গণাধিপতি পঞ্চরত্ন স্তোত্রম্

.. শ্রী গণাধিপতি পঞ্চরত্ন স্তোত্রম্ ..
৐ সরাগিলোকদুর্লভং বিরাগিলোকপূজিতং
সুরাসুরৈর্নমস্কৃতং জরাপমৃত্যুনাশকম্ .
গিরা গুরুং শ্রিযা হরিং জযন্তি যত্পদার্চকাঃ
নমামি তং গণাধিপং কৃপাপযঃ পযোনিধিম্ .. ১..
গিরীন্দ্রজামুখাম্বুজ প্রমোদদান ভাস্করং
করীন্দ্রবক্ত্রমানতাঘসঙ্ঘবারণোদ্যতম্ .
সরীসৃপেশ বদ্ধকুক্ষিমাশ্রযামি সন্ততং
শরীরকান্তি নির্জিতাব্জবন্ধুবালসন্ততিম্ .. ২..
শুকাদিমৌনিবন্দিতং গকারবাচ্যমক্ষরং
প্রকামমিষ্টদাযিনং সকামনম্রপঙ্ক্তযে .
চকাসতং চতুর্ভুজৈঃ বিকাসিপদ্মপূজিতং
প্রকাশিতাত্মতত্বকং নমাম্যহং গণাধিপম্ .. ৩..
নরাধিপত্বদাযকং স্বরাদিলোকনাযকং
জ্বরাদিরোগবারকং নিরাকৃতাসুরব্রজম্ .
করাম্বুজোল্লসত্সৃণিং বিকারশূন্যমানসৈঃ
হৃদাসদাবিভাবিতং মুদা নমামি বিঘ্নপম্ .. ৪..
শ্রমাপনোদনক্ষমং সমাহিতান্তরাত্মনাং
সুমাদিভিঃ সদার্চিতং ক্ষমানিধিং গণাধিপম্ .
রমাধবাদিপূজিতং যমান্তকাত্মসম্ভবং
শমাদিষড্গুণপ্রদং নমামি তং বিভূতযে .. ৫..
গণাধিপস্য পঞ্চকং নৃণামভীষ্টদাযকং
প্রণামপূর্বকং জনাঃ পঠন্তি যে মুদাযুতাঃ .
ভবন্তি তে বিদাং পুরঃ প্রগীতবৈভবাজবাত্
চিরাযুষোঽধিকঃ শ্রিযস্সুসূনবো ন সংশযঃ .. ৐ ..
.. ইতি দক্ষিণাম্নায শ্রিঙ্গেরী শ্রীশারদাপীঠাধিপতি
শঙ্করাচার্য জগদ্গুরুবর্যো শ্রী সচ্চিদানন্দ
শিবাভিনব নৃসিংহভারতী মহাস্বামিভিঃ বিরচিতম্
শ্রী গণাধিপতি পঞ্চরত্ন স্তোত্রম্ সম্পূর্ণম্ ..