চণ্ডিকাষ্টকম্

.. চণ্ডিকাষ্টকম্ ..

সহস্রচন্দ্রনিত্দকাতিকান্ত- চন্দ্রিকাচযৈ-
দিশোঽভিপূরযদ্ বিদূরযদ্ দুরাগ্রহং কলেঃ |
কৃতামলাঽবলাকলেবরং বরং ভজামহে
মহেশমানসাশ্রযন্বহো মহো মহোদযম্ || ১||
বিশাল- শৈলকন্দরান্তরাল- বাসশালিনীং
ত্রিলোকপালিনীং কপালিনী মনোরমামিমাম্ |
উমামুপাসিতাং সুরৈরূপাস্মহে মহেশ্বরীং
পরাং গণেশ্বরপ্রসূ নগেশ্বরস্য নন্দিনীম্ || ২||
অযে মহেশি! তে মহেন্দ্রমুখ্যনির্জরাঃ সমে
সমানযন্তি মূর্দ্ধরাগত পরাগমংঘ্রিজম্ |
মহাবিরাগিশংকরাঽনুরাগিণীং নুরাগিণী
স্মরামি চেতসাঽতসীমুমামবাসসং নুতাম্ || ৩||
ভজেঽমরাংগনাকরোচ্ছলত্সুচাম রোচ্চলন্
নিচোল- লোলকুন্তলাং স্বলোক- শোক- নাশিনীম্ |
অদভ্র- সম্ভৃতাতিসম্ভ্রম- প্রভূত- বিভ্রম-
প্রবৃত- তাণ্ডব- প্রকাণ্ড- পণ্ডিতীকৃতেশ্বরাম্ || ৪||
অপীহ পামরং বিধায চামরং তথাঽমরং
নুপামরং পরেশিদৃগ্- বিভাবিতা- বিতত্রিকে |
প্রবর্ততে প্রতোষ- রোষ- খেলন তব স্বদোষ-
মোষহেতবে সমৃদ্ধিমেলনং পদন্নুমঃ || ৫||
ভভূব্- ভভব্- ভভব্- ভভাভিতো- বিভাসি ভাস্বর-
প্রভাভর- প্রভাসিতাগ- গহ্বরাধিভাসিনীম্ |
মিলত্তর- জ্বলত্তরোদ্বলত্তর- ক্ষপাকর
প্রমূত- ভাভর- প্রভাসি- ভালপট্টিকাং ভজে || ৬||
কপোতকম্বু- কাম্যকণ্ঠ- কণ্ঠযকংকণাংগদা-
দিকান্ত- কাশ্চিকাশ্চিতাং কপালিকামিনীমহম্ |
বরাংঘ্রিনূপুরধ্বনি- প্রবৃত্তিসম্ভবদ্ বিশেষ-
কাব্যকল্পকৌশলাং কপালকুণ্ডলাং ভজে || ৭||
ভবাভয- প্রভাবিতদ্ভবোত্তরপ্রভাবি ভব্য
ভূমিভূতিভাবন প্রভূতিভাবুকং ভবে |
ভবানি নেতি তে ভবানি! পাদপংকজং ভজে
ভবন্তি তত্র শত্রুবো ন যত্র তদ্বিভাবনম্ || ৮||
দুর্গাগ্রতোঽতিগরিমপ্রভবাং ভবান্যা
ভব্যামিমাং স্তুতিমুমাপতিনা প্রণীতাম্ |
যঃ শ্রাবযেত্ সপুরূহূতপুরাধিপত্য
ভাগ্যং লভেত রিপবশ্চ তৃণানি তস্য || ৯||
রামাষ্টাংক শশাংকেঽব্দেঽষ্টম্যাং শুক্লাশ্বিনে গুরৌ |
শাক্তশ্রীজগদানন্দশর্মণ্যুপহৃতা স্তুতিঃ || ১০||
|| ইতি কবিপত্যুপনামক- শ্রী উমাপতিদ্বিবেদি- বিরচিতং চণ্ডিকাষ্টকং সম্পূর্ণম্ ||