যোগিনীহৃদযম্

 .. যোগিনীহৃদযম্ ..

শ্রীদেব্যুবাচ
দেবদেব মহদেব পরিপূর্ণপ্রথাময .
বামকেশ্বরতন্ত্রেঽস্মিন্নজ্ঞাতর্থাস্ত্বনেকশঃ .. ১..
তাংস্তানর্থানশেষেণ বক্তুমর্হসি ভৈরব .
শ্রীভৈরব উবাচ
শৃণু দেবি মহাগুহ্যং যোগিনিহৃদযং পরম্ .. ২..
ত্বত্প্রীত্যা কথযাম্যদ্য গোপনীযং বিশেষতঃ .
কর্ণাত্কর্ণোর্পদেশেন সম্প্রাপ্তমবনীতলম্ .. ৩..
ন দেযং পরশিষ্যেভ্যো নাস্তিকেভ্যো ন চেশ্বরি .
ন শুশ্রূষালসানাঞ্চ নৈবানর্থপ্রদাযিনাম্ .. ৪..
পরীক্ষিতায দাতব্যং বত্সরার্ধোষিতায চ .
এতজ্জ্ঞাত্বা বররোহে সদ্যঃ খেচরতাং ব্রজেত্ .. ৫..
চক্রসঙ্কেতকো মন্ত্রপূজাসঙ্কেতকৌ তথা .
ত্রিবিধস্ত্রিপুরাদেব্যাঃ সঙ্কেতঃ পরমেশ্বরি .. ৬..
যাবদেতন্ন জানাতি সঙ্কেতত্রযমুত্তমম্ .
ন তাবত্রিপুরাচক্রে পরমাজ্ঞাধরো ভবেত্ .. ৭..
তচ্ছক্তিপঞ্চকং সৃষ্ট্যা লযেনাগ্নিচতুষ্টযম্ .
পঞ্চশক্তিচতুর্বহ্নিসংযোগাচ্চক্রসম্ভবঃ .. ৮..
এতচ্চক্রাবতারন্তু কথযামি তবানঘে .
যদা সা পরমা শক্তিঃ স্বেচ্ছযা বিশ্বরূপিণী .. ৯..
স্ফুরত্তামাত্মনঃ পশ্যেত্তদা চক্রস্য সম্ভবঃ .
শূন্যাকারাদ্বিসর্গান্তাদ্ বিন্দোঃ প্রস্পন্দসংবিদঃ .. ১০..
প্রকাশপরমার্থত্বাত্ স্ফুরত্তালহরীযুতাত্ .
প্রসৃতং বিশ্বলহরীস্থানং মাতৃত্রযাত্মকম্ .. ১১..
বৈন্দবং চক্রমেতস্য ত্রিরূপত্বং পুনর্ভবেত্ .
ধর্মাধর্মৌ তথাত্মানো মাতৃমেযৌ তথা প্রমা .. ১২..
নবযোন্যাত্মকং চক্রং চিদানন্দঘনং মহত্ .
চক্রং নবাত্মকমিদং নবধা ভিন্নমন্ত্রকম্ .. ১৩..
বৈন্দবাসনসংরূঢসংবর্তানলচিত্কলম্ .
অম্বিকারূপমেবেদমষ্টারস্থং স্বরাবৃতম্ .. ১৪..
নবত্রিকোণস্ফুরিতপ্রভারূপদশারকম্ .
শক্ত্যাদিনবপর্যন্তদশার্ণস্ফূর্তিকারকম্ .. ১৫..
ভূততন্মাত্রদশকপ্রকাশালম্বনত্বতঃ .
দ্বিদশারস্ফুরদ্রূপং ক্রোধীশাদিদশারকম্ .. ১৬..
চতুশ্চক্রপ্রভারূপসংযুক্তপরিণামতঃ .
চতুর্দশাররূপেণ সংবিত্তিকরণাত্মনা .. ১৭..
খেচর্যাদিজযান্তার্ণপরমার্থপ্রথামযম্ .
এবং শক্ত্যনলাকারস্ফুরদ্রৌদ্রীপ্রভামযম্ .. ১৮..
জ্যেষ্টারূপচতুষ্কোণং বামারূপভ্রমিত্রযম্ .
চিদংশান্তস্ত্রিকোণং চ শান্ত্যতিতাষ্টকোণকং .. ১৯..
শান্ত্যংশদ্বিদশারঞ্চ তথৈব ভুবনারকম্ .
বিদ্যাকলাপ্রমারূপদলাষ্টকসমাবৃতম্ .. ২০..
প্রতিষ্টাবপুষা সৃষ্টস্ফুরদ্দ্ব্যষ্টদলাম্বুজম্ .
নিবৃত্ত্যাকারবিলসচ্চতুস্ষ্কোণবিরাজিতম্ .. ২১..
ত্রৈলোক্যমোহনাদ্যে তু নবচক্রে সুরেশ্বরি .
নাদো বিন্দুঃ কলা জ্যেষ্টা রৌদ্রীঈ বামা তথা পুনঃ .. ২২..
বিষঘ্নীঈ দূতরী চৈব সর্বানন্দা ক্রমাত্ স্থিতাঃ .
নিরংশৌ নাদবিন্দূ চ কলা চেচ্ছাস্বরূপকম্ .. ২৩..
জ্যেষ্টা জ্ঞানং ক্রিযা শেষমিত্যেবং ত্রিতযাত্মকম্ .
চক্রং কামকলারূপং প্রসারপর, মার্থতঃ .. ২৪..
অকুলে বিষুসংজ্ঞে চ শক্তে বহ্নৌ তথা পুনঃ .
নাভাবনাহতে শুদ্ধে লম্বিকাগ্রে ভ্রুবোঽন্তরে .. ২৫..
বিন্দৌ তদর্ধে রোধিন্যাং নাদে নাদান্ত এব চ .
শক্তৌ পুনর্ব্যাপিকাযাং সমনোন্মনি গোচরে .. ২৬..
মহাবিন্দৌ পুনশ্চৈব ত্রিধা চক্রং তু ভাবযেত্ .
আজ্ঞান্তং সকলং প্রোক্তং ততঃ সকলনিষ্কলম্ .. ২৭..
উন্মন্যন্তং পরে স্থানে নিষ্কলঞ্চ ত্রিধা স্থিতম্ .
দীপাকারোঽর্ধমাত্রশ্চ ললাটে বৃত্ত ইষ্যতে .. ২৮..
অর্ধচন্দ্রস্তথাকারঃ পাদমাত্রস্তদূর্ধ্বকে .
জ্যোত্স্নাকারা তদষ্টাংশা রোধিনী ত্র্যস্রবিগ্রহা .. ২৯..
বিন্দুদ্বযান্তরে দণ্ডঃ শেবরূপো মণিপ্রভঃ .
কলাংশো দ্বিগুণাংশশ্চ নাদান্তো বিদ্যুদুজ্জ্বলঃ .. ৩০..
হলাকারস্তু সব্যস্থবিন্দুযুক্তো বিরাজতে .
শক্তির্বামস্থবিন্দুদ্যত্স্থিরাকারা তথা পুনঃ .. ৩১..
ব্যাপিকা বিন্দুবিলসত্ত্রিকোণাকারতাং গতা .
বিন্দুদ্বযান্তরালস্থা ঋজুরেখামযী পুনঃ .. ৩২..
সমনা বিন্দুবিলসদৃজুরেখা তথোন্মনা .
শক্ত্যাদীনাং বপুঃ স্ফূর্জদ্দ্বাদশাদিত্যসন্নিভম্ .. ৩৩..
চতুঃষষ্টিস্তদূর্ধ্বং তু দ্বিগুণং দিগুণং ততঃ .
শক্ত্যাদীনাং তু মাত্রাংশো মনোন্মন্যাস্তথোন্মনী .. ৩৪..
দৈশকালানবচ্ছিন্নং তদূর্ধ্বে পরমং মহত্ .
নিসর্গসুন্দরং তত্তু পরানন্দবিঘূর্ণিতম্ .. ৩৫..
আত্মনহ স্ফুরণং পশ্যেদ্যদা সা পরমা কলা .
অম্বিকারূপমাপন্ন পরা বাক্ সসুদীরিতা .. ৩৬..
বীজভাবস্থিতং বিশ্বং স্ফুটীকর্তুং যদোন্মুখী..
বামা বিশ্বস্য বমনাদঙ্কুশাকারতাং গতা .. ৩৭..
ইচ্ছাশক্তিস্তদা সেযং পশ্যন্তী বপুষা স্থিতা .
জ্ঞানশক্তিস্তথা জ্যেষ্টা মধ্যমা বাগুদীরিতা .. ৩৮..
ঋজুরেখামযী বিশ্বস্থিতৌই প্রথিতবিগ্রহা .
তত্সংহৃতিদশাযাং তু বৈন্দবং রূপমাস্থিতা .. ৩৯..
প্রত্যাবৃত্তিক্রমেণৈবং শৃঙ্গটবপুরুজ্জ্বলা .
ক্রিযাশক্তিস্তু রৌদ্রীযং বৈখরী বিশ্ববিগ্রহা .. ৪০..
ভাসনাদ্বিশ্বরূপস্য স্বরূপে বাহ্যতোঽপি চ .
এতাশ্চতস্ত্রঃ শক্ত্যস্তু কা পূ জা ও ইতি ক্রমাত্ .. ৪১..
পীঠাঃ কন্দে পদে রূপে রূপাতীতে ক্রমাত্ স্থিতাঃ .
চতুরস্ত্রং তথ বিন্দুষট্কযুক্তং চ বৃত্তকম্ .. ৪২..
অর্ধচন্দ্রং ত্রিকোণং চ রূপাণ্যেষাং ক্রমেণ তু .
পীতো ধূম্রস্তথা শ্বেতো রক্তো রূপং চ কীর্তিতম্ .. ৪৩..
স্বযম্ভুর্বাণলিঙ্গং চ ইতরং চ পরং পুনঃ .
পীঠেষ্বেতানি লিঙ্গানি সংস্থিতানি বরাননে .. ৪৪..
হেমবন্ধৃককুসুমশরচ্চন্দ্রনিভানি তু .
স্বাবৃতং ত্রিকূটং চ মহালিঙ্গং স্বযম্ভুবম্ .. ৪৫..
কাদিতান্তা ক্ষরোপেতং বাণলিঙ্গং ত্রিকোণকম্ .
কদম্বগোলকাকারং থাদিসান্তাক্ষরাবৃতম্ .. ৪৬..
সূক্ষ্মরূপং সমস্তার্ণবৃতং পরমলিঙ্গকম্ .
বিন্দুরূপং পরানন্দকন্দং নিত্যপওদিতম্ .. ৪৭
বীঅত্রিতযযুক্তাস্য সকস্য মনোঃ পুনঃ .
এতানি বাচ্যরূপাণি কুলকৌলমযানি তু .. ৪৮..
