শ্রীবিদ্যারত্নসূত্রাণি

 .. শ্রীবিদ্যারত্নসূত্রাণি ..

শ্রীবিদ্যারত্নসূত্রাণি ..
শ্রীগৌডপাদাচার্যকৃতং ..
অথ শাক্তমন্ত্রাগমাজিজ্ঞাসা .. ১..
আত্মৈবাঽখণ্ডাকারঃ .. ২..
চৈতন্যস্বরূপা চিচ্ছক্তিঃ .. ৩..
সৈবেযমনামাখ্যা শ্রীবিদ্যা .. ৪..
তত্ত্বত্রযেণ সা বিবিধা .. ৫..
কোণপত্রসমুচ্চযং চক্রং .. ৬..
সা শাম্ভবী বিদ্যা শ্যামা তত্ত্বত্রযাকৃতিস্ত্রিবিধা জাতা .. ৭..
বিদ্যাযাঃ পূর্বোত্তরাভ্যামনেকবিদ্যা জাতাঃ .. ৮..
তা বিদ্যাঃ পরিবারা ইতি .. ৯..
শ্যামাযাঃ পূর্বস্মিন্ স্থিতাঃ .. ১০..
যাম্যদিশি স্থিতাঃ সৌভাগ্যাদযঃ স্বস্যা উদ্ভবাঃ .. ১১..
তথাঽধঃ স্থিতাঃ পশ্চিমদিশি .. ১২..
শম্ভব্যাঃ পরিবারা উত্তরস্মিন্ .. ১৩..
স্বযমূর্ধ্বাঽকারেণ .. ১৪..
অথ চিন্তামণিগৃহস্থিতা ত্রিপুরসুন্দরী মহাবিদ্যাঽনুত্তরা .. ১৫..
ভণ্ডাসুরহননার্থমেকৈবাঽনেকা .. ১৬..
তযা মন্ত্রা অনেকাশ্চ তথা যন্ত্রতন্ত্রাণি .. ১৭..
বিবিধ ভক্তির্বিবিধোপাসনম্ .. ১৮..
তস্মাত্ ফলান্যনেকানি .. ১৯..
কগজদশারদ্বযমন্ব স্রাSতদলস্বরপত্রত্রিবৃত্তভূবিম্বসংজ্ঞাকথিতং
শ্রীসদনম্ .. ২০..
মণিগণনবাবরণং তস্য .. ২১..
স্বস্যা জনিত সৌভাগ্যাযাস্তন্দেতত্সদনম্ .. ২২..
স্বজত্বাদেতত্পশ্চিমাদেঃ .. ২৩..
ত্রযাণাং ত্রযাণামাবরণান্যেকম্ .. ২৪..
অথ ঠডতপত্রমনুস্বারধরণি শুদ্ধাবিদ্যাসদনম্ .. ২৫..
তদেব তত্র বসুদ্বযযুক্তমনুস্বরং কুমারীসদনম্ .. ২৬..
এতযোরাবরণান্তাক্ষরগণনং যলষহণদহপত্রধরণি দ্বদশার্দ্ধাসদনম্ .. ২৭..
পভমজকোণস্বরজপত্রগণনা ধরণী শ্যামাসদনম্ .. ২৮..
পুষ্পিণ্যাঃ পরিসর্জনমেতত্ .. ২৯..
শ্রীইতি পুষ্পিণ্যাদিবত্ .. ৩০..
শারিকাশুকযোঃ .. ৩১..
এতাসামাবরণং সগণনম্ .. ৩২..
জগদ্রঞ্জন্যাদিসর্বাসামেবম্ .. ৩৩..
কগতজকোণহপত্রধরণিনাগাঃ .. ৩৪..
তস্যাবরণং সগণনম্ .. ৩৫..
সমযাবদ্যশ্বযাঃ সদনং শুদ্ধবিদ্যাবত্ .. ৩৬..
ডততকোণাথ নাগনাগদলস্যারধরণী সৌভাগ্যাযাঃ সন্নিহিতাসদনম্ .. ৩৭..
অথ তস্যাঃ পঞ্চাবরণম্ .. ৩৮..
কহপত্রহকোণস্বরপত্রা ধরণী বার্তালিসদনম্ .. ৩৯..
কগজকোণজপত্রস্বরধরণী বটুকস্য .. ৪০..
এবমতস্বরদলা ধহপত্রধরণী তিরোধানস্য .. ৪১..
তথৈতত্সমযাযাঃ .. ৪২..
গগনপ্রভাষড্বসুকোণপত্রস্য ধরণী ভুবনেশীসদনম্ .. ৪৩..
যষহকোণ স্বরদলহপত্র ধরণী সদনমন্নপূর্ণাযাঃ .. ৪৩..
গগনগুণা ধর্মা বিম্ববিশিষ্টকলা ভুবনেশী গুহবত্ সমযাযাঃ .. ৪৪..
গগন বসুকোণদ্বযপত্রস্বরধরণী তুর্যাসদনম্ .. ৪৫..
খজকোণদ্বযপত্রস্বরবসুপত্রযগধরণী মহার্দ্ধাযাঃ .. ৪৬..
দ্বাদশার্দ্ধাসদনবত্ স্বনাযক্যাঃ .. ৪৭..
কলাসদনবন্মিশ্রবিদ্যাযাঃ .. ৪৮..
বাগ্বাদিন্যাঃ কুমারিবত্ .. ৪৯..
