শারদাম্বা স্তবনম্

.. শ্রী শারদাম্বা স্তবনম্ ..

৐ পীঠে কাঞ্চনকল্পিতে সুরুচিরে রত্নপ্রভাভাস্বরে
নানালঙ্কৃতিমণ্ডিতে বিলসিতাং স্মেরাননাং সুন্দরীম্ .
দীব্যদ্রত্নকিরীটকুণ্ডলধরাং শীতাম্শুলেখান্বিতাম্
দেবীং শারদনীরদোজ্বলরুচিং শ্রীশারদাম্বাং ভজে .. ১..
হস্তাগ্রে প্রিযশারিকাং বিদধতীং বামেকরে পুস্তকম্
শুভ্রস্ফাটিকমক্ষসূত্রমপরে হস্তে বহন্তীং চ তাম্ .
শ্রীশৃঙ্গাদ্রিনিকেতনাং সুবিমলাং শুভ্রাম্বরালঙ্কৃতাম্
বন্দেঽহং ভবতারিণীং ভগবতীং ভক্তেষ্টদাং ভারতীম্ .. ২..
আদৌ শঙ্করদেশিকেন্দ্রগুরুণা সম্পূজিতাং ভাবযে
সেব্যাং তস্য পরম্পরাগতমহাশৃঙ্গাদ্রিপীঠাধিপৈঃ .
অদ্যাপি স্থিরভক্তিভাবভরিতৈঃ শ্রীমদ্ভিরারাধিতাম্
বিদ্যাতীর্থযতীশ্বরৈরভিনবেত্যাখ্যাতি পূর্বৈঃ সদা .. ৩..
শ্রীনাথ ত্রিদশাধিনাথ গিরিজানাথাদি দেবার্চিতে
তারানাভসনাথ চারুমকুটে নাথান্যদেবোঽস্তি মে .
মাতস্ত্বাং ন বিনা পরস্ত্রিভুবনে পোতো ভবাম্ভোনিধেঃ
ত্রাতব্যোহমপারঘোরদুরিত ব্রাতাব্ধিমগ্নশ্চিরাত্ .. ৪..
বিপ্রাস্তে বেদমন্ত্রৈঃ তবপদযুগপঙ্কেজলগ্নাংতরঙ্গাঃ
ঝঙ্কারৈর্বিভ্রমন্তো নবসুমমধুপানপ্রমত্তাশ্চ ভৃঙ্গাঃ .
বৃক্ষেষূদ্গীযমানৈর্বহুবিধনিনদৈঃ কূজিতৈস্তে বিহঙ্গাঃ
ঘোষৈর্বৈ সুপ্রভাতং তব জননি পঠন্ত্যত্র তুঙ্গাতরঙ্গাঃ .. ৫..
ধন্যাস্তে ভুবি যে বসন্তি বিমলে শৃঙ্গাদ্রিতীর্থে নরাঃ
তুঙ্গাস্নানবিধূতসর্বদুরিতাস্ত্বত্পাদসেবারতাঃ .
ধন্যাস্তেঽপি বিহঙ্গভৃঙ্গশফরাঃ সর্বে চরন্ত্যত্রযে
মাতস্ত্বত্পদসন্নিধানমহিমাবেশাশ্চ ধূ঳ীলবাঃ .. ৐ ..