মীনাক্ষী সুন্দরেশ্বর স্তোত্রম্

.. শ্রী মীনাক্ষী সুন্দরেশ্বর স্তোত্রম্ ..

সুবর্ণপদ্মিনীতটান্তদিব্যহর্ম্যবাসিনে
          সুপর্ণবাহনপ্রিযায সূর্যকোটিতেজসে |
অপর্ণযা বিহারিণে ফণাধরেন্দ্রধারিণে
          সদা নমশ্শিবায তে সদাশিবায শংভবে || ১ ||

সুতুঙ্গভঙ্গজান্হুজাসুধাংশুখণ্ডমৌলযে
          পতঙ্গপঙ্কজাসুহৃত্কৃপীটযোনিচক্ষুষে |
ভুজঙ্গরাজকুণ্ডলায পুণ্যশালিবন্ধবে
          সদা নমশ্শিবায তে সদাশিবায শংভবে || ২ ||

চতুর্মুখাননারবিন্দবেদগীতমূর্তযে
          চতুর্ভুজানুজাশরীরশোভমানমূর্তযে |
চতুর্বিধার্থদানশৌণ্ডতাণ্ডবস্বরূপিনে
          সদা নমশ্শিবায তে সদাশিবায শংভবে || ৩ ||

শরন্নিশাকরপ্রকাশমন্দহাসমঞ্জুলা
          ধরপ্রবালভাসমানবক্ত্রমণ্ডলশ্রিযে |
করস্ফুরত্কপালমুক্তবিষ্ণুরক্তপাযিনে
          সদা নমশ্শিবায তে সদাশিবায শংভবে || ৪ ||

সহস্রপুণ্ডরীকপূজনৈকশূন্যদর্শনা
          সহস্বনেত্রকল্পিতার্চনাচ্যুতায ভক্তিতঃ |
সহস্রভানুমণ্ডলপ্রকাশচক্রদাযিনে
          সদা নমশ্শিবায তে সদাশিবায শংভবে || ৫ ||

রসারথায রম্যপত্রভৃদ্রথাঙ্গপাণযে
          রসাধরেন্দ্রচাপশিঞ্জিনীকৃতানিলাশিনে |
স্বসারথীকৃতাজনুন্নবেদরূপবাজিনে
          সদা নমশ্শিবায তে সদাশিবায শংভবে || ৬ ||

অতিপ্রগল্ভবীরভদ্রসিংহনাদগর্জিত
          শ্রুতিপ্রভীতদক্ষযাগভোগিনাকসদ্মনাম্ |
গতিপ্রদায গর্জিতাখিলপ্রপঞ্চসাক্ষিণে
          সদা নমশ্শিবায তে সদা শিবায শংভবে || ৭ ||

মৃকণ্ডুসূনুরক্ষণাবধূতদণ্ডপাণযে
          সুগণ্ডমণ্ডলস্ফুরত্প্রভাজিতামৃতাংশবে |
অখণ্ডভোগসম্পদর্থিলোকভাবিতাত্মনে
          সদা নমশ্শিবায তে সদা শিবায শংভবে || ৮ ||

মধুরিপুবিধিশক্রমুখ্যদেবৈরপি নিযমার্চিতপাদপঙ্কজায |
কনকগিরিশরাসনায তুভ্যং রজতসভাপতযে নমঃ শিবায || ৯ ||

হালাস্যনাথায মহেশ্বরায হালাহলালঙ্কৃতকন্ধরায |
মীনেক্ষনাযাঃ পতযে শিবায নমো নমঃ সুন্দরতাণ্ডবায || ১০ ||

ত্বযা কৃতমিদং স্তোত্রং যঃ পঠেদ্ভক্তিসংযুতঃ |
তস্যাঽঽযুর্দীর্ঘমারোগ্যং সম্পদশ্চ দদাম্যহম্ || ১১ ||