জাগ্রত্স্বপ্নসুষুপ্ত্যাখ্যতুর্যরূপাণ্যমূনি তু .
অতিতং তু পরং তেজঃ স্বসংবিদুদযাত্মকম্ .. ৪৯..
স্বেচ্ছাবিশ্বমযোল্লেখখচিতং বিশ্বরূপকম্ .
চৈতন্যমাত্মনো রূপং নিসর্গানন্দসুন্দরম্ .. ৫০..
মেযমাতৃপ্রমামানপ্রসরৈঃ সংকুচত্প্রভম্ .
শৃঙ্গাটরূপমাপন্নমিচ্ছাজ্ঞানক্রিযাত্মকম্ .. ৫১..
বিশ্বাকারপ্রথাধারনিজরূপশিবাশ্রযম্ .
কামেশ্বরাঙ্কপর্যঙ্কনিবিষ্টমতিসুন্দরম্ .. ৫২..
ইচ্ছাশক্তিমযং পাশমঙ্কুশং জ্ঞনরূপিণম্ .
ক্রিযাশক্তিমযে বাণধনুষী দধদুজ্জ্বলম্ .. ৫৩..
আশ্রযাশ্রযিভেদেন অষ্টধা ভিন্নহেতিমত্ .
অষ্টারচক্রসংরূঢং নবচক্রাসনস্থিতম্ .. ৫৪..
এবংরূপং পরং তেজঃ শ্রীচক্রবপুষা স্থিতম্ .
তদীযশক্তিনিকরস্ফুরদূর্মিসমাবৃতম্ .. ৫৫..
চিদাত্মভিত্তৌ বিশ্বস্য প্রকাশামর্শনে যদা .
করোতি স্বেচ্ছযা পূর্ণবিচিকীর্ষাসমন্বিতা .. ৫৬..
ক্রিযাশক্তিস্তু বিশ্বস্য মোদনাদ্ দ্রাবণাত্তথা .
মুদ্রাখ্যা সা যদা সংবিদম্বিকা ত্রিকলামযী .. ৫৭..
ত্রিখণ্ডারূপমাপন্না সদা সন্নিধিকারিণী .
সর্বস্য চক্ররাজস্য ব্যাপিকা পরিকীর্তিত .. ৫৮..
যোনিপ্রাচুর্যতঃ সৈষা সর্বসংক্ষোভিকা পুনঃ .
বামাশক্তিপ্রধানেযং দ্বারচক্রে স্থিতা ভবেত্ .. ৫৯..
ক্ষুব্ধাবিশ্বস্থিততির্করী জ্যেষ্টাপ্রাচুর্যমাশ্রিতা .
স্থূলনাদকলারূপা সর্বানুগ্রহকারিণী .. ৬০..
সর্বাশপূরণাখ্যে তু সৈষা স্ফুরিতবিগ্রহা .
জ্যেষ্টাবামাসমন্ত্বেন সৃষ্টেঃ প্রাধান্যমাশ্রিতা .. ৬১..
আকর্ষিণী তু মুদ্রেযং সর্বসংক্ষোভিণী স্মৃতা .
ব্যোমদ্বযান্তরালস্থবিন্দুরূপা মহেশ্বরি .. ৬২..
শিবশক্ত্যাত্মসংশ্লেষাদ্দিব্যাকেশকরী স্মৃতা.
চতুর্দশারচক্রস্থা সংবিদানন্দবিগ্রহা .. ৬৩..
বিন্দ্বন্তরালবিলসত্সূক্ষ্ম রেখাশিখামযী .
জ্যেষ্টাশক্তিপ্রধানা তু সর্বোন্মাদনকারিণী .. ৬৪..
দশারচক্রমাস্থায সংস্থিতা বীরবন্দিতে .
বামাশক্তিপ্রধানা তু মহাঙ্কুশমযী পুনঃ .. ৬৫..
তদ্বদ্বিশ্বং বমন্তী সা দিব্তীযে তু দশারকে .
সংস্থিতা মোদনপরা মুদ্রারূপত্বমাস্থিতা .. ৬৬..
ধর্মাধর্মস্য সংঘট্টাদুত্থিতা বিত্তীরূপিণী .
বিকল্পোত্থক্রিযালোপরূপদোষবিধাতিনী .. ৬৭..
বিকল্পরূপরোগাণাং হারিণী খেচরী পরা .
সর্বরোগহরাখ্যে তু চক্রে সংবিন্মযী স্থিতা .. ৬৮..
শিবশক্তিসমাশ্লেষস্ফুরদ্ব্যোমান্তরে পুনঃ .
প্রকাশযতি বিশ্বং সা সূক্ষ্মরূপস্থিত সদা .. ৬৯..
বীজরূপা মহামুদ্রা সর্বসিদ্ধিমযে স্থিতা .
সম্পূর্ণস্য প্রকাশস্য লাভভূমিরিযং পুনঃ .. ৭০..
যোনিমুদ্রা কলারূপা সর্বানন্দমযে স্থিতা .
ক্রিযা চৈতন্যরূপত্বাদেবং চক্রমযং স্থিতম্ .. ৭১..
ইচ্ছারূপং পরং তেজাঃ সর্বদা ভাবযেদ্ বুধঃ .
ত্রিধা চ নবধা চৈব চক্রসঙ্কেতকঃ পুনঃ .. ৭২..
বহ্নিনৈকেন শক্তিভ্যাং দ্বাভ্যাং চৈকোঽপ্রঃ পুনঃ .
তৈশ্চ বহ্নিত্রযেণাপি শক্তীনাং ত্রিতযেন চ .. ৭৩..
পদ্মদ্বযেন চান্যঃ স্যাদ ভূগৃহত্রিতযেন চ .
পঞ্চশক্তি চতুর্বহ্নিপদ্মদ্বযমহীত্রযম্ .. ৭৪..
পরিপূর্ণং মহচক্রং তত্প্রকারঃ প্রদর্শ্যতে .
তত্রাদ্যং নবযোনি স্যাত্ তেন দ্বিদশাসংযুতম্ .. ৭৫..
মনুযোনি পরং বিদ্যাত্ তৃতীযং তদনন্তরম্ .
অষ্টদ্ব্যষ্টদলোপেতং চতুরস্রত্রযান্বিতম্ .. ৭৬..
চক্রস্য ত্রিপ্রকারত্বং কথিতং পরমেশ্বরি .
সৃষ্টিঃস্যান্নবযোন্যাদিপৃথ্ব্যন্তং সংহৃতি পুনঃ .. ৭৭..
পৃথ্ব্যাদিনবযোন্যন্তমিতি শাস্ত্রস্য নির্ণযঃ .
এতত্সমষ্টিরূপং তু ত্রিপুরাচক্রমুচ্যতে .. ৭৮..
যস্য বিজ্ঞানমাত্রেণ ত্রিপুরাজ্ঞানবান্ ভবেত্ .
চক্রস্য নবধাত্বং চ কথযামি তব প্রিযে .. ৭৯..
আদিমং ভূত্রযেণ স্যাদ দ্বিতীযং ষোডশারকম্ .
অন্যদষ্টদলং প্রোক্তং মনুকোণমনন্তরম্ .. ৮০..
পঞ্চমং দশকোণং স্যাত্ ষষ্টং চাপি দশারকম্..
সপ্তমং বসুকোণং স্যান্মধ্যত্র্যস্রমথাষ্টমম্ .. ৮১..
নবমং ত্র্যস্রমধ্যং স্যাত্ তেষাং নামান্যতঃ শৃণু .
ত্রৈলোক্যমোহনং চক্রং সর্বাশাপরিপূরকম্ .. ৮২..
সর্বসংক্ষোভণং গৌরি সর্বাসৌভাগ্যদাযকম্ .
সর্বার্থসাধকং চক্রং সর্বরক্ষাকরং পরম্ .. ৮৩..
সর্বরোগহরং দেবি সর্বসিদ্ধিমযং তথা .
সর্বানন্দমযং চাপি নবমং শৃণু সুন্দরি .. ৮৪..
অত্র পুজ্যা মহাদেবী মহাত্রিপুরসুন্দরী .
পরিপূর্ণং মহাচক্রমজরামরকারকম্ .. ৮৫..
এতমেব মহাচক্রসঙ্কেতঃ পরমেশ্বরি .
কথিতস্ত্রিপুরাদেব্যা জীবন্মুক্তিপ্রবর্তকঃ .. ৮৬..

অথ দ্বিতীযঃ পটলঃ
মন্ত্রসঙ্কেতং দিব্যমধুনা কথ্যামি তে .
যদ্বেত্তা ত্রিপুরাকারো বিরচক্রেশ্বরো ভবেত্ .. ১..
করশুদ্ধিকরো ত্বাদ্যা দ্বিতীযা চাত্মরক্ষিকা .
আত্মাসনগতা দেবী তৃতীযা তদনন্তরম্ .. ২..
চক্রাসনগতা পশ্চাত্ সর্বমন্ত্রাসনস্থিতা .
সাধ্যসিদ্ধাসনা ষ্ষ্টা মাযালক্ষ্মীমযী পরা .. ৩..
মূর্তিবিদ্যা চ সা দেবী সপ্তমো পরিকীর্তিতা .
অষ্টম্যাবাহিনী বিদ্যা নবমা ভৈরবী পরা .. ৪..
মূলবিদ্যা তথা খ্যাতা ত্রৈলোক্যবশকারিণী .
এবং নবপ্রকারাস্তু পূজাকালে প্রযত্নতঃ .. ৫..
এতাঃ ক্রমেণ ন্যস্তব্যাঃ সাধকেন কুলেশ্বরি .
পাদাগ্রজঙ্ঘাজানূরুগুদলিঙ্গাগ্রকেষু চ .. ৬..
আধরে বিন্যসন্মূর্তি তস্যামাবাহিনীং ন্যসেত্ .
মূলেন ব্যাপকন্যাসঃ কর্তব্যঃ পরেম্শ্বরি .. ৭..
অকুলাদিষু পূর্বোক্তস্থানেষু পরিচিন্তযেত্ .
চক্রেশ্বরিসমাযুক্তং নবচক্রং পুরোদিতম্ .. ৮..
তাসাং নামানি বক্ষ্যামি যথানুক্রমযোগতঃ .
তত্রাদ্যা ত্রিপুরা দেবী দ্বিতীযা ত্রিপুরেশ্বরী .. ৯..
তৃতীযা চ তথা প্রোক্তা দেবী ত্রিপুরসুন্দরী .
চতুর্থী চ মহাদেবী দেবী ত্রিপুরবাসিনী .. ১০..
পঞ্চমী ত্রিপুরা শ্রীঃ স্যাত্ ষষ্টী ত্রিপুরমালিনী .
সপ্তমী ত্রিপুরা সিদ্ধিরষ্টমী ত্রিপুরাম্বিকা .. ১১..
নবমী তু মাহদেবী মহাত্রিপুরসুন্দরী .
