গণপত্যথর্বশীর্ষ

.. শ্রী গণপত্যথর্বশীর্ষ ..

  .. শান্তি পাঠ ..
৐ ভদ্রং কর্ণেভিঃ শৃণুযাম দেবাঃ .
ভদ্রং পশ্যেমাক্ষভির্যজত্রাঃ ..
স্থিরৈরঙ্গৈস্তুষ্টুবাংসস্তনূভিঃ .
ব্যশেম দেবহিতং যদাযুঃ ..
৐ স্বস্তি ন ইন্দ্রো বৃদ্ধশ্রবাঃ .
স্বস্তি নঃ পূষা বিশ্ববেদাঃ ..
স্বস্তিনস্তার্ক্ষ্যো অরিষ্টনেমিঃ .
স্বস্তি নো বৃহস্পতির্দধাতু ..
৐ তন্মামবতু
তদ্ বক্তারমবতু
অবতু মাম্
অবতু বক্তারম্
৐ শাংতিঃ .  শাংতিঃ .. শাংতিঃ…
.. উপনিষত্ ..
হরিঃ ৐ নমস্তে গণপতযে ..
ত্বমেব প্রত্যক্ষং তত্ত্বমসি .. ত্বমেব কেবলং কর্তাঽসি ..
ত্বমেব কেবলং ধর্তাঽসি .. ত্বমেব কেবলং হর্তাঽসি ..
ত্বমেব সর্বং খল্বিদং ব্রহ্মাসি ..
ত্বং সাক্ষাদাত্মাঽসি নিত্যম্ .. ১..
               .. স্বরূপ তত্ত্ব ..
ঋতং বচ্মি (বদিষ্যামি).. সত্যং বচ্মি (বদিষ্যামি).. ২..
অব ত্বং মাম্ .. অব বক্তারম্ .. অব শ্রোতারম্ ..
অব দাতারম্ .. অব ধাতারম্ ..
অবানূচানমব শিষ্যম্ ..
অব পশ্চাত্তাত্ .. অব পুরস্তাত্ ..
অবোত্তরাত্তাত্ .. অব দক্ষিণাত্তাত্ ..
অব চোর্ধ্বাত্তাত্ .. অবাধরাত্তাত্ ..
সর্বতো মাং পাহি পাহি সমংতাত্ .. ৩..
ত্বং বাঙ্গ্মযস্ত্বং চিন্মযঃ ..
ত্বমানংদমযস্ত্বং ব্রহ্মমযঃ ..
ত্বং সচ্চিদানংদাদ্বিতীযোঽসি ..
ত্বং প্রত্যক্ষং ব্রহ্মাসি ..
ত্বং জ্ঞানমযো বিজ্ঞানমযোঽসি .. ৪..
সর্বং জগদিদং ত্বত্তো জাযতে ..
সর্বং জগদিদং ত্বত্তস্তিষ্ঠতি ..
সর্বং জগদিদং ত্বযি লযমেষ্যতি ..
সর্বং জগদিদং ত্বযি প্রত্যেতি ..
ত্বং ভূমিরাপোঽনলোঽনিলো নভঃ ..
ত্বং চত্বারি বাক্পদানি .. ৫..
ত্বং গুণত্রযাতীতঃ ত্বমবস্থাত্রযাতীতঃ ..
ত্বং দেহত্রযাতীতঃ .. ত্বং কালত্রযাতীতঃ ..
ত্বং মূলাধারঃ স্থিথোঽসি নিত্যম্ ..
ত্বং শক্তিত্রযাত্মকঃ ..
ত্বাং যোগিনো ধ্যাযংতি নিত্যম্ ..
ত্বং ব্রহ্মা ত্বং বিষ্ণুস্ত্বং রুদ্রস্ত্বং
ইন্দ্রস্ত্বং অগ্নিস্ত্বং বাযুস্ত্বং সূর্যস্ত্বং চংদ্রমাস্ত্বং
ব্রহ্মভূর্ভুবঃস্বরোম্ .. ৬..
               .. গণেশ মংত্র ..
গণাদিং পূর্বমুচ্চার্য বর্ণাদিং তদনংতরম্ ..
অনুস্বারঃ পরতরঃ .. অর্ধেন্দুলসিতম্ .. তারেণ ঋদ্ধম্ ..
এতত্তব মনুস্বরূপম্ .. গকারঃ পূর্বরূপম্ ..
অকারো মধ্যমরূপম্ .. অনুস্বারশ্চান্ত্যরূপম্ ..
বিন্দুরুত্তররূপম্ .. নাদঃ সংধানম্ ..
সংহিতাসংধিঃ .. সৈষা গণেশবিদ্যা ..
গণকঋষিঃ .. নিচৃদ্গাযত্রীচ্ছংদঃ ..
গণপতির্দেবতা .. ৐ গং গণপতযে নমঃ .. ৭..
               .. গণেশ গাযাত্রী ..
একদংতায বিদ্মহে . বক্রতুণ্ডায ধীমহি ..
তন্নো দংতিঃ প্রচোদযাত্ .. ৮..
               .. গণেশ রূপ ..
একদংতং চতুর্হস্তং পাশমংকুশধারিণম্ ..
রদং চ বরদং হস্তৈর্বিভ্রাণং মূষকধ্বজম্ ..
রক্তং লংবোদরং শূর্পকর্ণকং রক্তবাসসম্ ..
