কৃষ্ণাষ্টকম্ ৩

.. শ্রী কৃষ্ণাষ্টকম্ ৩ ..

বসুদেবসুতং দেবং কংসচাণূরমর্দনম্
দেবকীপরমানন্দং কৃষ্ণং বংদে জগদ্গুরুম্ .. ১..
আতসীপুষ্পসংকাশম্ হারনূপুরশোভিতম্
রত্নকণ্কণকেযূরং কৃষ্ণং বংদে জগদ্গুরুম্ .. ২..
কুটিলালকসংযুক্তং পূর্ণচংদ্রনিভাননম্
বিলসত্কুণ্ডলধরং কৃষ্ণং বংদে জগদ্গুরুম্ .. ৩..
মংদারগন্ধসংযুক্তং চারুহাসং চতুর্ভুজম্
বর্হিপিঞ্ছাবচূডাঙ্গং কৃষ্ণং বংদে জগদ্গুরুম্ .. ৪..
উত্ফুল্লপদ্মপত্রাক্ষং নীলজীমূতসন্নিভম্
যাদবানাং শিরোরত্নং কৃষ্ণং বংদে জগদ্গুরুম্ .. ৫..
রুক্মিণীকে঳িসংযুক্তং পীতাংবরসুশোভিতম্
অবাপ্ততুলসীগন্ধং কৃষ্ণং বংদে জগদ্গুরুম্ .. ৬..
গোপিকানাং কুচদ্বন্দ্ব কুংকুমাঙ্কিতবক্ষসম্
শ্রী নিকেতং মহেষ্বাসং কৃষ্ণং বংদে জগদ্গুরুম্ .. ৭..
শ্রীবত্সাঙ্কং মহোরস্কং বনমালাবিরাজিতম্
শঙ্খচক্রধরং দেবং কৃষ্ণং বংদে জগদ্গুরুম্ .. ৮..
কৃষ্ণাষ্টকমিদং পুণ্যং প্রাতরুত্থায যঃ পঠেত্ |
কোটিজন্মকৃতং পাপং স্মরণেন বিনষ্যতি ||
     || ইতি কৃষ্ণাষ্টকম্ ||