পূজযেচ্চ ক্রমাদেতা নবচক্রে পুরোদিতে .. ১২..
এবং নবপ্রকারাদ্যা পুজাকলে তু পার্বতি .
একাকারা হ্যাদ্যশক্তিরজরামরকারিণী .. ১৩..
মন্ত্রসঙ্কেতকস্তস্যা নানাকারো ব্যবস্থিতঃ .
নানামন্ত্রকর্মেণৈব পারম্পর্যেণ লভ্যতে .. ১৪..
ষডবিধস্তং তু দেবেশি কথযামি তবানধে .
ভাবার্থঃ সম্প্রদাযার্থো নিগমার্থশ্চ কৌলিকঃ .. ১৫..
তথা সর্বরহস্যার্থো মহাতত্ত্বার্থ এব চ .
অক্ষরার্থো হি ভাবার্থঃ কেবলঃ পরমেশ্বরি .. ১৬..
যোগিনীভিস্তথা বিরৈর্বীরেন্দ্রাইঃ সর্বদা প্রিযে .
শিবশক্তিসমাযোগা~জ্জনিতো মন্ত্ররাজকঃ .. ১৭..
তন্মযীং পরমানন্দনন্দিতাং স্পন্দরূপিণীম্ .
নিসর্গসুন্দরীং দেবীং জ্ঞাত্বা স্বৈরমুপাসতে .. ১৮..
শিবশক্ত্যাত্মসংঘট্টরূপে ব্র্হ্মাণি শাশ্বতে .
তত্প্রথাপ্রসরাশ্লেষভুবি ত্বৈন্দ্রোপলক্ষিতে .. ১৯..
জ্ঞাতৃজ্ঞানমযাকারসননান্মন্ত্ররূপিণী .
তেষাং সমষ্টিরূপেণ পরাশক্তিস্তু মাতৃকা .. ২০..
মধ্যবিন্দুবিসর্গান্তঃ সমাস্থানমযে পরে .
কুটিলারূপকে তস্যাঃ প্রতিরূপে বিযত্কলে .. ২১..
মধ্যপ্রাণপ্রথারূপপস্পন্দব্যোম্নি স্থিত পুনঃ .
মধ্যমে মন্ত্রপিণ্ডে তু তৃতীযে পিণ্ডকে পুনঃ .. ২২..
রাহুকূটাদ্বযস্ফূর্জচ্চলত্তাসংস্থিতস্য তু .
ধর্মাধর্মস্য বাচ্যস্য বিষামৃতমযস্য চ .. ২৩..
বাচক্রাক্ষরসংযোগাত্ কথিতা বিশ্বরূপিণী .
তেষাং সমষ্টিরূপেণ পরাশক্তিং তু মাতৃকাম্ .. ২৪..
কূটত্রযাত্মিকাং দেবীং সমষ্টিব্যষ্টিরূপিণিম্ .
আদ্যাং শক্তিং ভাবযন্তো ভাবার্থমিতি মন্বতে .. ২৫..
সম্প্রদাযো মহাবোধরূপো গুরুমুখে স্থিতঃ .
বিশ্বাকারপ্রথাযাস্তু মহত্ত্বঞ্চ যদাশ্রযম্ .. ২৬..
শিবশক্ত্যাদ্যযা মূলবিদ্যযা পরমেশ্বরি .
জগত্কৃত্স্নং তযা ব্যাপ্তং শৃণুষ্বাবহিতা প্রিযে .. ২৭..
পঞ্চভূতমযং বিশ্বং তন্মযী সা সদানঘে .
তন্মযী মূলবিদ্যা চ তদদ্য কথযাম্মি তে .. ২৮..
হকারাদ্ ব্যোম সম্ভূতং ককারাত্তু প্রভঞ্জনহ .
রেফাদগ্নিঃ সকারাচ্চ জলতত্ত্বস্য সম্ভবঃ .. ২৯..
লকারাত, হ পৃথিবী জাতা তস্মাদ বিশ্বমযী চ সা .
গুণাঃপঞ্চদশ প্রোক্তা ভূতানং তন্মযী শিবা .. ৩০..
যস্য যস্য পদার্থস্য সা যা শক্তিরুদীরিতা .
সা সা সর্বেশ্বরী দেবী স স সর্বো মহেশ্বরঃ .. ৩১..
ব্যাপ্তা পঞ্চদশার্ণঃ সা বিদ্যা ভূতগুণাত্মিকাঃ .
পঞ্চভিশ্চ তথা ষড ভিশ্চতুর্ভিরপি চাক্ষরঃ .. ৩২..
স্বরব্যঞ্জনভেদেন সপ্তত্রিংশত্প্রভেদেনী .
সপ্তত্রিংশত্প্রভেদেন ষট ত্রিংশতত্ত্বরূপিণী .. ৩৩..
তত্ত্বাতীতস্বভাবা চ বিদ্যৈষং ভাব্যতে সদা .
পৃথিব্যাদিষু ভূতেষু ব্যাপকং চোত্তরোত্তরম্ .. ৩৪..
ভূতং ত্বধস্তনং ব্যাপ্যং তদ গুণা ব্যাপকাশ্রযাঃ .
ব্যাপ্যেষ্ববস্থিতা দেবি স্থূলসূক্ষ্মবিভেদতঃ .. ৩৫..
তস্মাদ্ব্যোমগুণঃ শব্দো বায্বাদীন্ ব্যাপ্য সংস্থিতঃ .
ব্যোমবিহৈস্তু বিদ্যাস্থৈর্লক্ষযেচ্ছব্দপঞ্চকম .. ৩৬..
তেষাং কারুণরূপেণ স্থিত ধ্বনিমযং পরম্ .
ভবেদ্ গুণবতাং বীজং গুণানামপি বাচকম্ .. ৩৭..
কার্যকারণভাবেন তযোরৈক্য বিবক্ষযা .
মহামাযাত্রযেণাপি কারণেন চ বিন্দুনা .. ৩৮..
বায্বাগ্নিজলভূমীনাং স্পর্শানাং চ চতুষ্টযম্ .
উত্পন্নং ভাবযেদ্ দেবি স্থূলসূক্ষ্মবিভেদতঃ .. ৩৯..
রূপাণাং ত্রিতযং তদ্বত্ ত্রিভী রেফৈর্বিভাবিতম্ .
প্রধানং তেজসো রূপং তদ বীজেন হি জন্যতে .. ৪০..
বিদ্যাস্থৈশ্চন্দ্রবীজৈস্তু স্থূলসূক্ষ্মো রসঃ স্মৃতঃ .
সম্বন্ধো বিদিতো লোকে রসস্যাপ্যমৃতস্য চ .. ৪১..
বসু ধাযা গুণো গন্ধস্তল্লিপির্গন্ধবাচিকা .
ভুবনত্রযসম্ভন্ধাত্ ত্রিধাত্বং তু মহেশ্বরি .. ৪২..
অশুদ্ধশুদ্ধমিশ্রাণাং প্রমাতৄণাং পরং বপুঃ .
ক্রোধীশত্রিতযে নাথ বিদ্যাস্থেন প্রকাশ্যতে .. ৪৩..
শ্রীকণ্ঠদশকং তদ্বদ ব্যক্তস্যাপি বাচকঃ .
প্রাণরূপস্থিতো দেবি তদ্বদেকাদশঃ পরঃ .. ৪৪..
একঃ সন্নেব পুরুষো বহুধা কাযতে হি সঃ .
রুদ্রেশ্বরসদেশাখ্যা দেবতা মিতবিগ্রহাঃ .. ৪৫..
বিন্দুত্রযেণ কথিতা অমিতামিতবিগ্রহাঃ .
শান্তিঃ শক্তিশ্চ শম্ভুশ্চ নাদত্রিতযবোধনাঃ .. ৪৬..
বাগুরামূলবলযে সূত্রাদ্যাঃ কবলীকৃতাঃ .
তথা মন্ত্রাঃ সমস্তাশ্চ বিদ্যাযামত্র সংস্থিতাঃ .. ৪৭..
গুরুক্রমেণ সংপ্রাপ্তঃ সংপ্রদাযার্থ ঈরিতঃ .
নিগর্ভার্থো মহদেবি শিবগুর্বাত্মগোচরঃ .. ৪৮..
শিবগুর্বাত্মনামৈক্যানুসংধানাত্তদাত্মকম্ .. ৪৯..
নিষ্কলত্বং শিবে বুধ্বা তদ্রূপত্বং গুরোরপি .
তন্নিরীক্ষণসামর্থ্যাদাত্মনশ্চ শিবাত্মতাম্ .. ৫০..
ভাবযেদভক্তিনম্রঃ সঙ্কোচোন্মেষাকলঙ্কিতঃ .
কৌলিকং কথযিষ্যামি চক্রদেবতযোরপি .. ৫১..
বিদ্যাগুর্বাত্মনামৈক্যং তত্প্রকারঃ প্রদর্শ্যতে .
লকারৈশ্চতুরস্রাণি বৃত্তত্রিতযসংযুতম্ .. ৫২..
সরোরুহদ্বযং শক্তৈরগ্নীষোমাত্মকং প্রিযে.
হৃল্লেখাত্রযসংভূতৈরক্ষরৈর্নবসঙ্খ্যকৈঃ .. ৫৩..
বিন্দুত্রযযুতৈর্জাতং নবযোন্যাত্মকং প্রিযে.
মণ্ডলত্রযযুক্তং তু চক্রং শক্ত্যনলাত্মকম্ .. ৫৪..
ব্যোমবীজত্রযেণৈব প্রমাতৃত্রিত্যান্বিতম্.
ইচ্ছাজ্ঞানক্রিযারূপমাদনত্রযসংযুতম্ .. ৫৫..
সদাশিবাসনং দেবি মহাবিন্দুমযং পরম্.
ইত্থং মন্ত্রাত্মকং চক্রং দেবতাযাঃ পরং বপুঃ .. ৫৬..
একাদশাধিকশতদেবতাত্মতযা পুনঃ .
গণেশত্বং মহাদেব্যাঃ সসোমরবিপাবকৈঃ .. ৫৭..
ইচ্ছাজ্ঞানক্রিযাভিশ্চ গুণত্রযযুতৈহ পুনঃ.
গ্রহরূপা চ সা দেবী জ্ঞানকর্মেন্দ্রিযৈরপি .. ৫৮..
তদর্থৈরেব দেবেশি করণৈরান্তরৈঃ পুনঃ.
প্রকৃত্যা চ গুণেনাপি পুংস্ত্ববন্ধেন চাত্মনা .. ৫৯..
নক্ষত্রবিগ্রহা জাতা যোগিনীত্বমথোচ্যতে.
ত্বগাদিধাতুনাথাভির্ডাকিন্যাদিভিরপ্যসৌ .. ৬০..
বর্গাষ্টকনিবিষ্টাভির্যোগিনীভিশ্চ সংযুতা.