গগনপ্রভা পঞ্চকোণাঽথ বসুকলাপত্রভূরেখাঃ পরাগারম্ .. ৫০..
তথৈব প্রাসাদবিশিষ্টযোরুভযোঃ .. ৫১..
তুর্যাসদনবচ্ছাম্ভব্যাঃ .. ৫১..
পরাসদনবত্ সমযাযাঃ .. ৫২..
ব্যোমদহকর্মমনুপত্রা দহকোণা হরিমুখসদনম্ .. ৫৩..
ব্যোমজলজপত্রত্রিবৃত্তা ধরণী শ্রীগুরোঃ সদনম্ .. ৫৪..
অকথাদিত্রিরেখশদ্বিতত্রিকোণমেব বা শ্রিগুরোঃ সদনম্ .. ৫৫..
অনুত্তরবিদ্যানাং সর্বাসাঁ শুদ্ধবিদ্যাবত্ .. ৫৬..
বার্তাল্যাঃ পঞ্চাবরণম্ .. ৫৭..
বটুকস্য ষট্ .. ৫৮..
তদ্বাত্তিত্রোধানস্য .. ৫৯..
ভুবনেশী সপ্ত .. ৬০..
ষট্সন্নিহিতাযাঃ .. ৬১..
কামেশ্যাঃ কলাযাস্ত্রিঃ .. ৬২..
তুরীযাযাঃ পঞ্চ .. ৬৩..
ষণ্মহার্দ্ধাযাঃ .. ৬৪..
পরা প্রাসাদস্য চ পরাবত্ .. ৬৫..
শাম্ভব্যাঃ প~চ .. ৬৬..
মৃগেশ্যাস্যস্য ষট্ .. ৬৭..
চতুর্ভিরাবরণৈর্বিশিষ্টং বোধকস্য সদনম্ .. ৬৮..
অথ বিদ্যা একবিংশদ্বর্ণবিশিষ্তা .. ৬৯..
পঞ্চদশবর্ণাবিশিষ্টা সৌভাগ্যা .. ৭০..
তথৈব পশ্চিমা বিদ্যা .. ৭১..
শতবর্ণযুতা শ্যামা .. ৭২..
দ্বাবিংশদক্ষরবিশিষ্টা পুষ্পিণী .. ৭৩..
দ্বিচত্বারিংশদ্বর্ণা বিশিষ্টা শুকবিদ্যা .. ৭৪..
অষ্টাবিংশদক্ষরবিশিষ্টা শারিকাবিদ্যা .. ৭৫..
পঞ্চত্রিংশদক্ষরবিশিষ্টা হসন্তী দেবতা .. ৭৬..
অক্ষরত্রযবিশিষ্টা শুদ্ধবিদ্যা .. ৭৭..
কুমারী বর্ণত্রয বিশিষ্টা .. ৭৮..
দশবর্ণযুতা দ্বাদশার্দ্ধা .. ৭৯..
ষট্ত্রিংশদ্বর্ণসমুচিতা সৌভাগ্যসন্নিহিতা .. ৮০..
অষ্টাবিংশদ্বর্ণসমুচ্চযো মহাহেরম্বস্য মনুঃ .. ৮১..
চতুর্বিংশদ্বর্ণসমুচ্চযো বটুকস্য মনুঃ .. ৮২..
অষ্টাষ্টোত্তরনবত্যক্ষরসমুচিতা কোলবদনা .. ৮৩..
ষট্পঞ্চাশদক্ষরৈর্বিশিষ্টা যবনিকা .. ৮৪..
একবর্ণবিশিষ্টা ভুবনেশী .. ৮৫..
অথবা সপ্তবিংশদ্বর্ণবিশিষ্টা .. ৮৬..
ককারাদিপঞ্চদশাক্ষরসমুচিতা কাদিপঞ্চদশী .. ৮৭..
খণ্ডদ্বযযুতা চতুর্থস্বরবিশিষ্টা কামকলা .. ৮৮..
একাক্ষরবিশিষ্টা মুখ্যা .. ৮৯..
ত্রযোদশবিশিষ্টা তুর্যা .. ৯০..
নবশতবর্ণবিশিষ্টা মহার্দ্ধা .. ৯১..
দ্বাদশাক্ষরবিশিষ্টাঽশ্বারূঢা .. ৯২..
একাক্ষরবিশিষ্টা মিশ্রবিদ্যা .. ৯৩..
ত্রযোদশবর্নবিশিষ্টা বাগ্বাদিনী .. ৯৪..
একবর্ণবিশিষ্টা পরা .. ৯৫..
পরাপ্রসাদরূপিণী বর্ণদ্বযযুতা .. ৯৬..
বর্ণৈকবিশিষ্টা তথৈব প্রাসাদপরা .. ৯৭..
অথ হ্রস্বদীর্ঘষট্কসমুচ্চযদশৈকবর্ণবিশিষ্টঃ পরাশম্ভুঃ .. ৯৮..
অথ হ্রস্বাক্ষরদীর্ঘপঞ্চসমুচিতা তথৈব সঙ্খ্যা পরা শাম্ভবী .. ৯৯..
অনুত্তরসঙ্কেতপ্রধানবিদ্যা সপ্তদশবর্ণবিশিষ্টা .. ১০০..
অথৈতাসাং পরিবারাণামনুপরিবারা অসংঙ্খ্যাকাঃ .. ১০১..
এতানি সূত্রাণ্যস্মাভির্গৌডপাদৈরুক্তানি ..

          .. শ্রীবিদ্যারত্নসূত্রাণি ..