অচ্যুতাষ্টকং

 .. অচ্যুতাষ্টকং ..

                    .. অথ অচ্যুতাষ্টকম্ ..

অচ্যুতং কেশবং রাম নারাযণং  কৃষ্ণ দামোদরং বাসুদেবং হরিম্ ..
শ্রীধরং মাধবং গোপিকাবল্লভং  জানকীনাযকং রামচন্দ্রং ভজে .. ১..

অচ্যুতং কেশবং সত্যভামাধবং  মাধবং শ্রীধরং রাধিকারাধিতম্ ..
ইন্দিরা মন্দিরং চেতসা সুন্দরং  দেবকীনন্দনং নন্দনং সংদধে .. ২..

বিষ্ণবে জিষ্ণবে শঙ্খিনে চক্রিণে  রুক্মিনী রাগিনে জানকী জানযে ..
বল্লবী বল্লভাযাঽর্চিতাযাত্মনে  কংস বিধ্বংসিনে বংশিনে তে নমঃ .. ৩..

কৃষ্ণ গোবিন্দ হে রাম নারাযণ  শ্রিপতে বাসুদেবাচিত শ্রিনিধে ..
অচ্যুতানন্ত হে মাধবাধোক্ষজ  দ্বারকা নাযক দ্রৌপদী রক্ষক .. ৪..

রাক্ষসক্ষোভিতঃ সীতযাশোভিতো  দণ্ডকারণ্য ভূ পুণ্যতা কারণঃ ..
লক্ষ্মণেনান্বিতো বানরৈঃ সেবিতোঽগস্ত্সংপূজিতো রাঘবঃ পাতু মাম্ .. ৫..

ধেনুকারিষ্টকোঽনিষ্টকৃদ্ দ্বেষিণাং  কেশিহা কংসহৃদ্ বংশিকাবাদকঃ ..
পূতনাকোপকঃ সূরজা খেলনো  বাল গোপালকঃ পাতু মাম্ সর্বদা .. ৬..

বিদ্যুদুদ্ধযোতবান প্রস্ফুরদ্বাসসং  প্রাবৃডম্ভোদবত্ প্রোল্লসদ্বিগ্রহম্ ..
বন্যযা মালযা শোভিতোরস্থলং  লোহিতাংঘ্রিদূযং বারিজাক্ষং ভজে .. ৭..

কুঞ্চিতৈঃ কুন্তলৈর্ভ্রাজিমানাননং  রত্নমৌলিং লসত্ কুণ্ডলং গণ্ডযোঃ ..
হারকেযূরকং কঙ্কণ প্রোজ্জ্বলং  কিঙ্কিণী মঞ্জুলং শ্যামলং তং ভজে .. ৮..