বালমুকুন্দাষ্টকং

 .. বালমুকুন্দাষ্টকং ..

করারবিন্দেন পদারবিন্দং মুখারবিন্দে বিনিবেশযন্তম্ |
বটস্য পত্রস্য পুটে শযানং বালং মুকুন্দং মনসা স্মরামি || ১||
সংহৃত্য লোকান্বটপত্রমধ্যে শযানমাদ্যন্তবিহীনরূপম্ |
সর্বেশ্বরং সর্বহিতাবতারং বালং মুকুন্দং মনসা স্মরামি || ২||
ইন্দীবরশ্যামলকোমলাংগং ইন্দ্রাদিদেবার্চিতপাদপদ্মম্ |
সন্তানকল্পদ্রুমমাশ্রিতানাং বালং মুকুন্দং মনসা স্মরামি || ৩||
লম্বালকং লম্বিতহারযষ্টিং শৃংগারলীলাংকিতদন্তপঙ্ক্তিম্ |
বিংবাধরং চারুবিশালনেত্রং বালং মুকুন্দং মনসা স্মরামি || ৪||
শিক্যে নিধাযাদ্যপযোদধীনি বহির্গতাযাং ব্রজনাযিকাযাম্ |
ভুক্ত্বা যথেষ্টং কপটেন সুপ্তং বালং মুকুন্দং মনসা স্মরামি || ৫||
কলিন্দজান্তস্থিতকালিযস্য ফণাগ্ররংগে নটনপ্রিযন্তম্ |
তত্পুচ্ছহস্তং শরদিন্দুবক্ত্রং বালং মুকুন্দং মনসা স্মরামি || ৬||
উলূখলে বদ্ধমুদারশৌর্যং উত্তুংগযুগ্মার্জুন ভংগলীলম্ |
উত্ফুল্লপদ্মাযত চারুনেত্রং বালং মুকুন্দং মনসা স্মরামি || ৭||
আলোক্য মাতুর্মুখমাদরেণ স্তন্যং পিবন্তং সরসীরুহাক্ষম্ |
সচ্চিন্মযং দেবমনন্তরূপং বালং মুকুন্দং মনসা স্মরামি || ২||
          || ইতি বালমুকুন্দাষ্টকম্ সংপূর্ণম্ ||