নবাক্ষরীস্তোত্রম্

.. নবাক্ষরীস্তোত্রম্ ..

শ্রীগুরুচরণসরোজং শ্রীকরভবতরণসুকরদৃঢনাবম্ .
মচ্চিতমধুপঝংকৃতমানন্দং নৌমি শাংকরং শরণ্যম্ .. ১..
ঐন্দ্রধনুর্মরতকমামৈরাবতনাথগীর্ভিরভ্যর্চ্যাম্ .
ঐংকারার্থস্বরূপামৈশানীনাথসেবিতাং বন্দে .. ২..
হ্রীনতদৈত্যসমূহাং হৃদ্যাং সুরলোকসেবিতাঙ্ঘ্রিযুগাম্ .
হ্রীংকারান্ত্যসরূপাং হৃদযবিলাসপ্রচোদিতাং বন্দে .. ৩..
ক্লীংকারকামজননীং ক্লীমিতিশব্দপ্রপূরিতদিগন্তাম্ .
ক্লীবস্ত্রীপুংশব্দক্রীডারূপাং নমামি বিশ্বমযীম্ .. ৪..
চামরবিভ্রদ্বাণীচন্দ্রসজাতাসুসেব্যপার্শ্বযুগাম্ .
চরণতলমহিষমুণ্ডাং চাপাদিকরাং নমামি চামুণ্ডাম্ .. ৫..
মুণ্ডমণিহারকণ্ঠীং মুকুরকপোলপ্রভাসুশোভমুখীম্ .
মুহুরাস্ফালিতধনুষং মুরহরভাগিনীং নমামি মুগ্ধতনুম্ .. ৬..
ডাকিন্যাদ্যভিতুষ্টাং ডমরুকনাদেন পূরিতদিগন্তাম্ .
ডম্ভাভিমানহন্ত্রীং ডামরতন্ত্রপ্রকাশিতাং বন্দে .. ৭..
যৈবর্ণসত্যমাযাযস্যৈ দত্তান্যাযুধানি শক্রাদ্যৈঃ .
যৌবনমদসাম্রাজ্যাযৈ তস্যৈ নমোঽস্তু বিদ্যাযৈ .. ৮..
বিশ্বোত্তীর্ণাং বিদ্যাং বিবিধজগচ্চিত্রকল্পনারূপাম্ .
বিযদাদিসৃষ্টিহেতুং বিশ্বাসৈকপ্রকাশিতাং নৌমি .. ৯..
চেতসি নিতরাং বাসিতচেতোমযি চৈত্যচেতনে চতুরে .
চম্পককলিকানাসে চামীকরভাসুরাঙ্গি নৌমি ত্বাম্ .. ১০..
অক্ষরনবাক্ষরীযং নিক্ষেপমযী সুবাক্সুধারূপা .
এতত্ স্তোত্রম্ পঠতাং যচ্ছতি সৌভাগ্যকীর্তিপুষ্টিধৃতীঃ .. ১১..
|| ইত্যানন্দনাথপাদপদ্মোপজীবিনা কাশ্যপগোত্রোত্পন্নেনান্ধ্রেণ
ত্যাগরাজনাম্না বিরচিতং নবাক্ষরীস্তোত্রং সংপূর্ণম্ ||