যোগিনীরূপমাস্থায রাজতে বিশ্ববিগ্রা .. ৬১..
প্রাণাপানৌ সমানশ্চোদনব্যানৌ তথা পুনঃ.
নাগঃ কূর্মোঽথ কৃকরো দেবদত্তো ধনঞ্জযঃ .. ৬২..
জীবাত্মা পর্মাত্মা চৈত্যেতৈ রাশিস্বরূপিণী.
অকথাদিত্রিপঙ্ক্ত্যাত্মা তার্তিযাদিক্রমেণ সা .. ৬৩..
গণেশোঽভূন্মহাবিদ্যা পরাবাগাদিবাঙ্মযী.
বীজবিন্দুধ্বনীনাং চ ত্রিকূটেষু গ্রহাত্মিকা .. ৬৪..
হৃল্লেখাত্রযসংভূতৈস্তিথিসংখ্যৈস্তথাক্ষরৈঃ.
অন্যৈর্দ্বাদশভির্বর্ণৈরেষা নক্ষত্ররূপিণী .. ৬৫..
বিদ্যানন্তর্ভূতশক্ত্যাদ্যৈঃ শাক্তৈঃ ষড ভিস্তথাক্ষরৈঃ.
যোগিনীত্বং চ বিদ্যায রাশিত্বং চান্ত্যবর্জিতৈঃ .. ৬৬..
এবং বিশ্বপ্রকারা চ চক্র রূপা মহেশ্বরী.
দেব্যা দেহে যথা প্রোক্তো গুরুদেহে তথৈব হি .. ৬৭..
তত্প্রসাদাচ্চ শিষ্যোঽপি তদ্রূপঃ সংপ্রজাযতে.
ইত্যেবং কৌলিকার্থস্তু কথিতো বিরবন্দিতে .. ৬৮..
তথা সর্বরহ্স্যার্থং কথযামি তবানঘে.
মূলাধারে তডিদ্রূপে বাগ্ভবাকারতাং গতে .. ৬৯..
অষ্টাত্রিংশত্কলাযুক্তপঞ্চাশদ্বর্ণবিগ্রহা.
বিদ্যা কুণ্ডলিনীরূপা মণ্দলত্রযভেদিনী .. ৭০..
তডিত্কোটিনিভপ্রখ্যা বিসতন্তুনিভাকৃতিঃ.
ব্যোমেন্দুমণ্ডলাসক্তা সুধাস্ত্রোতঃস্বরূপিণী .. ৭১..
সদা ব্যাপ্তজগত্ কৃত্স্না সদানন্দস্বরূপিণী.
এষা স্বাত্মেতি বুদ্ধিস্তু রহস্যার্থো মহেশ্বরি .. ৭২..
মহাতত্ত্বার্থং ইতি যত্তচ দেবি বদামি তে.
নিষ্কলে প্রমে সূক্ষ্মে নির্লক্ষ্যে ভাববর্জিতে .. ৭৩..
ব্যোমাতীতে পরে তত্ত্বে প্রকাশানন্দবিগ্রহে.
বিশ্বোত্তির্ণে বিশ্বমযে তত্ত্বে স্বাত্মনিযোজনম্ .. ৭৪..
তদা প্রকাশমানত্বং তেজসাং তমসামপি.
অবিনাভাবরূপত্বং তস্মাদ্বিশ্বস্য সর্বতঃ .. ৭৫..
প্রকাশতে মহাতত্ত্বং দিব্যক্রীডারসোজ্জ্বলে.
নিরস্তসর্বসংকল্পবিকল্পস্থিতিপূর্বকঃ .. ৭৬..
রহস্যার্থো মযা গুপ্তঃ সদ্যঃ প্রত্যযকারকঃ.
মহাজ্ঞানার্ণবে দৃষ্টঃ শঙ্কা তত্র ন পার্বতি .. ৭৭..
বিদ্যাপীঠনিবদ্ধেষু সংস্থিতো দিব্যসিদ্ধিদঃ.
কৌলাচারপরৈর্দেবি পাদুকাভাবনাপরৈঃ .. ৭৮..
যোগিনীমেলনোদ্যুক্তৈঃ প্রাপ্তবিদ্যাভিষেচনৈঃ.
শঙ্কাকলঙ্কবিগতৈঃ সদা মুদিতমানসৈঃ .. ৭৯..
পারম্পর্যেণ বিজ্ঞাতরহস্যার্থবিশারদৈঃ.
লভ্যতে নান্যথ দেবি ত্বাং শপেকুলসুন্দরি .. ৮০..
পারম্পর্যবিহীনা যে জ্ঞানমাত্রেণ গর্বিতাঃ.
তেষাং সমযলোপেন বিকুর্বন্তি মরীচযঃ .. ৮১..
যস্তু দিব্যরসাস্বাদমোদমানবিমর্শনঃ.
দেঅতাতিথিনক্ষত্রে বারেঽপি চ বিবস্বতঃ .. ৮২..
মরীচীন্ প্রীণযত্যেব মদিরানন্দঘূর্ণিতঃ.
সর্বদা চ বিশেষণ লভতে পূর্ণবোধতাম্ .. ৮৩..
এবংব্হাবস্তু দেবেশি দেশিকেন্দ্রপ্রসাদতঃ.
মহাজ্ঞানমযো দেবি সদ্যঃ সম্প্রাপ্যতে নরৈঃ .. ৮৪..
এবমেতত্প্রদং জ্ঞানং বিদ্যার্ণাগমগোচরম্.
দেবি গুহ্যপ্রিযেণৈব ব্যাখ্যাতং দুর্গি ষড বিধম্.
সদ্যো যস্য প্রবোধেন বীরচক্রেশ্বরো ভবেত্ .. ৮৫..

অথ তৃতাযঃ পটলঃ
পূজাসঙ্কেতমধুনা কথযামি তবানঘে.
যস্য প্রবোধমাত্রেণ জিবন্মুক্তঃ প্রমোদতে .. ১..
তব নিত্যোদিতা পূজা ত্রিভির্ভেদৈর্ব্যবস্থিতা.
পরা চাপ্যপর গৌরি তৃতীযা চ পরাপরা .. ২..
প্রথমাদ্বৈতভাবস্থা সর্বপ্রসরগোচরা.
দ্বিতীযা চক্রপূজা চ সদা নিষ্পাদ্যতে মযা .. ৩..
এবং জ্ঞানমযে দেবি তৃতীযা তু পরাপরা.
উত্তমা সা পরা জ্ঞেযা বিধানং শৃণু সাম্প্রতম্ .. ৪..
মহাপদ্মবনান্তস্থে বাগ্ভবে গুরুপাদুকাম্.
আপ্যাযিতজগদ্রূপাং পর্মামৃতবর্ষিণীম্ .. ৫..
সঞ্চিন্ত্য পরমাদ্বৈতভাবনামৃতঘূর্ণিতঃ.
দহরান্তরসংসর্পন্নাদালোকনতত্পরঃ .. ৬..
বিকল্পরূপসংজল্পবিমুখোঽন্তর্মুখঃ সদা.
চিত্কলোল্লাসদলিতসংকোচস্ত্বতিসুন্দরঃ.
ইন্দ্রিযপ্রীণনদ্রব্যৈবিং হিতস্বাত্মপূজনঃ .. ৭..
ন্যাসং নির্বর্তযেদেহে ষোঢান্যাসপুরঃসরম্.
গণেশৈঃ প্রথমো ন্যাসো দ্বিতীতস্তু গ্রহৈর্মতঃ .. ৮..
নক্ষত্রৈশ্চ তৃতীযঃ স্যাদ্যোগিনীভিশ্চতুর্থকঃ.
রাশিভিঃ পঞ্চমো ন্যাসঃ ষষ্ঠঃ পীঠৈর্নিগদ্যতে .. ৯..
ষোঢান্যাসস্ত্বযং প্রোক্তঃ সর্বত্রৈবাপরাজিতঃ.
এবং যো ন্যস্তগাত্রস্তু স পূজ্যঃ সর্বযোগিভিঃ .. ১০..
নাস্ত্যস্য পূজ্যো লোকেষু পিতৃমাতৃমুখো জনঃ.
স এব পূজ্যঃ সর্বেষাং স স্বযং পরমেশ্বরঃ .. ১১..
ষোঢান্যাসবিহীনং যং প্রণমেদেষ পার্বতি.
সোঽচিরান্মৃত্যুমাপ্নোতি নরকং চ প্রপদ্যতে .. ১২..
ষোঢান্যাসপ্রকারং চ কথযামি তবানঘে.
বিঘ্নেশো বিঘ্নরাজশ্চ বিনাযকশিবোত্তমৌ .. ১৩..
বিঘ্নকৃদ্বিঘ্নহর্তা চ গণরাট গণনাযকঃ.
একদন্তো দ্বিদন্তশ্চ গজবক্ত্রো নিরঞ্জনঃ .. ১৪..
কপর্দবান্ দীর্ঘমুখঃ শঙ্কুকর্ণো বৃষধ্বজঃ.
গণনাথো গজেন্দ্রশ্চ শুর্পকর্ণস্ত্রিলোচনঃ .. ১৫..
লম্বোদরো মহানাদশ্চতুর্মূর্তিঃ সদাশিবঃ.
আমোদো দুর্মুখশ্চৈব সুমুখশ্চ প্রমোদকঃ .. ১৬..
একপাদো দ্বিজিহ্বশ্চ শূরো বীরশ্চ ষণ্মুখঃ.
বরদো বামদেবশ্চ বক্রতুণ্ডো দ্বিরণ্ডকঃ .. ১৭..
সেনানীর্গ্রামণীর্মত্তো বিমত্তো মত্তবাহনঃ.
জটী মুণ্ডী তথা খড্গী বরেণ্যো বৃষকেতনঃ .. ১৮..
ভক্ষ্যপ্রিযো গণেশশ্চ মেঘনাদো গণেশ্বরঃ.
তরুণারুণসঙ্কাশান্ গজবক্ত্রান্ ত্রিলোচনান্ .. ১৯..
পাশাঙ্কুশবরাভীতিহস্তান্ শক্তিসমন্বিতান্.
এতাংস্তু বিন্যসেদেহে মাতৃকান্যাসবত্প্রিযে .. ২০..
স্বরৈস্তু সহিতং সূর্যং হৃদযাথঃ প্রবিন্যসেত্.
বিন্দুস্থানে সুধাসূতিং যাদিবর্ণচতুষ্টযৈঃ .. ২১..
ভূপুত্রং লোচনদ্বন্দ্ব কবর্গাধিপতিং প্রিযে.
হৃদযে বিন্যসেচ্ছুক্রং চবর্গাধিপতিং পুনঃ .. ২২..
হৃদযোপরি বিন্যসেট্টবর্গাধিপতিং বুধম্.
বৃহস্পতিং কণ্ঠদেশে তবর্গাধিপতিং প্রিযে .. ২৩..
