লক্ষ্মী স্তোত্রম্ দেবকৃত

.. দেবকৃত লক্ষ্মী স্তোত্রম্ ..

ক্ষমস্ব ভগবংত্যব ক্ষমাশীলে পরাত্পরে |
শুদ্ধসত্ত্বস্বরূপে চ কোপাদিপরিবর্জিতে ||
উপমে সর্বসাধ্বীনাং দেবীনাং দেবপূজিতে |
ত্বযা বিনা জগত্সর্বং মৃততুল্যং চ নিষ্ফলম্ ||
সর্বসংপত্স্বরূপা ত্বং সর্বেষাং সর্বরূপিণী |
রাসেশ্বর্যধি দেবী ত্বং ত্বত্কলাঃ সর্বযোষিতঃ ||
কৈলাসে পার্বতী ত্বং চ ক্ষীরোদে সিন্ধুকন্যকা |
স্বর্গে চ স্বর্গলক্ষ্মীস্ত্বং মর্ত্যলক্ষ্মীশ্চ ভূতলে ||
বৈকুংঠে চ মহালক্ষ্মীর্দেবদেবী সরস্বতী |
গংগা চ তুলসী ত্বং চ সাবিত্রী ব্রহ্মালোকতঃ ||
কৃষ্ণপ্রাণাধিদেবী ত্বং গোলোকে রাধিকা স্বযম্ |
রাসে রাসেশ্বরী ত্বং চ বৃংদাবন বনে- বনে ||
কৃষ্ণা প্রিযা ত্বং ভাংডীরে চংদ্রা চংদনকাননে |
বিরজা চংপকবনে শতশৃংগে চ সুংদরী ||
পদ্মাবতী পদ্মবনে মালতী মালতীবনে |
কুংদদংতী কুংদবনে সুশীলা কেতকীবনে ||
কদংবমালা ত্বং দেবী কদংবকাননেঽপি চ |
রাজলক্ষ্মী রাজগেহে গৃহলক্ষ্মীগৃহে গৃহে ||
ইত্যুক্ত্বা দেবতাঃ সর্বা মুনযো মনবস্তথা |
রূরূদুর্নম্রবদনাঃ শুষ্ককংঠোষ্ঠ তালুকাঃ ||
ইতি লক্ষ্মীস্তবং পুণ্যং সর্বদেবৈঃ কৃতং শুভম্ |
যঃ পঠেত্প্রাতরূত্থায স বৈ সর্বৈ লভেদ্ ধ্রুবম্ ||
অভার্যো লভতে ভার্যাং বিনীতাং সুসুতাং সতীম্ |
সুশীলাং সুংদরীং রম্যামতিসুপ্রিযবাদিনীম্ ||
পুত্রপৌত্রবতীং শুদ্ধাং কুলজাং কোমলাং বরাম্ |
অপুত্রো লভতে পুত্রং বৈষ্ণবং চিরজীবিনম্ |
পরমৈশ্বর্যযুক্তং চ বিদ্যাবংতং যশস্বিনম্ |
ভ্রষ্টরাজ্যো লভেদ্রাজ্যং ভ্রষ্টশ্রীর্লভতে শ্রিযম্ ||
হতবংধুর্লভেদ্বংধুং ধনভ্রষ্টো ধনং লভেত্ |
কীর্তিহীনো লভেত্কীর্তিং প্রতিষ্ঠাং চ লভেদ্ ধ্রুবম্ ||
সর্বমংগলদং স্তোত্রং শোকসংতাপনাশনম্ |
হর্ষানংদকরং শশ্বদ্ধর্ম মোক্ষসুহৃত্প্রদম্ ||
|| ইতি শ্রীদেবকৃত লক্ষ্মীস্তোত্রং সংপূর্ণম্ ||