গৌর্যাষ্টোত্তরশতনামস্তোত্রম্

.. গৌর্যাষ্টোত্তরশতনামস্তোত্রম্ ..

     .. অথ গৌর্যাষ্টোত্তরশতনামস্তোত্রম্..
.. দত্তাত্রযেণ গৌর্যাষ্টোত্তরশতনামস্তোত্রোপদেশবর্ণনম্..
ইতি শ্রুত্বা কথাং পুণ্যাং গৌরীবীর্যবিচিত্রিতাম্ .
অপৃচ্ছদ্ ভার্গবোভূযোদত্তাত্রেযং মহামুনিম্ .. ১..
ভগবন্নদ্ভুততমং গৌর্যা বীর্যমুদাহৃতম্ .
শৃণ্বতো ন হি মে তৃপ্তিঃ কথাং তে মুখনিঃসৃতাম্ .. ২..
গৌর্যা নামাঽষ্টশতকং যচ্ছচ্যৈ ধিষণো জগৌ .
তন্মে কথয যচ্ছ্রোতুং মনো মেঽত্যন্তমুত্সুকম্ .. ৩..
ভার্গবেণেত্থমাপৃষ্টো যোগিরাডত্রিনন্দনঃ .
অষ্টোত্তরশতং নাম্নাং প্রাহ গৌর্যা দযানিধিঃ .. ৪..
জামদগ্ন্য শৃণু স্তোত্রং গৌরীনামভিরঙ্কিতম্ .
মনোহরং বাঞ্ছিতদং মহাঽঽপদ্বিনিবারণম্ .. ৫..
স্তোত্রস্যাঽস্য ঋষিঃ প্রোক্ত অঙ্গিরাশ্ছন্দ ঈরিত .
অনুষ্টুব্ দেবতা গৌরী আপন্নাশায যো জপেত্ .. ৬..
হ্রাং হ্রীং ইত্যাদি বিন্যস্য ধ্যাত্বা স্তোত্রমুদীরযেত্..
          .. ধ্যানম্..
সিংহসংস্থাং মেচকাঽঽভাং কৌসুম্ভাংঽশুকশোভিতাম্ .. ৭
খড্গং খেটং ত্রিশূলঞ্চ মুদ্গরং বিভ্রতীং করৈঃ .
চন্দ্রচূডাং ত্রিনযনাং ধ্যাযেত্ গৌরীং অভীষ্টদাম্ .. ৮..
          .. স্তোত্রম্..
গৌরী গোজননী বিদ্যা শিবা দেবী মহেশ্বরী .
নারাযণাঽনুজা নম্রভূষণা নুতবৈভবা .. ৯..
ত্রিনেত্রা ত্রিশিখা শম্ভুসংশ্রযা শশিভূষণা .
শূলহস্তা শ্রুতধরা শুভদা শুভরূপিণী .. ১০..
উমা ভগবতী রাত্রিঃ সোমসূর্যাঽগ্নিলোচনা .
সোমসূর্যাত্মতাটঙ্কা সোমসূর্যকুচদ্বযী .. ১১..
অম্বা অম্বিকা অম্বুজধরা অম্বুরূপা আপ্যাযিনী স্থিরা .
শিবপ্রিযা শিবাঽঙ্কস্থা শোভনা শুম্ভনাশিনী .. ১২..
খড্গহস্তা খগা খেটধরা খাঽচ্ছনিভাঽঽকৃতিঃ .
কৌসুম্ভঞ্চলা কৌসুম্ভপ্রিযা কুন্দনিভদ্বিজা .. ১৩..
কালী কপালিনী ক্রূরা করবালকরা ক্রিযা .
কাম্যা কুমারী কুটিলা কুমারাঽম্বা কুলেশ্বরী .. ১৪..
মৃডানী মৃগশাবাক্ষী মৃদুদেহা মৃগপ্রিযা .
মৃকণ্ডুপূজিতা মাধ্বীপ্রিযা মাতৃগণোডিতা .. ১৫..
মাতৃকা মাধবী মাদ্যন্মানসা মদিরেক্ষণা .
মোদরূপা মোদকরী মুনিধ্যেযা মনোন্মনী .. ১৬..
পর্বতস্থা পর্বপূজ্যা পরমাঽর্থদা .
পরাত্পরা পরামর্শমযী পরিণতাঽখিলা .. ১৭..
পাশিসেব্যা পশুপতিপ্রিযা পশুবৃষস্তুতা .
পশ্যন্তী পরচিদ্রূপা পরীবাদহরা পরা .. ১৮..
সর্বজ্ঞা সর্বরূপা সা সম্পত্তিঃ সম্পদুন্নতা .
আপন্নিবারিণী ভক্তসুলভা করুণামযী .. ১৯..
কলাবতী কলামূলা কলাকলিতবিগ্রহা .
গণসেব্যা গণোশানা গতির্গমনবর্জিতা .. ২০..
ঈশ্বরীশানদযিতা শক্তিঃ শমিতপাতকা .
পীঠগা পীঠিকারূপা পৃষত্পূজ্যা প্রভামযী .. ২১..
মহমাযা মতঙ্গেষ্টা লোকাঽলোকা শিবাঙ্গনা..
.. ফলশ্রুতিঃ..
এতত্তেঽভিহিতং রাম ! স্তোত্রমত্যন্তদুর্লভম্ .. ২২..
গৌর্যাষ্টোত্তরশতনামভিঃ সুমনোহরম্ .
আপদম্ভোধিতরণে সুদৃঢপ্লবরূপকম্ .. ২৩..
এতত্ প্রপঠতাং নিত্যমাপদো যান্তি দূরতঃ .
গৌরীপ্রসাদজননমাত্মজ্ঞানপ্রদং নৃণাম্ .. ২৪..
ভক্ত্যা প্রপঠতাং পুংসাং সিধ্যত্যখিলমীহিতম্ .
অন্তে কৈবল্যমাপ্নোতি সত্যং তে ভার্গবেরিতম্ .. ২৫..

The 108 names of Gauri are as recited by Lord Dattatreya to Parashurama in the Mahatmya Khandam of the Tripura Rahasyam.