নাভৌ শনৈশ্চরং দেবি পবর্গেশং সুরেশ্বরি.
বক্ত্রেশাদিচতুর্বর্ণৈঃ সহিতং রাহুমেব চ .. ২৪..
ক্ষকারসহিতং কেতুং পাযো দেবেশি বিন্যসেত্.
[রক্তং শ্বেতং তথা রক্তং শ্যামং পীতং চ পাণ্ডুরম্.
কৃষ্ণং ধূম্রং ধূম্রধূম্রং ভাবযেদ্রবিপুর্বকান্..
কামরূপধরান্ দেবি দিব্যাম্বরবিভূষণান্.
বামোরুন্যস্তহস্তাংশ্চ দক্ষহস্তবরপ্রদান্ ..]
ললাটে দক্ষনেত্রে চ বামে কর্ণদ্বযে পুনঃ .. ২৫..
পুটযোনির্নাসিকাযাশ্চ কণ্ঠে স্কন্ধদ্বযে পুনঃ.
পশ্চাত্কূর্পরযুগ্মে চ মণিবন্ধদ্বযে পুনঃ .. ২৬..
স্তনযোর্নাভিদেশে চ কটিবন্ধে ততঃ পরম্.
ঊরুযুগ্মে তথা জান্বোর্জঙ্ঘযোশ্চ পদদ্বযে .. ২৭..
[আদ্যযুগ্মন্তথা চৈকং তস্ত্রীণি চতুষ্টযম্.
একমেকং দ্বযঞ্চেতি স্বরাঃ প্রোক্তাশ্চতুর্দশ .. ২৮..
ব্যঞ্জনেষ্বেকমুভযং দ্বযং ন্যস্যেদতঃ পরম্.
একং যুগ্মং দ্বযন্দ্বন্দ্বমেকং যুগ্মং দ্বযন্ততঃ .. ২৯..
একং ত্রযং তথা চৈকং একমেকং দ্বযন্তথা.
একং দ্বযং ত্রযং পশ্চাল্লক্ষং অং মশ্চতুষ্টযম্ .. ৩০..
অশিব্ন্যাদেঃ পুরো ভগে দত্বা চক্রমতো ন্যসেত্ ]
জ্বলত্কালানলপ্রখ্যা বরদাভযপাণযঃ .. ৩১..
নতিপাণ্যোঽশ্বিনীপূর্বাঃ সর্বাভরণভূষিতাঃ.
এতাস্তু বিন্যসেদ্দেবি স্থানেষ্বেষু সুরার্চিতে .. ৩২..
বিশুদ্ধৌ হৃদযে নাভৌ স্বাধিষ্টানে চ মূলকে.
আজ্ঞাযাং ধাতুনাথাশ্চ ন্যস্তব্যা ডাদিদেবতাঃ .. ৩৩..
অমৃতাদিযুতাঃ সম্যঙ্ন্যস্তব্যাশ্চ সুরেশ্বরি.
পাদে লিঙ্গে চ কুক্ষৌ চ হৃদযে বাহুমূলযোঃ .. ৩৪..
দক্ষিণং পাদমারভ্য বামপাদাবসানকম্.
মেষাদিরাশযো বর্ণৈর্ন্যস্তব্যাঃ সহ পার্বতি .. ৩৫..
[চতুষ্কং ত্রিতযং ত্রীণি দ্বিতযং দ্বিতযং দ্বযম্.
পঞ্চকং পঞ্চকং পঞ্চ পঞ্চক্তং পঞ্চকং ততঃ..
চত্বারি মেরুর্মিনে স্যুঃ কন্যাযাং পঞ্চ শাদযঃ. ]
পিঠানি বিন্যসেদ্দেবি মাতৃকাস্থানকে পুনঃ.
তেষাং নামানি বক্ষ্যন্তে শৃণুষ্বাবহিতা প্রিযে .. ৩৬..
কামরূপং বারাণসী নেপালং পৌণ্ড্রবর্ধনম্.
চরস্থিরং কান্যকুব্জং পূর্ণশৈলং তথার্বুদম্ .. ৩৭..
আম্রাতকেশ্বরৈকাম্রং ত্রিস্রোতঃ কামকোটকম্.
কৈলাসং ভৃগুনগরং কেদারপূর্ণচন্দ্রকে .. ৩৮..
শ্রীপীঠমোঙ্কারপীঠং জালন্ধ্রং মালবোত্কলে.
কুলান্তং দেবিকোটং চ গোকর্ণং মারুতেশ্বরম্ .. ৩৯..
অট্টহাসং চ বিরজং রাজগেহং মহাপথম্.
কোলাপুর মেলাপুরং ওঙ্কারন্তু জযন্তিকা .. ৪০..
উজ্জযিন্যাপি চিত্রা চ ক্ষীরকং হস্তিনাপুরং.
ওড্ডীশং চ প্রযাগাখ্যং ষষ্ঠং মাযাপুরং তথা .. ৪১..
জলেশং মলযং শৈলং মেরুং গিরিবরং তথা.
মহেন্দ্রং বামনং চৈব হিরণ্যপুরমেব চা .. ৪২..
মহালক্ষ্মীপুরোড্যাণং ছাযাছত্রমতঃ পরম্.
এতে পীঠাঃ সমুদ্দিষ্টা মাতৃকারূপকাঃ স্থিতাঃ .. ৪৩..
এবং ষোঢা পুরঃ কৃত্বা শ্রীচক্রন্যাসমাচরেত্.
শ্রীমত্ত্রিপুরসুন্দর্যাশ্চক্রন্যাসং শৃণু প্রিযে .. ৪৪..
যন্ন কস্যচিদাখ্যাতং তনুশুদ্ধিকরং পরম্.
চতুরস্ত্রাদ্যরেখাযৈ নম ইত্যাদিতো ন্যসেত্ .. ৪৫..
দক্ষাংসপৃষ্ঠপাণ্যগ্রস্ফিক্কপাদাঙ্গুলীষ্বথ.
বামাঙ্ঘ্র্যঙ্গুলিষুস্ফিক্কে পাণ্যগ্রে চাংসপৃষ্ঠকে .. ৪৬..
সচূলীমূলপৃষ্ঠেষু ব্যাপকত্বেন সুন্দরি.
অত্রৈব স্থানদশকে অণিমাদ্যাস্তু বিন্যসেত্ .. ৪৭..
সিদ্ধিস্তদন্তশ্চ তনুব্যাপকত্বেন সুন্দরি.
[ চতুরস্রমধ্যরেখাযৈ নম ইত্যপি বল্লভে. ]
তস্যাঃ স্থানেষু বিন্যস্য ব্রহ্মাণ্যাদ্যাস্তদাষ্টসু .. ৪৮..
পাদাঙ্গুষ্ঠদ্বযে পার্শ্বে দক্ষে মূর্ধন্যপার্শ্বকে.
বামদক্ষিণজান্বোশ্চ বহিরংসদ্বযে তথা .. ৪৯..
ন্যস্তব্যাশ্চতুরস্রান্ত্যরেখাযৈ নম ইত্যপি.
বিন্যসেদ্ ব্যাপকত্বেন পূর্বোক্তান্তশ্চ বিগ্রহে .. ৫০..
তস্যাঃ স্থানেষু দশসু মুদ্রাণাং দশকং ন্যসেত্.
ব্রহ্মাণ্যাদ্যষ্টস্থানান্তস্তাসামষ্টৌ ন্যসেত্ততঃ .. ৫১..
শিষ্টে দ্বে দ্বাদশান্তে চ পাদাঙ্গুষ্ঠে চ বিন্যসেত্.
তদান্তঃ ষোডশদলপদ্মায নম ইত্যপি .. ৫২..
বিন্যস্য তদ্দলে কামাকর্ষিণ্যাদ্যাশ্চ বিন্যসেত্.
দলানি দক্ষিনশ্রোত্রপৃষ্ঠমংসং চ কূর্পরম্ .. ৫৩..
করপৃষ্ঠং চোরুজানুগুল্ফপাদতলং তথা.
বামপাদতলাদ্যেবমেতদেবাষ্টকং মতম্ .. ৫৪..
তদন্তরে চাষ্টদলপদ্মায নম ইত্যপি.
বিন্যস্য তদ্দলেষ্বেষু দক্ষশঙ্খে চ জত্রুকে .. ৫৫..
ঊর্বন্তর্গুল্ফগুল্ফোরুজত্রুশঙ্খে চ বমতঃ.
অনঙ্গকুসুমাদ্যাশ্চ শক্তীরষ্টৌ চ বিন্যসেত .. ৫৬
তদনতশ্চতুর্দশারচক্রায নম ইত্যপি.
বিন্যস্য তস্য কোণেষু ন্যসেচ্ছক্তীশ্চতুর্দশ .. ৫৭..
সর্বসঙ্ক্ষোভিণ্যাদ্যাস্তু তস্য কোণানি বচ্ম্যহম্.
ললাটং দক্ষভাগং চ দক্ষগণ্ডাংসমধ্যতঃ .. ৫৮..
পার্শ্বান্তরূরুকঙ্ঘান্তর্বামজঙ্ঘাদি পার্বতি.
বামোর্বন্তং বামপার্শ্বং বামাংসং বামগণ্ডকম্ .. ৫৯..
ললাটবামমধ্যে চ তথা বৈ পৃষ্ঠমিত্যপি.
ততো দশারচক্রায নম ইত্যপি পার্বতি .. ৬০..
তস্য কোণানি দক্ষাক্ষিনাসামূলাঽঽস্যনেত্রকে.
কুক্ষীশবাযুকোণেষু জানুদ্বযগুদেষু চ .. ৬১..
কুক্ষিনৈ ৠর্তিবহ্ন্যাখ্যকোণেষ্বেষু ন্যসেত্ পুনঃ.
সর্বাসিদ্ধিপ্রদাদীনাং শক্তীনাং দশকং তথা .. ৬২..
তদন্তস্চ দশারাদিচক্রায নম ইত্যপি.
বিন্যস্য তস্য কোণেষু সর্বজ্ঞাদ্যাঃ প্রবিন্যসেত্ .. ৬৩..
দক্ষনাসা সৃক্কিণী চা স্তনং বৃষণমেব চ.
সীবিনী বামমুষ্কং চ স্তনং সৃক্কিণি নাসিকে .. ৬৪..
নাসাগ্রং চৈব বিজ্ঞেযং কোণানাং দশকং তথা.
তদন্তরষ্টকোণাদিচক্রায নম ইত্যপি .. ৬৫..
বিন্যস্য তস্য কোণেষু বষিন্যাদ্যষ্টকম্ ন্যসেত্.
চিবুকং কণ্ঠহৃদযনাভীনাং চৈব দক্ষিণম্ .. ৬৬..
জ্ঞেযং পার্শ্বচতুষ্কং চ মণিপূরাদি বামকম্.
চতুষ্ঠযং চ পার্শ্বানামেতত্ কোণাষ্টকং মতম্ .. ৬৭..
