বেঙ্কটেশ করাবলম্ব স্তোত্রম্

.. শ্রী বেঙ্কটেশ করাবলম্ব স্তোত্রম্ ..

শ্রী শেষশৈল সুনিকেতন দিব্যমূর্তে
       নারাযণাচ্যুত হরে নলিনাযতাক্ষ .
লীলাকটাক্ষ পরিরক্ষিত সর্বলোক
       শ্রী বেঙ্কটেশ মম দেহি করাবলম্বম্ .. ১..
ব্রহ্মাদিবন্দিতপদাম্বুজ শঙ্খপাণে
       শ্রীমত্সুদর্শন সুশোভিত দিব্যহস্ত .
কারুণ্যসাগর শরণ্য সুপুণ্যমূর্তে
       শ্রী বেঙ্কটেশ মম দেহি করাবলম্বম্ .. ২..
বেদান্ত- বেদ্য ভবসাগর- কর্ণধার
       শ্রীপদ্মনাভ কমলার্চিতপাদপদ্ম .
লোকৈক- পাবন পরাত্পর পাপহারিন্
       শ্রী বেঙ্কটেশ মম দেহি করাবলম্বম্ .. ৩..
লক্ষ্মীপতে নিগমলক্ষ্য নিজস্বরূপ
       কামাদিদোষ পরিহারক বোধদাযিন্ .
দৈত্যাদিমর্দন জনার্দন বাসুদেব
       শ্রী বেঙ্কটেশ মম দেহি করাবলম্বম্ .. ৪..
তাপত্রযং হর বিভো রভসা মুরারে
       সংরক্ষ মাং করুণযা সরসীরুহাক্ষ .
মচ্ছিষ্যমিত্যনুদিনং পরিরক্ষ বিষ্ণো
       শ্রী বেঙ্কটেশ মম দেহি করাবলম্বম্ .. ৫..
শ্রী জাতরূপনবরত্ন লসত্কিরীট-
       কস্তূরিকাতিলকশোভিললাটদেশ .
রাকেন্দুবিম্ব বদনাম্বুজ বারিজাক্ষ
       শ্রী বেঙ্কটেশ মম দেহি করাবলম্বম্ .. ৬..
বন্দারুলোক- বরদান- বচোবিলাস
      রত্নাঢ্যহার পরিশোভিত কম্বুকণ্ঠ .
কেযূররত্ন সুবিভাসি- দিগন্তরাল
      শ্রী বেঙ্কটেশ মম দেহি করাবলম্বম্ .. ৭..
দিব্যাঙ্গদাঙ্কিত ভুজদ্বয মঙ্গলাত্মন্
       কেযূরভূষণ সুশোভিত দীর্ঘবাহো .
নাগেন্দ্র- কঙ্কণ করদ্বয কামদাযিন্
       শ্রী বেঙ্কটেশ মম দেহি করাবলম্বম্ .. ৮..
স্বামিন্ জগদ্ধরণবারিধিমধ্যমগ্ন
       মামুদ্ধারয কৃপযা করুণাপযোধে .
লক্ষ্মীংশ্চ দেহি মম ধর্ম সমৃদ্ধিহেতুং
       শ্রী বেঙ্কটেশ মম দেহি করাবলম্বম্ .. ৯..
দিব্যাঙ্গরাগপরিচর্চিত কোমলাঙ্গ
       পীতাম্বরাবৃততনো তরুণার্ক ভাস
সত্যাংচ নাভ পরিধান সুপত্তু বন্ধ
       শ্রী বেঙ্কটেশ মম দেহি করাবলম্বম্ .. ১০..
রত্নাঢ্যদাম সুনিবদ্ধ- কটি- প্রদেশ
       মাণিক্যদর্পণ সুসন্নিভ জানুদেশ .
জঙ্ঘাদ্বযেন পরিমোহিত সর্বলোক
       শ্রী বেঙ্কটেশ মম দেহি করাবলম্বম্ .. ১১..
লোকৈকপাবন- সরিত্পরিশোভিতাঙ্ঘ্রে
       ত্বত্পাদদর্শন দিনে চ মমাঘমীশ .
হার্দং তমশ্চ সকলং লযমাপ ভূমন্
       শ্রী বেঙ্কটেশ মম দেহি করাবলম্বম্ .. ১২..
কামাদি- বৈরি- নিবহোচ্যুত মে প্রযাতঃ
       দারিদ্র্যমপ্যপগতং সকলং দযালো .
দীনং চ মাং সমবলোক্য দযার্দ্র দৃষ্ট্যা
       শ্রী বেঙ্কটেশ মম দেহি করাবলম্বম্ .. ১৩..
শ্রী বেঙ্কটেশ পদপঙ্কজ ষট্পদেন
       শ্রীমন্নৃসিংহযতিনা রচিতং জগত্যাম্ .
যে তত্পঠন্তি মনুজাঃ পুরুষোত্তমস্য
       তে প্রাপ্নুবন্তি পরমাং পদবীং মুরারেঃ .. ১৪..
.. ইতি শ্রী শৃঙ্গেরি জগদ্গুরুণা শ্রী নৃসিংহ ভারতি
স্বামিনা রচিতং শ্রী বেঙ্কটেশ করাবলম্ব স্তোত্রং সংপূর্ণম্ ..