শারদা গীতম্

.. শ্রী শারদা গীতম্ ..

কল্যণানি তনোতু কাঽপি তরুণী শৃঙ্গাদ্রিভূষাযিতা
শ্রীমচ্ছঙ্করদেশিকেন্দ্রকলিতং চক্রং সদাধিষ্ঠিতা .
দূরস্থামপি পাদনম্রজনতাং বিদ্যাযুরারোগ্য সত্
সন্তত্যাদিমনোরথাপ্তিসহিতাং সন্তন্বতী সত্বরম্ ..

শারদাম্ব শরদিন্দুনিভানন ভাসিত নিখিল দিগন্তে .
পারদে ভবমহাজলরাশেঃ পালয মাং বিধিকান্তে ..

দন্তকান্তিজিত কুন্দসুমে বরকুন্তল নির্ধুতভৃঙ্গে .
শান্তচিত্তজন সন্তত চিন্তিত কোটিচন্দ্রসদৃশাঙ্গে ..

পাদনম্রজন বাঞ্ছিতপূরণ নির্জিত নন্দনবল্লিকে .
মাদনেষ্বসন গর্ব নিবর্হণ দক্ষ মনোহর চিল্লিকে ..

ঋষ্যশৃঙ্গপুর বাসবিলোলে বশ্যযন্ত্র সদৃশাস্যে .
পশ্বদঙ্ঘ্রি শুকদেবহূতিসুত কশ্যপাদি সমুপাস্যে .. ৐ ..

.. ইতি দক্ষিণাম্নায শ্রিঙ্গেরী শ্রীশারদাপীঠাধিপতি
শঙ্করাচার্য জগদ্গুরুবর্যো শ্রী চন্দ্রশেখর ভারতী
মহাস্বামিভিঃ বিরচিতম্ শ্রী শারদা গীতম্ সম্পূর্ণম্ ..