মহাত্রিপুরসুন্দরী সুপ্রভাতম্

.. শ্রী মহাত্রিপুরসুন্দরী সুপ্রভাতম্ ..

        জয জয শঙ্কর
৐ শ্রী ললিতা মহাত্রিপুরসুন্দরী পরাভট্টারিকা সমেতায
শ্রী চন্দ্রমৌ঳ীশ্বর পরব্রহ্মণে নমঃ ..
৐ উত্তিষ্টোত্তিষ্ঠ দেবেশী উত্তিষ্ঠ শিবসুন্দরী .
উত্তিষ্ঠশ্রী মহারাজ্ঞী ত্রৈলোক্যং মঙ্গলং কুরু ..
নীরাজনেন জগদীশ্বরি ভক্তসঙ্ঘৈঃ
নীরাজ্যসে ভুবনমঙ্গল সিদ্ধিহেতোঃ .
ভক্ত্যা প্রভাতসমযে সহবাদ্যঘোষৈঃ
সম্স্তূযসে জহিহি কৈতব যোগনিদ্রাম্ ..
নিদ্রা ন তে ত্রিজগদীশ্বরি বিষ্ণুমাযে
সৃষ্টিস্থিতিপ্রলয কেলিষু সংস্থিতাযাঃ .
মন্মোহপাশ নিগডস্য বিমোক্ষণায
সংপ্রার্থ্যসে জননি মঙ্গলসূক্তিভিস্ত্বম্ ..
কল্যাণশৈলনিলযে করুণার্ণবে শ্রী
কামেশ্বরাঙ্কনিহিতে কলিদোষহন্ত্রী .
কালাম্বুধাভকচবন্ধবরে মনোজ্ঞে
শ্রীমন্মহাত্রিপুরসুন্দরি সুপ্রভাতম্ ..
এণাঙ্কখণ্ডযুতরত্নলসত্কিরীটে
শোণাচলেশ সহধর্মিণি বাণহস্তে .
বীণাধরেণ মুনিনা পরিগীযমানে
শ্রীমন্মহাত্রিপুরসুন্দরি সুপ্রভাতম্ ..
ঈশানমুখ্যসুরমৌ঳িলসত্পদাব্জে
শ্রীমত্সদাশিব মহাফলকাঢ্যমঞ্চে .
ঈশত্স্মিতেন বিকসত্সুমনোহরাস্যে
শ্রীমন্মহাত্রিপুরসুন্দরি সুপ্রভাতম্ ..
লজ্জনতেন নযনেন বিলোকমানে
ত্রৈলোক্যসুন্দরতনুং পরশম্ভুনাথম্ .
মন্দস্মিতোল্লসিত চারু মুখারবিন্দে
শ্রীমন্মহাত্রিপুরসুন্দরি সুপ্রভাতম্ ..
হ্রীঙ্কারজাপসুহিতে হৃদযাম্বুজস্থে
হার্দান্ধকারবিনিহন্ত্রি হরিত্পতীঢ্যে .
হর্যক্ষবাহিনি হলাযুধ সেবিতাঙ্ঘ্রে
শ্রীমন্মহাত্রিপুরসুন্দরি সুপ্রভাতম্ ..
হস্তেন দেবি ফণিপাশমথেক্ষুচাপম্
পুষ্পাস্ত্রমঙ্কুশবরং সততং দধানে .
হেমাদ্রিতুঙ্গতরশৃঙ্গ কৃতাধিবাসে
শ্রীমন্মহাত্রিপুরসুন্দরি সুপ্রভাতম্ ..
সর্বাগমোপনিষদীঢ্য মহাপ্রভাবে
সামাভিগানবিনুতে সরসীরুহাক্ষি .
সচ্চিত্সুখৈকরসিকে সকলেষ্টদাত্রী
শ্রীমন্মহাত্রিপুরসুন্দরি সুপ্রভাতম্ ..
কল্যাণদাত্রি কমনীযগুণার্ণবে শ্রী
কল্মাষপাদপরিপূজিত পাদপদ্মে .
কৈবল্যদে কলিমলাপহ চিত্স্বরূপে
শ্রীমন্মহাত্রিপুরসুন্দরি সুপ্রভাতম্ ..
হত্বাঽসুরেন্দ্রমতিবাহুবলাবলিপ্তম্
ভণ্ডং প্রচণ্ডসমরোদ্যতমাত্তশস্ত্রম্ .