হৃদযস্থত্রিকোণস্য চতুর্দিক্ষু বহির্ন্যসেত্.
শরচাপৌ পাশসৃণী ত্রিকোণায নমস্তথা .. ৬৮..
বিন্যস্য তস্য কোণেষু অগ্রদক্ষোত্তরেষু চ.
কামেশ্বর্যাদিদেবীনাং মধ্যে দেবীং চ বিন্যসেত্ .. ৬৯..
এবং মযোদিতো দেবি !ন্যাসো গুহ্যতমক্রমঃ.
এতদ্ গুহ্যতমং কার্যং ত্বযা বৈ বীরবন্দিতে .. ৭০..
সমযস্থায দাতব্যং নঽশিষ্যায কদাচন.
গুপ্তাদ্ গুপ্ততরং চৈতত্তবাঽদ্য প্রকটীকৃতম্ .. ৭১..
মূলদেব্যাদিকং ন্যাসমণিমান্তং পুনর্ন্যসেত্.
[ত্রিকোণস্থে মহাবিন্দৌ মহাত্রিপুরসুন্দরীম্ ].
শিরস্ত্রিকোণপূর্বাদি কামেশ্বর্যাদিকং ন্যসেত্ .. ৭২..
বাণান্নেত্রে ভ্রুবোশ্চাপৌ কর্ণে পাশদ্বযং ন্যসেত.
সৃণিদ্বযং চ নাসাগ্রে দক্ষিণাগ্রং তু বিন্যসেত্ .. ৭৩..
মুণ্ডমূলক্রমেণৈব ন্যসেদ্বাগ্দেবতাষ্টকম্ .
বৈন্দবাদীনি চক্রাণি ন্যস্তব্যানি বরাননে .. ৭৪..
নেত্রমূলে ত্বপাঙ্গে চ কর্ণপূর্বোত্তরে পুনঃ.
চূডাদিকণ্ঠনিম্নেঽর্ধং শেষার্ধং কর্ণপৃষ্টকে .. ৭৫..
কর্ণে পূর্বে ত্বপাঙ্গে চ তস্য মূলে চ বিন্যসেত্.
হৃদযে মনুকোণস্থ শক্তযোঽপি চ পূর্ববত্ .. ৭৬..
সর্বসিদ্ধ্যাদিকং কণ্ঠে প্রাদক্ষিণ্যেন বিন্যসেত্.
নাভাবষ্টদলং তত্তু বংশে বামে চ পার্শ্বকে .. ৭৭..
উদরে সব্যপার্শ্বে চ ন্যসেদাদিচতুষ্টযম্.
বংশবামান্তরালাদি ন্যসেদন্য চতুষ্টযম্ .. ৭৮..
স্বাধিষ্ঠানে ন্যসেত্ স্বস্য পূর্বাদ্দক্ষাবসানকম্.
চতস্রস্তু চতস্রস্তু চতুর্দিক্ষু ক্রমান্ন্যসেত্ .. ৭৯..
মূলাধারে ন্যসেন্মুদ্রাদশকং সাধকোত্তমঃ.
পুনর্বংশে চ সব্যে চ বামে চৈবান্তরালকে .. ৮০..
ঊর্ধোধো দশমুদ্রাশ্চ ঊর্ধ্বাধোবর্জিতং পুনঃ.
ব্রহ্মাণ্যাদ্যাষ্টকং দক্ষজন্ঘাযাং তাস্তু পূর্ববত্ .. ৮১..
বামজঙ্ঘাং সমারভ্য বামাদিক্রমতোঽপি চ .
সিদ্ধ্যষ্টকং ন্যসেত্তেষু দ্বযং পাদতলে ন্যসেত্ .. ৮২..
কারণাত্প্রসৃতং ন্যাসং দীপাদ্দীপমিবোদিতম্ .
এবং বিন্যস্য দেবেশীং স্বাভেদেন বিচিন্তযেত্ .. ৮৩..
ততশ্চ করশুদ্ধ্যাদিন্যাসং কুর্যাত্ সমাহিতঃ .
অহং তে কথযাম্যদ্য বিদ্যান্যাসং শৃনু প্রিযে .. ৮৪..
মূর্ধ্নি গুহ্যে চ হৃদযে নেত্রেষু ত্রিতযেষু চ .
শ্রোত্রযোর্যুগলে চৈব মুখে চ ভুজযোস্তথা .. ৮৫..
পৃষ্টে জান্বোশ্চ নাভৌ চ বিদ্যান্যাসং বিধায চ .
করশুদ্ধিং পুনশ্চৈব আসনাদিষডঙ্গকম্ .. ৮৬..
শ্রীকণ্ঠাদীনি বাগ্দেবীরাধারে হৃদযে পুনঃ .
শিখাযাং বৈন্দবস্থানে ত্বগ্নিচক্রাদিকা ন্যসেত্ .. ৮৭..
তত্ত্বত্রযং সমস্তং চ বিদ্যাবিজত্রযান্বিতম্ .
পাদাদিনাভিপর্যন্তমাগলং শিরস্তথা .. ৮৮..
ব্যাপকং চৈব বিন্যস্য স্বাত্মীকৃত্য পরং পুনঃ .
সন্তর্পযেত্ পুনর্দেবীং সৌম্যাগ্নেযামৃতদ্রবৈঃ .. ৮৯..
এবং চতুর্বিধো ন্যাসঃ কর্বব্যো বীরবন্দিতে .
ষোঢান্যাসোঽণিমাদ্যশ্চ মূলদেব্যাদিকঃ প্রিযে .. ৯০..
করশুদ্ধ্যাদিকস্চৈব সাধকেন সুসিদ্ধযে .
প্রাতঃ কালে তথা পূজাসমযে হোমকর্মণি .. ৯১..
জপকালে তথা তেষাং বিনিযোগঃ পৃথক্ পৃথক্ .
পূজাকালে সমস্তং বা কৃত্বা সাধকপুঙ্গবঃ .. ৯২..
ষট্ত্রিংশতত্ত্বপর্যন্তমাসনং পরিকল্প্য চ .
গুপ্তাদিযোগিনীনাং চ মন্ত্রেণাঽথ বলিং দদেত্ .. ৯৩..
পিণ~ডরূপপদগ্রন্থিভেদনাদ্ বিঘ্নভেদকম্ .
গুহ্যহৃন্মুখমূর্ধসু বিদ্যান্যাসনেঅ সুন্দরি .. ৯৪..
যাগমন্দিরগাংশ্চৈব বিঘ্নানুত্সার্য মন্ত্রবিত্ .
[অপসর্পন্তু তে ভূতা যে ভুতা ভূমিসংস্থিতাঃ..
যে ভূতা বিঘ্নকর্তারস্তে নশ্যন্তু শিবাজ্ঞযা ]
পার্ষ্ণিঘাতেন ভৌমাংশ্চ তালেন চ নভোগতান্ .. ৯৫..
অস্ত্রমন্ত্রেণ বিদ্যাংশ্চ দৃষ্ট্যা বিঘানপোহযেত্ .
দিক্ষ্বধোর্ধ্বং মহাবহ্নিপ্রাকারং পরিভাবযেত্ .. ৯৬..
সামান্যার্ধ্যেণ দেবেশি!মার্তণ~ডং পরিপূজযেত্ .
প্রকাশশক্তিসহিতমরুণাকল্পমুজ্জ্বলম্ .. ৯৭..
গ্রহাদিপরিবারঞ্চ বিশ্বতেজোঽবভাসনম্ .
সৌম্যাগ্নেযযুতৈর্দেবি রোচনাগুরুকুঙ্কুমৈঃ .. ৯৮..
মূলমুচ্চারযন্ সম্যগ্ভাবযেচ্চক্ররাজকম্ .
যোগিনী মূলমন্ত্রেণ ক্ষিপেত্ পুষ্পাঞ্জলিং ততঃ .. ৯৯..
মণিমুক্তাপ্রবালৈর্বা বিলোমং মূলবিদ্যযা .
অশূন্যং সর্বদা কুর্যাচ্ছূন্যে বিঘ্নাস্ত্বনেকশঃ .. ১০০..
শ্রীচক্রস্যাত্মনশ্চৈব মধ্যে ত্বর্ঘ্যং প্রতিক্ষিপেত্ .
চতুরস্রান্তরালস্থকাণষট্কে সুরেশ্বরি .. ১০১..
ষডাসনানি সম্পুজ্য ত্রিকোণস্যান্তরে পুনঃ .
পীঠানি চতুরো দেবি কাপূজা ও ইতি ক্রমাত্ .. ১০২..
অর্চযিত্বাঽর্ঘ্যপাদে তু বহ্নের্দশ কলা যজেত্ .
অর্ঘ্যপাত্রং প্রতিষ্ঠাপ্য তত্র সূর্যকলা যজেত্ .. ১০৩..
পাত্রে সূর্যকলাশ্চৈব কভাদিদ্বাদশার্চযেত্ .
বিধৃতে তু পুনর্দ্রব্যে ষোডশেন্দুকলা যজেত্ .. ১০৪..
অমৃতেশীং চ তন্মধ্যে ভাবযেচ্চ নবাত্মনা.
নবাত্মনা ততো দেবি তর্পেয্দ্ধাতুদেবতাঃ .. ১০৫..
আনন্দভৈরবং বৌষডন্তেনৈব চ তর্পযেত্ .
তদাজ্ঞাপ্রেরিতং তচ্চ গুরুষঙ্ক্তৌ নিবেদযেত্ .. ১০৬..
তথৈবার্ঘ্যং বিশেষেণ সাধযেত্ সাধকোত্তমঃ .
গুরুপাদালিমাপূজ্য ভৈরবায দদেত্ পুনঃ .. ১০৭..
তদীযং শেষমাদায কামাগ্নৌ বিশ্ব …স্থুষি .
পাদুকাং মূলবিদ্যাং চ জপন্ হোমং সমাচরেত্ .. ১০৮..
মহাপ্রকাশে বিশ্বস্য সংহারবমনোদ্যতে .
মরীচিবৃত্তীর্জুহুযান্মনসা কুণ্ডলীমুখে .. ১০৯..
অহন্তেদন্তযোরৈক্যমুন্মন্যাং স্রুচি কল্পিতম্ .
মথনোদ্রেকসম্ভূতং বস্তুরূপং মহাহবিঃ .. ১১০..
হুত্বা হুত্বা স্বযং চৈবং মহজানন্দবিগ্রহঃ .
স্বপ্রধাপ্রসরাকারং শ্রীচক্রং পূজযেত্ সুধীঃ .. ১১১..
গণেশং দূতরীং চৈব ক্ষেত্রেশং দূতিকাং তথা .
বাহ্যদ্বরে যজেদ্ দেবি দেবীশ্চ স্বস্তিকাদিকাঃ .. ১১২..
ততস্চান্তস্ত্রিকোণঽপি গুরুপঙ্ক্তিং ত্রিধা স্থিতাম্ .
