অর্ধনারীশ্বরাষ্টকম্

.. .. অর্ধনারীশ্বরাষ্টকম্ ..

অংভোধরশ্যামলকুন্তলাযৈ
তটিত্প্রভাতাম্রজটাধরায |
নিরীশ্বরাযৈ নিখিলেশ্বরায
নমঃ শিবাযৈ চ নমঃ শিবায || ১||

প্রদীপ্তরত্নোজ্বলকুণ্ডলাযৈ
স্ফুরন্মহাপন্নগভূষণায |
শিবপ্রিযাযৈ চ শিবপ্রিযায
নমঃ শিবাযৈ চ নমঃ শিবায || ২||

মন্দারমালাকলিতালকাযৈ
কপালমালাঙ্কিতকন্ধরাযৈ |
দিব্যাম্বরাযৈ চ দিগম্বরায
নমঃ শিবাযৈ চ নমঃ শিবায || ৩||

কস্তূরিকাকুঙ্কুমলেপনাযৈ
শ্মশানভস্মাত্তবিলেপনায |
কৃতস্মরাযৈ বিকৃতস্মরায
নমঃ শিবাযৈ চ নমঃ শিবায || ৪||

পাদারবিন্দার্পিতহংসকাযৈ
পাদাব্জরাজত্ফণিনূপুরায |
কলামযাযৈ বিকলামযায
নমঃ শিবাযৈ চ নমঃ শিবায || ৫||

প্রপঞ্চসৃষ্ট্যুন্মুখলাস্যকাযৈ
সমস্তসংহারকতাণ্ডবায |
সমেক্ষণাযৈ বিষমেক্ষণায
নমঃ শিবাযৈ চ নমঃ শিবায || ৬||

প্রফুল্লনীলোত্পললোচনাযৈ
বিকাসপঙ্কেরুহলোচনায |
জগজ্জনন্যৈ জগদেকপিত্রে
নমঃ শিবাযৈ চ নমঃ শিবায || ৭||

অন্তর্বহিশ্চোর্ধ্বমধশ্চ মধ্যে
পুরশ্চ পশ্চাচ্চ বিদিক্ষু দিক্ষু |
সর্বং গতাযৈ সকলং গতায
নমঃ শিবাযৈ চ নমঃ শিবায || ৮||

অর্ধনারীশ্বরস্তোত্রং উপমন্যুকৃতং ত্বিদম্ |
যঃ পঠেচ্ছৃণুযাদ্বাপি শিবলোকে মহীযতে || ৯||

|| ইতি উপমন্যুকৃতং অর্ধনারীশ্বরাষ্টকম্ ||