কর্পূর আরতী মন্ত্রঃ

.. কর্পূর আরতী মন্ত্রঃ ..

শ্রিযঃ কান্তায কল্যাণ নিধযে নিধযেঽর্থিনাং
শ্রীবেঙ্কটনিবাসায শ্রীনিবাসায মঙ্গলম্ || ১
লক্ষ্মীচরণলাক্ষাঙ্কসাক্ষিশ্রীবত্সবক্ষসে |
ক্ষেমঙ্করায সর্বেষাং শ্রীরঙ্গেশায মঙ্গলম্ || ২||
সমস্তজীবমোক্ষায শ্রীরঙ্গপুরবাসিনে |
কন্দ্বাদমুনিপূজ্যায শ্রীনিবাসায মঙ্গলম্ || ৩||
অস্তু শ্রীস্তনকস্তূরীবাসনাবাসিতোরসে |
শ্রীহস্তিগিরিনাথায দেবরাজায মঙ্গলম্ || ৪||
কমলাকুচ কস্তূরী কর্দমাঙ্গিত বক্ষসে |
যাদবাদ্রিনিবাসায সম্পত্পুত্রায মঙ্গলম্ || ৫||
মঙ্গলং কোসলেন্দ্রায মহনীযগুণাব্ধযে |
চক্রবর্তিতনূজায সার্বভৌমায মঙ্গলম্ || ৬||
শ্রীমদ্গোপালবালায গোদাভীষ্টপ্রদাযিনে |
শ্রীসত্যাসহিতাথাস্তু কৃষ্ণদেবায মঙ্গলম্ || ৭||
নীলাচলনিবাসায নিত্যায পরমাত্মনে |
সুভদ্রাপ্রাণনাথায জগন্নাথায মঙ্গলম্ || ৮||
আজন্মনঃ ষোডশাব্দং স্তন্যাদ্যনভিলাষিণে |
শ্রীশানুভবপুষ্টায শঠকোপায মঙ্গলম্ || ৯||
শ্রীমত্যৈ বিষ্ণুচিত্তার্যমনোনন্দনহেতবে |
নন্দনন্দনসুন্দর্যৈ গোদাযৈ নিত্য মঙ্গলম্ || ১০||
শ্রীমন্মহাভূতপুরে শ্রীমত্কেশবযজ্বনঃ |
কান্তিমত্যাং প্রসূতায যতিরাজায মঙ্গলম্ || ১১||
মঙ্গলাশাসন পরৈর্মদাচার্য পুরোগমৈঃ
সর্বৈশ্চ পূর্বৈরাচার্যৈঃ সত্কৃতাযাস্তু মঙ্গলম্ || ১২||
শ্রীমতে রম্যজামাত্রে মুনীন্দ্রায মহাত্মনে
শ্রীরঙ্গবাসিনে ভূযাত্ নিত্যশ্রীর্নিত্যমঙ্গলম্ || ১৩||