ধনলক্ষ্মী স্তোত্রম্

.. ধনলক্ষ্মী স্তোত্রম্ ..

ধনদা উবাচ
দেবী দেবমুপাগম্য নীলকণ্ঠং মম প্রিযম্ |
কৃপযা পার্বতী প্রাহ শংকরং করুণাকরম্ ||
দেব্যুবাচ
ব্রূহি বল্লভ সাধূনাং দরিদ্রাণাং কুটুম্বিনাম্ |
দরিদ্র দলনোপাযমংজসৈব ধনপ্রদম্ ||
শিব উবাচ
পূজযন্ পার্বতীবাক্যমিদমাহ মহেশ্বরঃ |
উচিতং জগদম্বাসি তব ভূতানুকম্পযা ||
স সীতং সানুজং রামং সাংজনেযং সহানুগম্ |
প্রণম্য পরমানন্দং বক্ষ্যেঽহং স্তোত্রমুত্তমম্ ||
ধনদং শ্রদ্ধানানাং সদ্যঃ সুলভকারকম্ |
যোগক্ষেমকরং সত্যং সত্যমেব বচো মম ||
পঠংতঃ পাঠযংতোঽপি ব্রহ্মণৈরাস্তিকোত্তমৈঃ |
ধনলাভো ভবেদাশু নাশমেতি দরিদ্রতা ||
ভূভবাংশভবাং ভূত্যৈ ভক্তিকল্পলতাং শুভাম্ |
প্রার্থযত্তাং যথাকামং কামধেনুস্বরূপিণীম্ ||
ধনদে ধনদে দেবি দানশীলে দযাকরে |
ত্বং প্রসীদ মহেশানি! যদর্থং প্রার্থযাম্যহম্ ||
ধরাঽমরপ্রিযে পুণ্যে ধন্যে ধনদপূজিতে |
সুধনং র্ধামিকে দেহি যজমানায সত্বরম্ ||
রম্যে রুদ্রপ্রিযে রূপে রামরূপে রতিপ্রিযে |
শিখীসখমনোমূর্ত্তে প্রসীদ প্রণতে মযি ||
আরক্ত- চরণাম্ভোজে সিদ্ধি- সর্বার্থদাযিকে |
দিব্যাম্বরধরে দিব্যে দিব্যমাল্যানুশোভিতে ||
সমস্তগুণসম্পন্নে সর্বলক্ষণলক্ষিতে |
শরচ্চন্দ্রমুখে নীলে নীল নীরজ লোচনে ||
চংচরীক চমূ চারু শ্রীহার কুটিলালকে |
মত্তে ভগবতী মাতঃ কলকণ্ঠরবামৃতে ||
হাসাঽবলোকনৈর্দিব্যৈর্ভক্তচিন্তাপহারিকে |
রূপ লাবণ্য তারূণ্য কারূণ্য গুণভাজনে ||
ক্বণত্কংকণমংজীরে লসল্লীলাকরাম্বুজে |
রুদ্রপ্রকাশিতে তত্ত্বে ধর্মাধরে ধরালযে ||
প্রযচ্ছ যজমানায ধনং ধর্মেকসাধনম্ |
মাতস্ত্বং মেঽবিলম্বেন দিশস্ব জগদম্বিকে ||
কৃপযা করুরাগারে প্রার্থিতং কুরু মে শুভে |
বসুধে বসুধারূপে বসু বাসব বন্দিতে ||
ধনদে যজমানায বরদে বরদা ভব |
ব্রহ্মণ্যৈর্ব্রাহ্মণৈঃ পূজ্যে পার্বতীশিবশংকরে ||
স্তোত্রং দরিদ্রতাব্যাধিশমনং সুধনপ্রদম্ |
শ্রীকরে শংকরে শ্রীদে প্রসীদ মযিকিংকরে ||
পার্বতীশপ্রসাদেন সুরেশ কিংকরেরিতম্ |
শ্রদ্ধযা যে পঠিষ্যন্তি পাঠযিষ্যন্তি ভক্তিতঃ ||
সহস্রমযুতং লক্ষং ধনলাভো ভবেদ্ ধ্রুবম্ |
ধনদায নমস্তুভ্যং নিধিপদ্মাধিপায চ |
ভবন্তু ত্বত্প্রসাদান্মে ধন- ধান্যাদিসম্পদঃ ||
|| ইতি শ্রী ধনলক্ষ্মী স্তোত্রং সংপূর্ণম্ ||