রক্তগংধানুলিপ্তাংগং রক্তপুষ্পৈঃ সুপূজিতম্ ..
    ভক্তানুকংপিনং দেবং জগত্কারণমচ্যুতম্ ..
    আবির্ভূতং চ সৃষ্ট্যাদৌ প্রকৃতেঃ পুরুষাত্পরম্ ..
    এবং ধ্যাযতি যো নিত্যং স যোগী যোগিনাং বরঃ .. ৯..
               .. অষ্ট নাম গণপতি ..
নমো ব্রাতপতযে . নমো গণপতযে . নমঃ প্রমথপতযে .
নমস্তেঽস্তু লংবোদরাযৈকদংতায .
বিঘ্ননাশিনে শিবসুতায . শ্রীবরদমূর্তযে নমো নমঃ .. ১০..
               .. ফলশ্রুতি ..
এতদথর্বশীর্ষং যোঽধীতে .. স ব্রহ্মভূযায কল্পতে ..
স সর্বতঃ সুখমেধতে .. স সর্ব বিঘ্নৈর্নবাধ্যতে ..
     স পংচমহাপাপাত্প্রমুচ্যতে ..
সাযমধীযানো দিবসকৃতং পাপং নাশযতি ..
প্রাতরধীযানো রাত্রিকৃতং পাপং নাশযতি ..
     সাযংপ্রাতঃ প্রযুংজানো অপাপো ভবতি ..
     সর্বত্রাধীযানোঽপবিঘ্নো ভবতি ..
     ধর্মার্থকামমোক্ষং চ বিংদতি ..
     ইদমথর্বশীর্ষমশিষ্যায ন দেযম্ ..
     যো যদি মোহাদ্দাস্যতি স পাপীযান্ ভবতি
     সহস্রাবর্তনাত্ যং যং কামমধীতে
     তং তমনেন সাধযেত্ .. ১১..
অনেন গণপতিমভিষিংচতি স বাগ্মী ভবতি ..
চতুর্থ্যামনশ্নন্ জপতি স বিদ্যাবান্ ভবতি .
স যশোবান্ ভবতি ..
ইত্যথর্বণবাক্যম্ .. ব্রহ্মাদ্যাচরণং বিদ্যাত্
     ন বিভেতি কদাচনেতি .. ১২..
যো দূর্বাংকুরৈর্যজতি স বৈশ্রবণোপমো ভবতি ..
যো লাজৈর্যজতি স যশোবান্ ভবতি ..
স মেধাবান্ ভবতি ..
যো মোদকসহস্রেণ যজতি
    স বাঞ্ছিতফলমবাপ্নোতি ..
যঃ সাজ্যসমিদ্ভির্যজতি
    স সর্বং লভতে স সর্বং লভতে .. ১৩..
অষ্টৌ ব্রাহ্মণান্ সম্যগ্গ্রাহযিত্বা
সূর্যবর্চস্বী ভবতি ..
সূর্যগৃহে মহানদ্যাং প্রতিমাসংনিধৌ
বা জপ্ত্বা সিদ্ধমংত্রো ভবতি ..
মহাবিঘ্নাত্প্রমুচ্যতে .. মহাদোষাত্প্রমুচ্যতে ..
মহাপাপাত্ প্রমুচ্যতে ..
স সর্ববিদ্ভবতি স সর্ববিদ্ভবতি ..
য এবং বেদ ইত্যুপনিষত্ .. ১৪..
.. শান্তি মংত্র ..
৐ সহনাববতু .. সহনৌভুনক্তু ..
সহ বীর্যং করবাবহৈ ..
তেজস্বিনাবধীতমস্তু মা বিদ্বিষাবহৈ ..
৐ ভদ্রং কর্ণেভিঃ শৃণুযাম দেবাঃ .
ভদ্রং পশ্যেমাক্ষভির্যজত্রাঃ ..
স্থিরৈরংগৈস্তুষ্টুবাংসস্তনূভিঃ .
ব্যশেম দেবহিতং যদাযুঃ ..
৐ স্বস্তি ন ইন্দ্রো বৃদ্ধশ্রবাঃ .
স্বস্তি নঃ পূষা বিশ্ববেদাঃ ..
স্বস্তিনস্তার্ক্ষ্যো অরিষ্টনেমিঃ .
স্বস্তি নো বৃহস্পতির্দধাতু ..
৐ শাংতিঃ . শাংতিঃ .. শাংতিঃ …
.. ইতি শ্রীগণপত্যথর্বশীর্ষং সমাপ্তম্ ..

---

Shri Ganapati Atharvashirsha occurs in the atharva veda . It is considered to be most important text on Lord Ganesha . Atharva means firmness, oneness of purpose, while shiirshha means intellect (directed towards liberation). May Ganapati, the remover of obstacles protect us . Aum . Aum . Aum.