তদন্তশ্চ মহাদেবীং তামাবাহ্য যজেত্ পুনঃ .. ১১৩..
মহাপদ্মবনান্তস্থাং কারণানন্দবিগ্রহাম্ .
মদঙ্কোপাশ্রিতাং দেবীমিচ্ছাকামফলপ্রদাম্ .. ১১৪..
ভবতীং ত্বন্মযৈরেব নৈবেদ্যাদিভিরর্চযেত্ .
ত্রিকোণে তত্স্ফুরত্তাযাঃ প্রতিবিম্বাকৃতীঃ পুনঃ .. ১১৫..
তত্তত্তিথিমযীর্নিত্যাঃ কাম্যকর্মানুসারিণীঃ .
তত্র প্রকটযোগিন্যশ্চক্রে ত্রৈলোক্যমোহনে .. ১১৬..
মাতৃকাস্থূলরূপত্বাত্ত্বগাদিব্যাপকত্বতঃ .
যোগিন্যঃ প্রকটা জ্ঞেযাঃ স্থূলবিশ্বপ্রধাত্মনি .. ১১৭..
অণিমাদ্যা মহাদেবি সিদ্ধযোঽষ্টৌ ব্যবস্থিতাঃ .
তাসু রক্ততরা বণৈর্বরাভযকরাস্তথা .. ১১৮..
ধৃতচিন্তামহারত্না মনীষিতফলপ্রদাঃ .
ব্রাহ্ম্যাদ্যা অপি তত্রৈব যষ্টব্যাঃ ক্রমতঃ প্রিযে .. ১১৯..
ব্রহ্মাণী পীতবর্ণা চ চতুর্ভিঃ শোভিতা মুখৈঃ .
বরদাঽভযহস্তা চ কুণ্ডিকা ক্ষলসত্করা .. ১২০..
মাহেশ্বরী শ্বেতবর্ণা ত্রিনেত্রা শূলধারিণী .
কপালমেণং পরশুং দধানা পাণিভিঃ প্রিযে .. ১২১..
[ঐন্দ্রী তু শ্যামবর্ণা চ ব্রজোত্পললসত্করা ]
কৌমারী পীতবর্ণা চ শক্তিতোমরধরিণী .. ১২২..
বরদাভযহস্তা চ ধ্যাতব্যা পরমেশ্বরী .
বৈষ্ণবী শ্যামবর্ণা চ শঙ্খচক্রবরাভযান্ .. ১২৩..
হস্তপদ্মৈস্তু বিভ্রাণা ভূষিতা দিব্যভূষণৈঃ .
বারাহী শ্যামলচ্ছাযা পোত্রি বক্ত্রসমুজ্জ্বলা .. ১২৪..
হলং চ মুসলং খড্গং খেটকং দধাতী ভুজৈঃ .
[ঐন্দ্রী শ্যামলবর্ণা চ বজ্রদ্বযলসত্করা ].. ১২৫..
চামুণ্ডা কৃষ্ণবর্ণা চ শূলং ডমরুকং তথা .
খড্গং বেতালকং চৈব দধানা দক্ষিণৈঃ করৈঃ .. ১২৬..
নাগখেটকঘণ্টা খ্যান্ দধানান্যৈঃ কপালকম্ .
মহালক্ষ্মীস্তু পীতাভা পদ্মদর্পণমেব চ .. ১২৭..
মাত লুঙ্গফলং চৈব দধান পরমেশ্বরী .
এবং ধ্যাত্বা যজেদেতাশ্চক্রেশীং ত্রিপুরাং ততঃ .. ১২৮..
কর্মেন্দ্রিযাণাং বৈমল্যাত্ করশুদ্ধিকরী স্মৃতা .
কাযশুদ্ধিভবা সিদ্ধিরণিমা চাত্র সংস্থিতা .. ১২৯..
ষোডশস্পন্দসন্দোহে চমত্কৃতিমযোঃ কলাঃ .
প্রাণাদিষোডশানাং তু বযুনা প্রাণনাত্মিকাঃ .. ১৩০..
বীজ ভূতাঃ স্বরাত্মত্বাত্ কলনাদ বীজরূপকাঃ .
অন্তরঙ্গতযা গুপ্তা যোগিন্যঃ সংব্যবস্থিতাঃ .. ১৩১..
কামাকর্ষণরূপাদ্যাঃ সৃষ্টেঃ প্রাধান্যতঃ প্রিযে .
সর্বাশাপূরণাখ্যে তু চক্রে বামেন পূজযেত্ .. ১৩২..
পাশাঙ্কুশধরা হ্যেতা রক্তা রক্তাম্বরা বৃতাঃ .
প্রাণশুদ্ধিমযী সিদ্ধির্লঘিমা ভোক্তুরাত্মনঃ .. ১৩৩..
ত্রিপুরেশী চ চক্রেশী পূজ্যা সর্বোপচারকৈঃ .
[কৌলিকানুভবাবিষ্টভোগপুর্যষ্টকাশ্রিতাঃ .. ১৩৪..
বাগ্ভবাষ্টকসম্বন্ধসূক্ষ্মা বর্গস্বরূপতঃ .
তাস্তু গুপ্ততরাঃ সর্বাঃ সর্বসংক্ষোভণাত্মকে .. ১৩৫..
অনঙ্গকুসুমাদ্যাস্তু রক্তকঞ্চুকশোভিতাঃ ]
[বেণীকৃত লসত্কেশাশ্চাপবাণধরাঃ শুভাঃ ] .. ১৩৬..
তত্তদাজারবুদ্ধ্যাত্মবোগ্যভোক্তুর্মহেশিতুঃ .
পিণ্ডাদিপদবিশ্রান্তিসৌন্দর্যগুণসংযুতা .. ১৩৭..
চক্রেশ্বরী বুদ্ধিশুদ্ধিরূপা চ পরমেশ্বরী .
মহিমাসিদ্ধিরূপা তু পূজ্যা সর্বোপচারকৈঃ .. ১৩৮..
দ্বাদশগ্রন্থিভেদেন সমুল্লসিতসংবিদঃ .
বিসর্গান্তদশবেশাচ্ছাক্তানুভবপূর্বকম্ .. ১৩৯..
উন্মেষষক্তিপ্রসরৈইরিচ্ছাশক্তিপ্রধানকৈঃ .
তদেবাঽকুলসঙ্ঘট্টরূপৈর্বর্ণচতুষ্টযৈঃ .. ১৪০..
বেদ্যোষ্মরূপসাবর্ণৈর্মিশ্রেচ্ছাভাবিতৈরপি .
কুলশক্তিসমাবেশরূপবর্ণদ্বযান্বিতৈঃ .. ১৪১..
শক্তেঃ সারমযত্বেন প্রসৃতত্বান্মহেশ্বরি .
স, প্রদাযক্রমাযাতাশ্চক্রে সৌভাগ্যদাযকে .. ১৪২..
নিরন্তরওরধা রূপসৌভাগ্যং কলযোগতঃ .
অন্তর্থসংজ্ঞিকে দেবি অণিমাসদৃশা: শুভাঃ .. ১৪৩..
সর্বসঙ্ক্ষোভিণীপূর্বা দেহাক্ষাদিবিশুদ্ধিদাঃ .
ঈশিত্বসিদ্ধিরপি চ প্রোতরূপে পুরত্রযে .. ১৪৪..
যোগাদিক্লেশভেদেন সিদ্ধা ত্রিপুরবাসিনীই.
এতাঃ সম্পূজযেদ দেবি সর্বাঃ সর্বোপচারকৈঃ .. ১৪৫..
সদাতনানা নাদানাং নবরন্ধ্রস্থিতাত্মনাম্ .
মহাসামান্যরূপেণ ব্যাবৃত্তধ্বনিরূপিণীই .. ১৪৬..
অস্থিরস্থিরবেদ্যানাং ছাযারূপৈর্দশার্ণকৈঃ .
কুলকৌলিকযোগিন্যঃ সর্ব্সিদ্ধিপ্রদাযিকাঃ .. ১৪৭..
শ্বেতাম্ব্রধরাঃ শ্বেতাঃ শ্বেতাভরণভূষিতাঃ .
মন্ত্রাণাং স্বপ্রধারূপযোগাদন্বর্থসংজ্ঞ্কে .. ১৪৮..
সর্বসিদ্ধিপ্রদাদ্যাস্তু চক্রে সর্বর্থসাধকে .
লোকত্রযসমৃদ্ধীনাং হেতুত্বাচ্চক্রনাযিকা .. ১৪৯..
ত্রিপুরা শ্রীর্মহেশানি মন্ত্রশুদ্ধিভবা পুনঃ .
বশিত্বসিদ্ধিরাখ্যাতা এতাঃ সর্বা৙ সমর্চযেত্ .. ১৫০..
ঊর্ধ্বাধোমুখযা দেবি কুণ্ডলিন্যা প্রকাশিতাঃ .
কুলেচ্ছযা বহির্ভাবাত্ কাদিবর্ণপ্রথামযী .. ১৫১..
নিগর্ভযোগিনীবাচ্যাঃ স্বরূপাবেশরূপকে .
সর্বাবেশকর চক্রে সর্বরক্ষাকরে পরাঃ .. ১৫২..
সর্বজ্ঞাদ্যাঃ স্থিতা এতাঃ সহ পুস্তাক্ষমালিকাঃ .
মাতৃমানপ্রমেযাণাং পুরাণাং পরিপোষিণী .. ১৫৩..
ত্রিপুরামালিনী খ্যাতা চক্রেশী ত্রিপুরমোহিনী .
নিরূদ্ধবাযুসঙ্ঘট্টস্ফটিতগ্রন্থিমূলতঃ .. ১৫৪..
হৃদযান্তরসংবিত্তিশূন্যপর্যষ্টকাত্মনা .
বীজরূপস্বরকলাস্পৃষ্টবর্গানুসারতঃ .. ১৫৫..
রহ্স্যযোগিনীর্দেবীঃ সংসারদলনোজ্জ্বলে .
সর্বরোগহরে চক্রে সংস্থিতা বীরবন্দিতে .. ১৫৬..
বশিন্যাদ্যা রক্তবর্ণা বরদাভযমুদ্রিতাঃ .
পুস্তকং জপমালাং চ দধানাঃ সিদ্ধযোগিনীঃ .. ১৫৭..
শুদ্ধিবিদ্যাবিশুদ্ধিং চ ভুক্তিসিদ্ধিং মহেশ্বরি .
ঈশ্বরীং ত্রিপুরাং সিদ্ধাং পূজযেদ বিন্দুতর্পণৈঃ .. ১৫৮..
শক্তিত্রযাত্মিকা দেবি চিদ্ধামপ্রসরাঃ পুনাঃ .
সংবর্তাগ্নিকলারূপাঃ পরমাতিরহস্যকাঃ .. ১৫৯..
