শারদা ভুজঙ্গপ্রযাত স্তবনম্

.. শ্রী শারদা ভুজঙ্গপ্রযাত স্তবনম্ ..

.. দক্ষিণাম্নায শ্রিঙ্গেরী শ্রীশারদাপীঠাধিপতি
শঙ্করাচার্য জগদ্গুরুবর্যো শ্রী সচ্চিদানন্দ শিবাভিনব
নৃসিংহভারতী মহাস্বামিভিঃ বিরচিতম্ ..
৐ স্মিতোদ্ধূতরাকা নিশানাযকাযৈ কপোলপ্রভানির্জিতাদর্শকাযৈ .
স্বনেত্রাবধূতাঙ্গজাতধ্বজাযৈ সরোজোত্থ সত্যৈ নমঃ শারদাযৈ ..
ভবাম্বোধিপারং ন যন্ত্যৈ স্বভক্তান্ বিনাঽযাসলেশং কৃপানৌকযৈব .
ভবাম্ভোজনেত্রাদি সম্সেবিতাযৈ অজস্রং হি কুর্মো নমঃ শারদাযৈ ..
সুধাকুম্ভমুদ্রাবিরাজত্করাযৈ ব্যথাশূন্যচিত্তৈঃ সদা সেবিতাযৈ .
ক্রুধাকামলোভাদিনির্বাপণাযৈ বিধাতৃপ্রিযাযৈ নমঃ শারদাযৈ ..
নতেষ্টপ্রদানায ভূমিং গতাযৈ গতেনাচ্ছবর্হাভিমানং হরংত্যৈ .
স্মিতেনেন্দু দর্পং চ তোষাং ব্রজন্ত্যৈ সুতেনেব নম্রৈর্নমঃ শারদাযৈ ..
নতালীযদারিদ্র্যদুঃখাপহন্ত্র্যৈ তথাভীতিভূতাদিবাধাহরাযৈ .
ফণীন্দ্রাভবেণ্যৈ গিরীন্দ্রস্তনাযৈ বিধাতৃপ্রিযাযৈ নমঃ শারদাযৈ ..
সুধাকুম্ভমুদ্রাক্ষমালাবিরাজত্ করাযৈ করাম্ভোজসম্মর্দিতাযৈ .
সুরাণাং বরাণাং সদা মানিনীনাং মুদা সর্বদাযৈ নমঃ শারদাযৈ ..
সমস্তৈশ্চ বেদৈঃ সদাগীতকীর্ত্যৈ নিরাশান্তরঙ্গাম্বুজাত স্থিতাযৈ .
পুরারাতি পদ্মাক্ষ পদ্মোদ্ভবাদ্যৈর্মুদা পূজিতাযৈ নমঃ শারদাযৈ ..
অবিদ্যাপদুদ্ধার বদ্ধাদরাযৈ তথা বুদ্ধি সম্পত্প্রদানোত্সুকাযৈ .
নতেভ্যঃ কদাচিত্স্বপাদাম্বুজাতে বিধেঃ পুণ্যতত্যৈ নমঃ শারদাযৈ ..
পদাম্ভোজনম্রান্ কৃতেভীতভীতান্ দ্রুতং মৃত্যুভীতের্বিমুক্তান্ বিধাতুম্ .
সুধাকুম্ভমুদ্রাক্ষমালা করাযৈ দ্রুতং পাযযিত্বা যথা তৃপ্তি বাণী ..
মহান্তো হি মহ্যং হৃদম্ভোরুহাণি প্রমোদাত্সমর্প্যাসতে সৌখ্যভাজঃ .
ইতি খ্যাপনাযানতানাং কৃপাব্ধে সরোজান্যসংখ্যানি ধত্সে কিমম্ব ..
শরচ্চন্দ্রনীকাশবস্ত্রেণবীতা কনদ্ভর্মযষ্টেরহঙ্কার ভেত্রী .
কিরীটং সতাটঙ্কমত্যন্তরম্যং বহন্তি হৃদব্জে স্ফুরত্বং সুমূর্তিঃ ..
নিগৃহ্যাক্ষবর্গং তপোবাণি কর্তুং ন শক্নোমি যস্যাদবশ্যাক্ষবর্গঃ .
ততো ময্যনাথে দযা পারশূন্যা বিধেযা বিধাতৃপ্রিযে শারদাম্ব ..
বিলোক্যাপি লোকো ন তৃপ্তিং প্রযাতি প্রসন্নং মুখেন্দুং কলঙ্কাদিশূন্যম্ .
যদীযং ধ্রুবং প্রত্যহং তাং কৃপাব্ধিং ভজে শারদাম্বামজস্রম্মদম্বাম্ ..
পুরা চন্দ্রচূডো ধৃতাচার্যরূপো গিরৌ শৃঙ্গপূর্বে প্রতিষ্ঠাপ্য চক্রে .
সমারাধ্য মোদং যযৌ যামপারং ভজে শারদাম্বামজস্রম্মদম্বাম্ ..
ভবাম্বোধিপারং নযন্তীং স্বভক্তান্ ভবাম্ভোজনেত্রাজসম্পূজ্যমানাম্ .
ভবদ্ভব্যভূতাঘ বিধ্বংসদক্ষাং ভজে শারদাম্বামজস্রম্মদম্বাম্ ..
বরাক ত্বরা কা তবেষ্টপ্রদানে কথং পুণ্যহীনায তুভ্যং দদানি .
ইতি ত্বং গিরাং দেবি মা ব্রূহি যস্মাদঘারণ্যদাবানলেতি প্রসিদ্ধা .. ৐ ..