ব্রহ্মস্তোত্রম্

 .. ব্রহ্মস্তোত্রম্ ..

           .. ব্রহ্মস্তোত্রম্ ..

৐ নমস্তে সতে সর্বলোকাশ্রযায
      নমস্তে চিতে বিশ্বরূপাত্মকায .
নমোঽদ্বৈততত্ত্বায মুক্তিপ্রদায
      নমো ব্রহ্মণে ব্যাপিনে নির্গুণায .. ১..

ত্বমেকং শরণ্যং ত্বমেকং বরেণ্যং
      ত্বমেকং জগত্কারণং বিশ্বরূপম্ .
ত্বমেকং জগকতৃর্পাতৃপ্রহার্তৃ
      ত্বমেকং পরং নিশ্চলং নির্বিকল্পম্ .. ২..

ভযানাং ভযং ভীষণং ভীষণানাং
      গতিঃ প্রাণিনাং পাবনং পাবনানাম্ .
মহোচ্চৈঃ পদানাং নিযন্তৃ ত্বমেকং
      পরেশং পরং রক্ষণং রক্ষণানাম্ .. ৩..

পরেশ প্রভো সর্বরূপাবিনাশিন্
      অনির্দেশ্য সর্বেন্দ্রিযাগম্য সত্য .
অচিন্ত্যাক্ষর ব্যাপকব্যক্ততত্ত্ব
      জগদ্ভাসকাধীশ পাযাদপাযাত্ .. ৪..

তদেকং স্মরামস্তদেকং ভজাম-
      স্তদেকং জগত্সাক্ষিরূপং নমামঃ .
সদেকং নিধানং নিরালম্বমীশং
      ভবাংবোধিপোতং শরণ্যং ব্রজামঃ .. ৫..

                       –মহানির্বাণ তংত্র