পূর্ণাপুর্ণস্বরূপাযাঃ সিদ্ধের্হেতুঃ সুরেশ্বরি .
সর্বাসিদ্ধিমযাখ্যে তু চক্রে ত্বাযুধভূষিতাঃ .. ১৬০..
স্থিতাঃ কামেশ্বরীপূর্বাশ্চতস্ত্রঃ পীঠদেবতাঃ .
আযুধাস্ত্বতিরক্তাভাঃ স্বাযুধোজ্জ্বলমস্তকাঃ .. ১৬১..
বরদাভযহস্তাশ্চ্চ পূজ্যা ব্রতফলপ্রদা:ঃ .
ত্বদীযাশ্চ মদীযাশ্চ পুংস্ত্রিবশ্যবিধাযিনঃ .. ১৬২..
ত্বগসৃঙ্মাংসমেদোস্থিশুক্লানাং চ মহেশ্বরি .
দ্বিতীযস্বরসংযুক্তা এতে বাণাস্ত্বদীযকাঃ .. ১৬৩..
বামাদীনাং পুরাণাং তু জননী ত্রিপুর্ম্বিকা .
পরস্বাতন্ত্র্যরূপত্বাদিচ্ছাসিদ্ধির্মহেশ্বরি .. ১৬৪..
এতাঃ সর্বোপচারেণ পূজযেত্তু বরাননে .
সর্বানন্দমযে দেবি পরব্রহ্মাত্মকে পরে .. ১৬৫..
চক্রে সংবিত্তিরূপা চ মহাত্রিপুরসুন্দরী .
স্বৈরাচারেণ সম্পূজ্যা ত্বহন্তেদন্তযোঃ সম .. ১৬৬..
মহাকামকলারূপা পীঠবিদ্যাদিসিদ্ধিদা .
মহামুদ্রামযী দেবি পূজ্যা পঞ্চদশাত্মিকা .. ১৬৭..
তত্তত্তিথিমযী নিত্যা নবমী ভৈরবী পরা .
প্রতিচক্রং সমুদ্রাস্তু চক্রসঙ্কেতচোদিতাঃ .. ১৬৮..
নিত্যক্লিন্ন্নাদিকাশ্চৈব কাম্যকর্মানুসারতঃ .
চতুরস্রান্তরালে বা ত্রিকোণে বা যজেত্ সুধীঃ .. ১৬৯..
অলিনা পিশিতৈর্গন্ধৈর্ধূপৈরারাধ্য দেবতাঃ .
চক্রপূজাং বিধাএত্থং কুলদীপং নিবেদযেত্ .. ১৭০..
অন্তর্বহির্ভাসমানং স্বপ্রকাশোজ্জ্বলং প্রিযে .
পুষ্পাঞ্জলিং ততঃ কৃত্বা জপং কুর্যাত্ সমাহিতঃ .. ১৭১..
কূটত্রযে মহাদেবি কুণ্ডলীত্রিতযেঽপি চ .
চক্রাণাং পূর্বপূর্বেষাং নাদরূপেণ যোজিতাম্ .. ১৭২..
তেষু প্রাণাগ্নিমাযার্ণকলাবিন্দ্বর্ধচন্দ্রিকাঃ .
রোধিনীনাদনাদান্তাঃ শক্তিব্যাপিকলান্বিতাঃ .. ১৭৩..
সমনা চোন্মনা চেতি দ্বাদশন্তে স্থিতাঃ প্রিযে .
মূলকুণ্ডলিনীরূপে মধ্যমে চ ততঃ পুনঃ .. ১৭৪..
সৃষ্ট্যুন্মুখে চ বিশ্বস্য স্থিতিরূপে মহেশ্বরি .
কেবলং নাদরূপেণ উত্তরোত্তরযোজিতম্ .. ১৭৫..
শবলাকারকে দেবি তৃতীযে দ্বাদশী কলা .
শূন্যষট্কং তথা দেবি হ্যবস্থাপঞ্চকং পুনঃ .. ১৭৬..
বিষুবং সপ্তরূপং চ ভাবযন্ মনসা জপেত্ .
অগ্ন্যাদিদ্বাদশান্তেষু ত্রীংস্ত্রীন্ ত্যক্ত্বা বরাননে .. ১৭৭..
শূন্যত্রযং বিজানীযাদেকৈকান্তরতঃ প্রিযে .
[শুন্যত্রযাত্ পরে স্থানে মহাশূন্যং বিভাবযেত্ ]
প্রবোধ করণস্যাঽথ জাগরত্বেন ভাবনম্ .. ১৭৮..
বহ্নৌ দেবি মহাজাগ্রদবস্থা ত্বিন্দ্রিযদ্বযৈঃ .
আন্তরৈঃ করণৈরেব স্বপ্নমাযাববোধকঃ .. ১৭৯..
গলদেশে সুষুপ্তিস্তু লীনপূর্বস্য বেদনম্ .
অন্তঃকরণবৃওত্তীনাং লযতো বিষযস্য তু .. ১৮০..
পূর্বার্ণানাং বিলোমেন ভ্রূমধ্যে বিন্দুসংস্থিতা .
তুর্যরূপং তথা চাত্র বৃত্তার্ধাদেস্তু সঙ্গ্রহঃ .. ১৮১..
চৈতন্যব্যক্তিহেতোস্তু নাদরূপস্য বেদনম্ .
তুর্যাতীতং সুখস্থানং নাদান্তাদিস্থিতং প্রিযে .. ১৮২..
অত্রৈব জপকালে তু পঞ্চাবস্থাঃ স্মরেদ বুধঃ .
যোগঃ প্রাণাত্মমনসাং বিষুবং প্রাণসংজ্ঞিতম্ .. ১৮৩..
আধারিত্থিতনাদে তু লীনং বুদ্ধ্যাত্মরূপকম্ .
সংযোগেন বিযোগেন মন্ত্রার্ণানাং মহেশ্বরি .. ১৮৪..
অনহতাদ্যাধারান্তং নাদাত্মত্ববিচিন্তনম্ .
নাদসংস্পর্শনাত্তস্য নাডীবিষুবমুচ্যতে .. ১৮৫..
দ্বাদশগ্রন্থিভেদেন বর্ণানামন্তরে প্রিযে .
নাদযোগঃ প্রশান্তং তু প্রশান্তেন্দ্রিযগোচরম্ .. ১৮৬..
বহ্নিং মাযাং কলাং চৈব চেতনামর্ধচন্দ্রকম্ .
রোধিনীনাদনাদান্তান্ শক্তৌ লীনান্ বিভাবযেত্ .. ১৮৭..
বিষুবং শক্তিসংজ্ঞং তু তদুর্ধ্বং নাদচিন্তনম্ .
তদুর্ধ্বং কালবিষুবমুন্মনান্তং মহেশ্বরি .. ১৮৮..
মুনিচন্দ্রাঽষ্টদশভিস্ত্রুটিভির্নাদবেদনম্ .
চৈতন্যব্যক্তিহেতুশ্চ বিষুবং তত্ত্বসংজ্ঞিতম্ .. ১৮৯..
পরং স্থানং মহাদেবি নিসর্গানন্দসুন্দরম্ .
এবং চিতযমানস্য জপকালেষু পার্বতি .. ১৯০..
সিদ্ধযঃ সকলাস্তূর্ণাং সিদ্ধ্যন্তি ত্বত্প্রসাদতঃ .
এবং কৃত্বা জপং দেব্যা বামহস্তে নিবেদযেত্ .. ১৯১..
অনামাঙ্গুষ্ঠযোগেন তর্পযেচ্চক্রদেবতাঃ .
মদ্যং মাংসং তথা মত্স্যং দেব্যাস্তু বিনিবেদযেত্ .. ১৯২..
কৌলাচারসমাযুক্তৈর্বিরৈর্স্তু সহ পূজযেত্ .
পুষ্যভেন তু বারে চ সৌরে চ পরমেশ্বরি .. ১৯৩..
গুরোর্দিনে স্বনক্ষত্রে চতুর্দশ্যষ্টমীষু চ .
চক্রপূজাং বিশেষেণ যোগিনীনাং সমাচরেত্ .. ১৯৪..
চতুঃষষ্টিযুতাঃ কোট্যো যোগিনীনাং মহৌজসাম্ .
চক্রমেতত্ সমাশ্রিত্য সংস্থিতা বীরবন্দিতে .. ১৯৫..
অষ্টাষ্টকং তু কর্তব্যং বিত্তশাঠ্যবিবর্জিতম্ .
ত্বমেব তাসাং রূপেণ ক্রীডসে বিশ্বমোহিনী .. ১৯৬..
অজ্ঞাত্ব তু কুলাচারমযষ্ট্বা গুরুপাদুকাম্ .
যোঽস্মিন্ শাস্ত্রে প্র্বর্তেত তং ত্বং পীডযসি ধ্রুবম্ .. ১৯৭..
এবং জ্ঞাত্বা বরারোহে কৌলাচারপরঃ সদা .
আবযোঃ শবলাকারং মদ্যং তত্র নিবেদ্য চ .. ১৯৮..
ত্বত্প্রধা প্রসরাকারাস্ত্বামেব পরিভাবযেত্ .
বামিচ্ছাবিগ্রহাং দেবীং গুরুরূপাং বিভাবযেত্ .. ১৯৯..
ত্বন্মযস্য গুরোঃ শেষং নিবেদ্যাত্মনি যোজযেত্ .
যোগিনীনাং মহাদেবি বটুকাযাত্মরূপিণে .. ২০০..
ক্ষেত্রাণাং পতযে মদ্যং বলিং কুর্বিত হেতুনা .
নিত্যং পিবন্ বমন্ খাদন্ স্বেচ্ছাচারপরঃ স্বযম্ .. ২০১..
অহন্তেদন্তযোরৌক্যং ভাবযন্ বিহরেত্ সুখম্ .
এতত্তে কথিতং সর্বং সঙ্কেতত্রযমুত্তমম্ .. ২০২..
গোপনীযং প্রযত্নেন স্বগুহ্যমিব সুব্রতে .
চুম্বকে জ্ঞানলুব্ধে চ ন প্রকাশ্যং ত্বযানঘে .. ২০৩..
অন্যাযেন ন দাতব্যং নাস্তিকানাং মহেশ্বরি .
এবং ত্বযাঽহমাজ্ঞপ্তো মদিচ্ছারূপযা প্রভো .. ২০৪..
অজ্ঞানেন তু যো দদ্যাত্ স পরেতো ভবিষ্যতি .
সঙ্কেতং যো বিজানাতি যোগিনীনাং ভবেত্প্রিযঃ .. ২০৫..
সর্বেপ্সিতফলাবাপ্তিঃ সর্বকামফলাশ্রযঃ .
যতোঽপি দৃশ্যতে দেবি কথং বিদ্বান্ন চিন্তযেত্ .. ২০৬..
.. ইতি যোগিনীহৃদযম্ স্তোত্রম্ ..