সম্রক্ষিত ত্রিজগতি ত্রিপুরাধিবাসে
শ্রীমন্মহাত্রিপুরসুন্দরি সুপ্রভাতম্ ..
লব্ধু~ং তব ত্রিপুরসুন্দরি সত্কটাক্ষম্
কারুণ্যপূর্ণমমরেশমুখাদিগীশাঃ .
কক্ষ্যান্তমেত্য নিবসন্তি তব প্রবোধে
শ্রীমন্মহাত্রিপুরসুন্দরি সুপ্রভাতম্ ..
হ্রীমিত্যজস্রমপি তে মনুমাদরেণ
হৃত্পঙ্কজেনুকলযন্ প্রজপামি নিত্যম্ .
হর্ষপ্রদে হৃদযসন্তমসাপহন্ত্রী
শ্রীমন্মহাত্রিপুরসুন্দরি সুপ্রভাতম্ ..
সত্যাত্মিকে সকললোকহিতপ্রদেঽম্ব
সম্পত্করী কিটমুখী পরিসেবিতাঙ্ঘ্রে .
সর্বানবদ্যচরিতে সুকুমারগাত্রি
শ্রীমন্মহাত্রিপুরসুন্দরি সুপ্রভাতম্ ..
কামোহি তেঽম্ব করুণালবমেব লব্ধ্বা
পুষ্পাযুধোপি ভবতি ত্রিজগদ্বিজেতা .
কামেশ্বরেণ পরিকাঙ্ক্ষিত সত্কটাক্ষে
শ্রীমন্মহাত্রিপুরসুন্দরি সুপ্রভাতম্ ..
লজ্জাপদাঙ্কিত মনুপ্রতিপাদ্যরূপে
লীলাবিলোকন বিসৃষ্টজগত্সহস্রে .
লাবণ্যপূর্ণবদনে ললিতাভিধানে
শ্রীমন্মহাত্রিপুরসুন্দরি সুপ্রভাতম্ ..
হ্রীঙ্কারমন্ত্রনিলযে হৃদিভাবনীযে
হ্রীঙ্কারগর্ভমনুজাপক সিদ্ধিদাত্রি .
হ্রীঙ্কারমন্ত্রমহনীয নিজস্বরূপে
শ্রীমন্মহাত্রিপুরসুন্দরি সুপ্রভাতম্ ..
শ্রীশঙ্করার্চিতপদে শিবভাগধেযে
শ্রীকামরাজমহিষি শ্রিতকামধেনো .
শ্রীশঙ্করস্যকুলমঙ্গলদেবতেঽম্ব
শ্রীমন্মহাত্রিপুরসুন্দরি সুপ্রভাতম্ ..
শ্রী সুপ্রভাতমহিত স্তবমম্বিকাযাঃ
ভক্ত্যা প্রভাতসমযে ভুবি যে পঠন্তি .
শ্রী মাত্রনুগ্রহনিরস্তসমস্ত খেদাঃ
সচ্চিত্সুখাত্মক পদং প্রবিশন্তি সত্যম্ ..
মুনীন্দ্রনারদাগস্ত্য মান্যাযৈ জয মঙ্গলম্ .
প্রণতার্তিনিবারিণ্যৈ পূর্ণাযৈ শুভমঙ্গলম্ ..
বিবিধোপনিষদ্বেতৃ বেদ্যাযৈ জয মঙ্গলম্ .
শুদ্ধবুদ্ধসদানন্দ ব্রহ্মণে শুভ মঙ্গলম্ ..
নতলোকেষ্টদাযিন্যৈ নিত্যাযৈ নিত্য মঙ্গলম্ .
সর্বমঙ্গলযুক্তাযৈ সত্যাযৈ সর্ব মঙ্গলম্ ..
সর্বব্রহ্মাণ্ডসন্দোহ জনন্যৈ জয মঙ্গলম্ .
শঙ্করার্চিতপাদাযৈ শিবাণ্যৈ শুভমঙ্গলম্ ..
শ্রীচক্ররাজনিলযাযৈ শ্রীমাত্রে জয মঙ্গলম্ .
মহাত্রিপুরসুন্দর্যৈ শিবাযৈ শুভমঙ্গলম্ ..
.. ইতি শ্রী শঙ্করানন্দনাথ বিরচিতং
শ্রী মহাত্রিপুরসুন্দরী সুপ্রভাতম্ সমাপ্তম্ .. ৐..