আল্লায় যেন কর্জের লাগি কেউর বাড়িত নেয় না

আল্লায় যেন কর্জের লাগি কেউর বাড়িত নেয় না
মজুরি করিয়া খাইমু ভাত যদি খাইতে পাই না ॥

আগে যে কর্জ আনতাম সুদ-বাট্টা দিতাম না
এখন বড় বেইজ্জতি সুদ লাগে তিন চাইর দোনা ॥

সময় মতো না দিলে আর মান ইজ্জত বাঁচে না
আর কিতা দেখাইবা আল্লায় আইছে কলির জমানা ॥

সাক্ষাৎ চাচার ঘরর ভাই চশম-ভরম করে না
যাই যদি কুন্তার লাগি কথা কয় উনা-হুঁকনা ॥

বাপর খালি জমিন থাকতে নিজর বুঝখান বুঝলাম না
সময় থাকতে এই বুঝখান আমারে কেউ দিল না
করিম কয় এখন বুঝি, এই বুঝ আগে ছিল না ॥