাসুদেবঃ সনাতনঃ .
পরমাত্মা পরং ব্রহ্ম সচ্চিদানন্দবিগ্রহঃ .. ১১৩..

পরংজ্যোতিঃ পরংধামঃ পরাকাশঃ পরাত্পরঃ .
অচ্যুতঃ পুরুষঃ কৃষ্ণঃ শাশ্বতঃ শিব ঈশ্বরঃ .. ১১৪..

নিত্যঃ সর্বগতঃ স্থাণুরুগ্রঃ সাক্ষী প্রজাপতিঃ .
হিরণ্যগর্ভঃ সবিতা লোককৃল্লোকভৃদ্বিভুঃ .. ১১৫..

রামঃ শ্রীমান্ মহাবিষ্ণুর্জিষ্ণুর্দেবহিতাবহঃ .
তত্বাত্মা তারকং ব্রহ্ম শাশ্বতঃ সর্বসিদ্ধিদঃ .. ১১৬..

অকারবাচ্যোভগবান্ শ্রীর্ভূলীলাপতিঃ পুমান্ .
সর্বলোকেশ্বরঃ শ্রীমান্ সর্বজ্ঞঃ সর্বতোমুখঃ .. ১১৭..

স্বামী সুশীলঃ সুলভঃ সর্বজ্ঞঃ সর্বশক্তিমান্ .
নিত্যঃ সম্পূর্ণকামশ্চ নৈসর্গিকসুহৃত্সুখী .. ১১৮..

কৃপাপীযূষজলধিশ্শরণ্যঃ সর্বদেহিনাম্ .
শ্রীমান্নারাযণঃ স্বামী জগতাং পতিরীশ্বরঃ .. ১১৯..

শ্রীশঃ শরণ্যো ভূতানাং সংশ্রিতাভীষ্টদাযকঃ .
অনন্তঃ শ্রীপতী রামো গুণভৃন্নির্গুণো মহান্ .. ১২০..

.. ইতি শ্রীরামসহস্রনামস্তোত্রং সম্পূর্ণম্ ..