ভগবতীস্তোত্রম্

.. ভগবতীস্তোত্রম্ ..

জয ভগবতি দেবি নমো বরদে জয পাপনিবাশিনি বহুফলদে |
জয শুম্ভ- নিশুম্ভ কপালধরে প্রণমামি তু দেবি নরার্তিহরে || ১||
জয চন্দ্রদিবাকর- নেত্রধরে জয পাবকভূষিতবক্ত্রবরে |
জয ভৈরবদেহনিলীনপরে জয অন্ধকদৈত্যবিশোষকরে || ২||
জয মহিষবিমর্দিনিশূলকরে জয লোকসমস্তকপাপহরে |
জয দেবি পিতামহবিষ্ণুনুতে জয ভাস্করশক্রশিরাঽবনতে || ৩||
জয ষণ্মুখ- সাযুধ- ঈশনুতে জয সাগরগামিনি শম্ভুনুতে |
জয দুঃখ- দরিদ্র- বিনাশকরে জয পুত্রকল ত্রবিবৃদ্ধিকরে || ৪||
জয দেবি সমস্তশরীরধরে জয নাকবিদর্শিনি দুঃখহরে |
জয ব্যাধিবিনাশিনি মোক্ষকরে জয বাংছিতদাযিনি সিদ্ধিকরে || ৫||
এতদ্ব্যাসকৃতং স্তোত্রং যঃ পঠেন্নিযতঃ শুচিঃ |
গৃহে বা শুদ্ধভাবেন প্রীতা ভগবতী সদা || ৬||
|| ইতি ব্যাসকৃতং ভগবতীস্তোত্রং সংপূর্ণম্ ||