ধারাহ্যনুগ্রহাষ্টকম্

.. ধারাহ্যনুগ্রহাষ্টকম্ ..
ঈশ্বর উবাচ
মাতর্জগদ্রচন- নাটক- সূত্রধার
স্ত্বদ্রূপমাকলযিতুং পরমার্থতোঽযম্ |
ঈশোঽপ্যমীশ্বরপদং সমুপৈতি তাদৃক্
কোঽন্যঃ স্তবং কিমিব তাবকমাদধাতু || ১||
নামানি কিন্তু গৃণতস্তব লোকতুণ্ডে
নাডম্বরং স্পৃশতি দণ্ডধরস্য দণ্ডঃ |
যল্লেশলম্বিত- ভবাম্বুনিধির্যতো যত্
ত্বন্নামসংসৃতিরিযং ননু নঃ স্তুতিস্তে || ২||
ত্বচ্চিন্তনাদর- সমুল্লসদপ্রমেযা-
ঽঽনন্দোদযাত্ সমুদিতঃ স্ফুটরামহর্ষঃ |
মাতর্নমামি সুদিনানি সদেত্যমুং ত্বা-
মভ্যর্থযেঽর্থমিতি পূরযতাদ্ দযালো || ৩||
ইন্দ্রেন্দুমৌলি- বিজি- কেশবমৌলিরত্ন-
রোচিশ্চযোজ্জ্বলিত পাদসরোজযুগ্মে |
চেতো মতৌ মম সদা প্রতিবিম্বিতা ত্বং
ভূযা ভবানি বিদধাতু সদোরুহারে || ৪ ||
লীলোদ্ধৃতক্ষিতিতলস্য বরাহমূর্তে-
র্বারাহমূর্তিরখিলার্থকরী ত্বমেব |
প্রালেযরশ্মিসুকলোল্লসিতাবতংসা
ত্বং দেবি বামতনুভাগহরা রহস্য || ৫||
ত্বামম্ব তপ্তকন কোজ্জ্বলকান্তিমন্ত-
র্যে চিন্তযন্তি যুবতীতনুমাগলান্তাম্ |
চক্রাযুধত্রিনযনাম্বরপোতৃবক্ত্রাং
তেষাং পদাম্বুজযুগং প্রণমন্তি দেবাঃ || ৬||
ত্বত্সেবনস্খলিত পাপচযস্য ঘাস-
র্মোক্ষোঽপি যত্র ন সতাং গণনানুফৈতি |
দেবাসুরোরগনৃপালনমস্য পাদ-
স্তত্র শ্রিযঃ পটুগিরঃ কিযষেবমস্তু || ৭||
কিং দুষ্করং ত্বযি মনোবিষযং গতাযাং
কিং দুর্লভং ত্বযি বিধানবদর্চিতাযাম্ |
কিং দুষ্করং ত্বযি সকৃত্স্মৃতিমাগতাযাং
কিং দুর্জযং ত্বযি কৃতস্তুতিবাদপুসাম্ || ৮||
|| ইতি শ্রী ধারাহ্যনুগ্রহাষ্টকং সম্পূর্ণম্ ||